Kolose 2:1 - Biblia Tetun Dili

¹ Imi iha sidade Kolose, hau hakarak atu imi hatene katak, hau serbisu makaas ba imi, hanesan mos ba sarani sira iha sidade Laodiseia ho mos ba sira seluk nebee seidauk konhese hau.

Kolose 2:1 Iomraidhean Croise

Jenesis 30:8

I Raquel hatete, “Hau hadau malu ho hau nia biin, i hau mak manaan.” Nee mak nia tau naran ba labarik nee, Naftali. (Nee dehan katak ‘hadau malu’.)

Lucas 22:44

Jesus laran terus teb-tebes, nee mak Nia halo orasaun makaas liu tan, too Nia kosar sai turu ba rai hanesan raan.]

Apostolu sira nia Istoria 20:25

Agora hau hatene katak, imi nebee hau hanorin kona ba Nai Maromak nia reinu, sei la hasoru tan hau ona.

Galasia 4:19

Hau nia oan doben sira, agora hau hakaas aan ho terus dala ida tan ba imi, hanesan feto nebee kanotak moras atu tuur ahi. I hau sei hakaas aan nafatin, too imi nia laran sai hanesan Kristu.

Filipi 1:30

Imi nia luta hanesan ho hau nia luta. Uluk imi haree hau terus ba Kristu, i agora mos imi rona dehan hau hasoru nafatin situasaun hanesan nee.

Kolose 1:24

Agora dadauk hau terus hela ba imi. Maibee terus nee halo hau nia laran haksolok. Hanesan Kristu terus, nunee mos hau simu terus nebee hau tenki hasoru, atu bele ajuda Kristu nia povu, tanba Nia povu hanesan Nia isin lolon.

Kolose 1:29

Ho objetivu nee mak hau serbisu mate aan ho forsa tomak nebee Kristu foo mai hau. I Nia forsa nee makaas teb-tebes.

Kolose 2:5

Maski hau dook hosi imi, maibee imi sempre iha hau nia laran. I hau kontenti, tanba hau hatene, imi moris laran ida i fiar metin ba Kristu.

1 Tesalonika 2:2

Imi mos hatene, bainhira ami seidauk baa iha nebaa, ema iha sidade Filipi halo terus ho hatete aat ami. Maibee Maromak foo brani mai ami para bele foo sai Nia Novidade Diak ba imi, maski ema barak kontra makaas.

Ebreu 5:7

Bainhira Jesus sei moris iha mundu nee nudar ema, Nia harohan ho tanis hakilar ba Nai Maromak, tanba Nai Maromak mak bele salva Nia hosi mate. I Nai Maromak rona Nia orasaun, tanba Jesus haraik aan hodi hakruuk ba Maromak.

1 Pedro 1:8

Maski imi seidauk haree Jesus, maibee imi hadomi Nia. Maski agora imi la haree Nia mos, imi fiar ba Nia. Imi nia laran haksolok liu too imi la hatene atu koalia oinsaa,

Apokalipse 1:11

Lian nee dehan nunee, “Buat nebee mak o haree nee, o tenki hakerek iha livru lulun ida, depois haruka ba sarani sira iha sidade hitu tuir mai nee: Efezu, Esmirna, Pérgamu, Tiatira, Sardes, Filadélfia ho Laodiseia.”