Kolose 2:12 - Biblia Tetun Dili

¹² Momentu imi simu batizmu, nee hanesan imi mate tiha ona i hakoi hamutuk ho Kristu, depois imi mos moris fali hamutuk ho Nia. Imi simu moris foun nee, tanba imi fiar katak Maromak iha kbiit boot teb-tebes hodi halo Kristu moris fali hosi mate, i imi laran metin katak Nia mos uza Nia kbiit nee para foo moris foun ba imi.

Kolose 2:12 Iomraidhean Croise

Lucas 17:5

Nai Jesus nia apostolu sira husu ba Nia, “Nai, aumenta tan ami nia fiar!”

Apostolu sira nia Istoria 14:27

Too iha Antiokia, Paulo ho Barnabé halibur sarani sira hodi konta buat hotu-hotu nebee Maromak halo ona liu hosi sira. Sira mos foo hatene dehan Maromak loke ona dalan ba ema sira nebee laos Judeu hodi fiar ba Jesus.

Apostolu sira nia Istoria 2:24

Maibee mate la bele domina Nia. Nee mak Nai Maromak hasai Nia hosi ema mate nia leet, i halo Nia moris fali.

Apostolu sira nia Istoria 2:32

Ema nebee David dehan nee, mak Jesus! Nai Maromak halo Nia moris fali hosi mate, i ami nee hotu haree ho ami nia matan rasik.

Roma 4:24

maibee hakerek mos ba ita. Maromak mos sei konsidera imi moris loos ona, tanba ita fiar ba Nia. Maromak nee mak halo moris fali ita nia Nai Jesus hosi mate.

Roma 7:4

Maun-alin sira, agora ita laos moris iha lei nia okos. Tanba kona ba lei, ita hanesan mate tiha ona hamutuk ho Kristu. Maibee ita sai fali atan ba Ema seluk ida, Ema nee mak Kristu. Nia moris fali ona hosi mate, para ita bele serbii Maromak.

1 Korintu 12:13

Ita hotu Maromak kesi metin ho Espiritu ida. Nee mak bainhira ita sarani, ita sai povu ida deit. Atu ita ema Judeu ka gregu, ema atan ka ema livre, Maromak foo Espiritu ida deit mai ita hotu. Nee hanesan ita hotu hemu bee nebee lori moris hosi bee matan nebee hanesan.

1 Korintu 15:20

Maibee laos nunee! Kristu mak ema primeiru nebee Maromak halo moris fali hosi mate. Hosi ida nee mak ita bele hatene momoos katak, ema seluk nebee mate mos sei moris fila fali.

Galasia 3:27

Imi sarani ona para sai ida deit ho Kristu, i agora imi moris tuir Nia ezemplu, bele dehan hanesan imi falun aan ho Kristu.

Efezu 2:8

Nai Maromak salva imi liu hosi Nia grasa deit, bainhira imi fiar ba Kristu. Nia halo nunee, laos tanba imi merese. Salvasaun nee, Maromak mak foo deit,

Efezu 3:17

Hau harohan atu Jesus Kristu hela metin iha imi nia laran, liu hosi fiar ba Nia. Hau mos halo orasaun para imi metin iha Nia domin hanesan ai huun nebee hamriik metin tanba nia abut tama klean ba rai.

Efezu 3:7

Nai Maromak hatudu Nia grasa mai hau hodi hili hau foo sai Nia Novidade Diak. I Nia foo Nia kbiit mai hau para halao serbisu nee.

Efezu 4:5

Ita nia Nai ida deit; ita nia fiar ida deit, i ita nia batizmu ida deit.

Efezu 5:14

tanba naroman halo buat hotu-hotu sai klaru. Iha kanta ida dehan, “Imi nebee dukur, hadeer ona baa, imi nebee mate, moris fali ona baa. I Kristu sei foo naroman ba imi.”

Filipi 1:29

Maromak nee diak teb-tebes. Nia loke ona dalan ba imi para fiar ba Kristu. Laos nee deit, maibee Nia mos bolu imi atu terus tanba tuir Nia.

Kolose 1:29

Ho objetivu nee mak hau serbisu mate aan ho forsa tomak nebee Kristu foo mai hau. I Nia forsa nee makaas teb-tebes.

Kolose 2:13

Uluk imi hanesan mate tiha ona, tanba imi sala nain i imi nia hakarak aat mak domina hela imi. Maski nunee, maibee Maromak halo moris fali imi hamutuk ho Kristu. Nia hamoos tiha ona ita nia sala hotu.

Ebreu 12:2

Ita tenki hateke deit ba Jesus, tanba ita nia fiar mai hosi Nia, i Nia mak halo ita nia fiar sai metin too rohan. Bainhira Jesus terus iha krus, Nia aguenta ho pasiensia i la interese katak mate iha krus nee moe boot ida, tanba Nia hatene katak, Maromak sei halo Nia laran haksolok. I sai nunee duni. Agora Jesus tuur hela iha Nai Maromak nia sorin kuana.

Ebreu 6:2

Imi la presiza tan hanorin kona ba batizmu, kona ba tau liman ba ema para Maromak foo bensaun, hanorin kona ba Maromak sei halo moris fali ema mate, ho hanorin kona ba aban-bainrua Maromak sei tesi ema hotu-hotu nia lia hodi desidi see mak bele hetan moris rohan-laek i see mak hetan kastigu rohan laek.

1 Pedro 3:21

Bee boot nee hanesan figura kona ba batizmu, nebee salva imi. Bainhira imi simu batizmu, laos atu hasai foer iha imi nia isin, maibee signifika katak, imi husu para Nai Maromak foo laran diak iha imi nia fuan. Tanba Jesus Kristu moris fali ona hosi mate.