Kolose 2:13 - Biblia Tetun Dili

¹³ Uluk imi hanesan mate tiha ona, tanba imi sala nain i imi nia hakarak aat mak domina hela imi. Maski nunee, maibee Maromak halo moris fali imi hamutuk ho Kristu. Nia hamoos tiha ona ita nia sala hotu.

Kolose 2:13 Iomraidhean Croise

Lucas 15:24

Tanba hau nia oan nee hanesan mate tiha ona, maibee agora nia moris fila fali. Nia lakon tiha ona, maibee agora hau hetan fali.’ Nunee sira hahuu halo festa rame-rame.

Lucas 15:32

Maibee agora ita tenki halo festa hodi haksolok, tanba o nia alin nee hanesan mate tiha ona, maibee agora nia moris fila fali. Nia hanesan lakon tiha, maibee agora hau hetan fali ona.’ ”

Lucas 9:60

Jesus hatete ba nia, “Husik ema nebee la fiar ba Maromak hakoi sira nia mate. Maibee o nia serbisu mak baa foo sai kona ba Nai Maromak ukun nudar Liurai iha fatin-fatin.”

João 5:21

Hau nia Aman halo moris fila fali ema mate. Nunee mos, Hau sei foo moris loloos ba see-see deit, tuir Hau nia hakarak.

João 6:63

Maromak nia Espiritu mak lori moris loloos. Laos ema nia isin mak lori moris loloos. Maibee Hau nia Liafuan mai hosi Maromak nia Espiritu. Nunee Liafuan sira nee mos lori moris loloos ba ema.

Roma 4:17

Iha Livru Sagradu, Maromak promete ba Abraão dehan, “Hau sei halo o sai nasaun barak nia aman.” Abraão fiar ba Maromak, tanba Maromak mak halo moris fali ema mate, i Nia koalia deit, buat nebee la iha, bele iha kedas.

Roma 6:13

La bele foo imi nia isin lolon para halo sala, hanesan fali buat nebee ema uza hodi halo sala. Maibee foo imi nia aan tomak ba Maromak, hanesan ema nebee uluk mate tiha ona, maibee agora moris. Nunee entrega imi nia isin lolon ba Nia para Nia uza hodi halo buat nebee mak loos.

Roma 8:11

Maromak nia Espiritu mak halo Jesus Kristu moris fali hosi mate. Agora Nia Espiritu hela iha imi. Nunee bainhira imi mate, Maromak mos sei halo imi nia isin lolon moris fali, liu hosi Nia Espiritu nebee hela iha imi nia laran.

1 Korintu 15:36

Imi beik duni! Bainhira imi kuda fini, fini nee tenki sai dodok iha rai mak foin bele moris sae.

1 Korintu 15:45

Iha Livru Sagradu hakerek dehan, “Ema primeiru nebee Maromak foo iis mak Adão. Ikus mai iha tan Adão seluk, nee mak Kristu. Adão ida ikus nee Ema lalehan nian, i Nia mak huun ba moris rohan-laek.”

2 Korintu 3:6

Nia mak foo kbiit mai ami atu foo sai ba ema kona ba Nia aliansa foun. Aliansa foun nee laos foo liu hosi Moisés nia lei nebee hakerek tiha ona, maibee foo liu hosi Maromak nia Espiritu. Tanba lei nebee hakerek nee, se ita la halo tuir, lori ita ba mate. Maibee Maromak nia Espiritu lori ita ba moris rohan-laek.

2 Korintu 5:19

Nunee ami foo sai katak liu hosi Kristu, Maromak halo ema iha mundu nee dame malu fali ho Nia, Nia la sura ona ita nia sala. Nia mos foo fiar mai ami atu haklaken kona ba dame nee.

Efezu 2:1

Uluk, kona ba moris espiritual, imi mate tiha ona, tanba imi kontra Nai Maromak nia lei i halo sala oi-oin.

Efezu 2:11

Imi nebee laos ema Judeu, imi hatene, uluk ema Judeu sira la konsidera imi tanba imi la sunat tuir sira nia lei relijiaun. Afinal sunat nee, ema mak halo iha isin lolon deit; nee la muda ema nia moris.

Efezu 5:14

tanba naroman halo buat hotu-hotu sai klaru. Iha kanta ida dehan, “Imi nebee dukur, hadeer ona baa, imi nebee mate, moris fali ona baa. I Kristu sei foo naroman ba imi.”

Kolose 2:12

Momentu imi simu batizmu, nee hanesan imi mate tiha ona i hakoi hamutuk ho Kristu, depois imi mos moris fali hamutuk ho Nia. Imi simu moris foun nee, tanba imi fiar katak Maromak iha kbiit boot teb-tebes hodi halo Kristu moris fali hosi mate, i imi laran metin katak Nia mos uza Nia kbiit nee para foo moris foun ba imi.

1 Timóteo 5:6

Maibee feto faluk nebee hakarak goza deit, nia hanesan ema nebee mate tiha ona, maski nia sei moris.

1 Timóteo 6:13

Iha Maromak nia futar oin, nebee foo moris ba buat hotu-hotu no iha Kristu Jesus nebee foo sasin loloos kona ba Nia Aan iha governador Pontius Pilatus nia oin,

Ebreu 6:1

Tanba nee ita tenki lao ba oin hodi aprende buat nebee klean liu. La bele aprende fila-fila lisaun primeiru kona ba Kristu. Tuir loos imi la presiza tan ona buat baziku nebee hanorin ita para husik ita nia sala nebee lori ita ba mate, i hanorin ita atu fiar ba Maromak.

Ebreu 9:14

Se animal nia raan bele halo ema moos fali, saa tan Kristu nia raan! Tanba ho Espiritu nebee rohan-laek nia tulun, Kristu foo Nia Aan ba Maromak nudar sakrifisiu ida ke santu. Nee mak Nia raan hamoos ita nia hanoin para ita livre hosi hahalok nebee mak lori ita ba mate, atu nunee ita bele adora Maromak nebee Moris.

Tiago 2:17

Nunee mos ho fiar. Se ita nia fiar la hatudu hahalok diak, fiar hanesan nee mate ona.

Tiago 2:20

Beik-teen! Se o fiar ba Maromak maibee la hatudu hahalok diak, fiar nee mate ona. Too bainhira loos mak o rekonhese ida nee?!

Tiago 2:26

Isin lolon nebee la iha iis, mate. Hanesan nee mos, fiar nebee la hatudu ho hahalok diak, mate.

1 João 2:12

Hau nia oan doben sira, hau hakerek liafuan nee ba imi tanba Nai Maromak hamoos tiha ona imi nia sala liu hosi Jesus Kristu nia mate.