Kolose 1:9 - Biblia Tetun Dili

⁹ Tanba nee, hahuu hosi loron primeiru nebee ami rona kona ba imi, ami halo orasaun bebeik ba imi. Ami husu ba Nai Maromak atu foo ba imi matenek espiritual no konhesimentu kompletu nebee loos tuir Maromak nia hakarak.

Kolose 1:9 Iomraidhean Croise

João 7:17

Ema nebee hakarak teb-tebes tuir Maromak nia hakarak, nia sei hatene Hau nia hanorin nee, mai hosi Maromak, ka mai hosi Hau rasik.

Apostolu sira nia Istoria 12:5

Durante Pedro sei iha kadeia, Nai Jesus nia ema sira halo orasaun bebeik ho laran tomak, husu ba Nai Maromak atu tau matan ba Pedro.

Roma 12:2

La bele halo tuir ema iha mundu nee nia hahalok. Maibee husik Maromak halo foun imi nia hanoin hodi muda imi nia laran. Nunee imi bele hatene loloos Maromak nia hakarak ba imi. Maromak nia hakarak nee buat nebee diak, loos i halo Nia laran haksolok.

1 Korintu 1:5

Liu hosi Kristu, Maromak foo ona bensaun oi-oin ba imi, para imi bele komprende klean, i bele foo sai Nia liafuan ho diak.

Efezu 1:8

Tanba Nia hadomi teb-tebes ita, Nia mos loke ita nia neon para ita bele komprende didiak Nia hakarak.

Efezu 5:10

Hakaas aan buka hatene oinsaa mak imi bele halo haksolok Nai Maromak nia laran.

Efezu 5:17

Keta beik-teen, maibee hakaas aan atu komprende saida mak Nai Jesus hakarak.

Efezu 6:6

La bele serbisu hodi buka oin deit. Maibee bainhira patraun la haree tutuir mos, imi tenki serbisu ho laran tomak hanesan Kristu nia atan ida. Tanba ida nee mak Nai Maromak nia hakarak.

Filipi 1:4

Hau sempre halo orasaun ba imi ho laran haksolok,

Kolose 1:6

i buras ba bebeik hodi muda ema nia moris iha fatin bara-barak. Nunee mos muda imi nia moris, komesa hosi loron primeiru imi rona Novidade Diak nee hodi komprende loloos Nai Maromak nia grasa.

Kolose 3:16

Kristu nia liafuan tenki domina imi nia laran, tanba Nia liafuan nee folin teb-tebes i foo matenek mai ita. Uza Nia liafuan nee hodi hanorin malu i foo hanoin ba malu. Hananu kanta oi-oin, hanesan hosi livru Salmus, kanta espiritual, ho hananu seluk nebee hodi adora Maromak. Hananu hodi agradese ba Maromak ho laran tomak.

Kolose 4:12

Kumprimentus mos hosi Epafras. Nia rai ida ho imi i serbii Kristu Jesus. Nia sempre halo orasaun makaas ba imi, hodi husu Nai Maromak foo forsa ba imi para hamriik metin, i halo imi komprende didiak Nia hakarak.

Kolose 4:5

Bainhira imi hamutuk ho ema nebee seidauk fiar ba Kristu, hatudu hahalok diak ba sira. Iha oportunidade saida deit, uza didiak baa.

1 Tesalonika 1:3

Ami sempre hatoo ba ita nia Aman Maromak katak, imi serbisu makaas tanba imi fiar ba Nai Jesus, i badinas ajuda ema seluk tanba hadomi sira. I bainhira ema halo terus imi, imi aguenta nafatin ho pasiensia tanba imi laran metin ba Nai Jesus.

1 Tesalonika 5:17

Halo orasaun nafatin.

2 Tesalonika 1:11

Nee mak ami halo orasaun ba imi loron-kalan, atu Nai Maromak, nebee bolu imi sai Nia ema, bele konsidera imi serve duni atu tuir Nia. Imi nia fiar ba Jesus halo imi hakarak halo buat nebee diak. Ami husu ba Nai Maromak foo kbiit ba imi atu bele halo duni buat diak sira nee hotu.

Filemon 1:4

Senhor Filemon, bainhira hau halo orasaun, hau sempre temi ita nia naran, i foo agradese ba Maromak.

Filemon 1:6

Senhor nia fiar nee halo ita moris neon ida laran ida ho sarani sira seluk. Hau harohan atu liu hosi imi nia domin nee, imi bele komprende klean liu tan bensaun hotu-hotu nebee Maromak foo mai ita tanba ita laran ida ho Kristu.

Ebreu 10:36

Aguenta ho pasiensia deit baa, atu nunee imi halo tuir nafatin Nai Maromak nia hakarak, i too ikus imi simu buat hotu-hotu nebee Nia promete ona ba imi.

Ebreu 13:21

Maromak foo saida deit mak imi presiza atu imi bele halo tuir Nia hakarak. Hau mos harohan atu Nia serbisu nafatin iha ita hotu nia laran liu hosi Jesus Kristu nia tulun, para ita sai ema nebee mak halo haksolok Nia laran. Mai ita foti aas Nia naran too tinan ba tinan nafatin. Amen.

Tiago 1:5

Se iha imi ruma presiza matenek, husu ba Maromak maka Nia sei foo. Tan Maromak sei foo ba ema hotu-hotu ho laran luak.

Tiago 3:17

Maibee matenek nebee mai hosi Maromak mak nee: moos, lori dame, laran maus, konsidera ema seluk, laran diak, foo fuan diak, gosta ajuda ema, la haree ba ema boot ka kiik, i la finjidu.

1 Pedro 2:15

Tanba Nai Maromak hakarak para imi halo buat nebee diak, atu ema beik-teen sira nebee mak la hatene buat ida, la iha liafuan ida atu koalia hasoru imi.

1 Pedro 4:2

Nunee, agora ba oin imi nia moris iha mundu nee sei tuir deit Nai Maromak nia hakarak, imi nia hakarak rasik imi la tuir tan ona.

1 João 2:17

Mundu ho buat hotu-hotu nebee ema buka iha loron ida sei nabeen. Maibee ema nebee tuir Nai Maromak nia hakarak, nia sei moris tinan ba tinan nafatin.

1 João 5:20

Ita hatene katak Maromak nia Oan mai ona, i Nia loke ona ita nia neon para ita bele konhese Ida nebee mak loos. Ita laran ida ona ho Ida nebee mak loos, ita mos laran ida ho Nia Oan Jesus Kristu. Nia mak Maromak loloos, i Nia mak moris rohan-laek.