Kolose 2:11 - Biblia Tetun Dili

¹¹ Tanba imi laran ida ho Kristu, entaun imi sunat tiha ona. Ida nee laos sunat nebee ema mak halo iha imi nia isin lolon, maibee Kristu mak halo iha imi nia laran, hodi tesi soe tiha imi nia hakarak aat sira nebee uluk domina hela imi.

Kolose 2:11 Iomraidhean Croise

Marcos 14:58

“Ami rona ema nee dehan, ‘Hau sei halo rahun tiha Nai Maromak nia uma kreda boot, nebee ema halo ho liman. Depois, iha loron tolu, Hau sei harii fila fali uma nee, maibee la uza ona ema nia liman.’ ”

Lucas 2:21

Bainhira Jesus halo loron walu ona, ema tenki sunat Nia. Loron serimonia sunat Kosok Oan nee, Nia inan-aman tau Nia naran Jesus. Naran nee mak anju foo hatene ba Nia inan, bainhira nia seidauk isin rua.

Apostolu sira nia Istoria 17:24

Nia mak halo lalehan ho rai, ho buat hotu-hotu iha mundu nee. Nia mak Liurai nebee ukun lalehan ho rai. Nunee Nia la hela iha uma lulik nebee ema mak halo.

Apostolu sira nia Istoria 7:48

Maibee Nai Maromak la hela iha uma nebee ema mak halo. Hanesan uluk Nai Maromak nia profeta ida hakerek ona dehan,

Roma 2:29

Maibee ema Judeu isin, haree hosi nia laran. I sunat nebee loos mak sunat hosi laran, nebee Maromak nia Espiritu mak halo, laos sunat iha isin deit tuir lei. Ema nebee sunat hosi laran nee, Maromak mak gaba, laos ema.

Roma 6:6

Ita hatene katak, uluk ita hakarak halo buat aat oi-oin. Maibee agora, bele dehan, ita nia moris ida uluk nee, la iha tiha ona, tanba ita prega tiha ona ita nia moris ba iha krus hamutuk ho Kristu. Nunee ita laos atan ona ba sala,

Roma 7:24

Hau susar ona! See mak bele hasai hau hosi kbiit aat nebee iha hau nia laran, ida nebee lori hau ba mate tinan ba tinan?

2 Korintu 5:1

Ita hatene katak, ita nia isin lolon agora nee hanesan tenda ida nebee loron ida sei naksobu. Maibee Maromak prepara tiha ona fatin diak ida iha lalehan ba ita, i fatin nee rohan laek. Fatin nee laos ema mak halo, maibee Maromak mak halo.

2 Korintu 5:17

Ema nebee laran ida ho Kristu sai ona ema foun. Nia moris ida uluk nee la iha ona, troka tiha ona ho moris foun.

Galasia 2:20

Bele dehan, hanesan hau mate tiha ona iha krus hamutuk ho Kristu. Agora laos hau mak moris tan, maibee Kristu mak moris iha hau. I hau moris iha mundu nee, hau fiar deit ba Nai Maromak nia Oan. Nia hadomi teb-tebes hau, too foo nia Aan ba mate iha hau nia fatin.

Galasia 5:24

See mak sai ona Kristu Jesus nia ema, nia la moris tan tuir isin nia hakarak. Tanba hakarak aat ho hanoin aat hotu-hotu, nia prega tiha ona iha krus.

Efezu 4:22

Uluk imi hakarak halo buat aat oi-oin, i imi nia hakarak nee lohi imi, too estraga imi nia aan. Maibee ema nebee hanorin imi kona ba Kristu, sira haruka imi husik tiha imi nia moris uluk nee,

Filipi 3:3

Afinal ita nebee adora Maromak hodi Nia Espiritu nia tulun, mak sunat loloos. Ita foti aas Kristu Jesus nia naran, i ita la depende ba saida deit mak ita ema halo.

Kolose 3:5

Nee duni, imi tenki hamate tiha buat aat hotu-hotu hosi imi nia moris hanesan: relasaun seksual nebee la loos, hanoin foer kona ba seksual, kaan atu halo seksu arbiru, hakarak atu halo buat aat saida deit, ho kaan sasaan tanba nee hanesan o foti aas sasaan sira nee liu fali Maromak.

Ebreu 9:11

Maibee agora, Kristu mai tiha ona. Kristu nee mak Ema nebee Maromak promete ona hori uluk kedas atu haruka mai. Nia sai nai-lulik boot hodi halo buat diak mai ita. Nia tama ba iha Tenda orasaun ida nebee aas liu ho diak liu, hodi halao nia knaar hanesan nai-lulik boot. Tenda orasaun nee laos hosi mundu nee.

Ebreu 9:24

Kristu la tama ba Fatin Santu nebee ema mak halo, ida nebee kopia tuir deit lalehan nian, maibee Nia tama liu ba lalehan. I agora Nia iha hela Nai Maromak nia prezensa hodi husu tulun mai ita.