Kolose 1:7 - Biblia Tetun Dili

⁷ Imi aprende buat sira nee hosi ita nia maluk doben Epafras. Nia Kristu nia atan hanesan mos ami, i nia badinas halao Kristu nia serbisu iha imi nia leet.

Kolose 1:7 Iomraidhean Croise

Mateus 18:29

Rona nunee, nia kolega atan nee hakneak hakruuk too rai hodi husu dehan, ‘Tulun hau lai, foo tempu mai hau! Hau sei selu hotu hau nia tusan nee.’

Mateus 24:45

“Entaun imi tenki hanesan atan ida nebee matenek toma konta nia patraun nia sasaan, i foo laran ba nia patraun. Patraun sei foo fiar ba ema nee para fahe hahaan ba nia atan sira seluk tuir oras.

Mateus 25:21

Nia patraun hatete ba nia, ‘Diak teb-tebes! O nee atan diak, no foo laran duni. O halo buat kiik-oan nee ho loloos, nunee hau sei foo tan buat boot atu o tau matan. Mai haksolok hamutuk ho hau.’

1 Korintu 4:17

Tanba nee hau haruka Timóteo baa ajuda imi. Hau hadomi nia hanesan hau nia oan rasik, nia mos ema ida nebee foo laran ba ita nia Nai. Timóteo sei foo hanoin ba imi kona ba hau nia lalaok moris nudar ema nebee tuir Kristu Jesus. Iha hau nia moris nee, hau sempre halo tuir buat nebee mak hau hanorin ba sarani sira iha fatin ba fatin.

1 Korintu 4:2

Baibain patraun foo fiar ba nia atan ida, atan nee tenki foo laran ba nia patraun.

1 Korintu 7:25

Imi husu hau kona ba feto raan sira. Ita nia Nai la foo hatene mai hau kona ba buat sira nee. Maibee imi bele fiar hau nia liafuan tanba Nai Maromak hatudu nia laran diak mai hau.

2 Korintu 11:23

Sira nee serbii Kristu ka? Hau koalia hanesan fali ema bulak, hau serbii Kristu liu fali sira. Hau serbisu makaas liu. Ema hatama hau ba komarka dala barak liu, ema baku hau ho xikote dala barak liu, i dala barak hau atu mate sal-sala.

Efezu 5:21

Imi hotu-hotu tenki suporta malu no rona malu tanba imi respeita Kristu.

Filipi 2:25

Uluk imi hili Epafroditu para mai tau matan ba hau. Durante nee nia sai hanesan hau nia alin ida hodi halao Maromak nia serbisu hamutuk ho hau, i nia luta hamutuk ho hau hanesan soldadu diak ida. Maibee agora, hau hanoin hau tenki haruka nia fila fali ba imi.

Kolose 4:12

Kumprimentus mos hosi Epafras. Nia rai ida ho imi i serbii Kristu Jesus. Nia sempre halo orasaun makaas ba imi, hodi husu Nai Maromak foo forsa ba imi para hamriik metin, i halo imi komprende didiak Nia hakarak.

Kolose 4:7

Ita nia irmaun doben Tíkiku sei konta ba imi buat hotu-hotu kona ba hau. Nia badinas halao Nai Jesus nia serbisu hamutuk ho hau.

Kolose 4:9

Ita nia irmaun doben Onésimu sei akompanha nia. Onésimu nee imi nia ema rasik, i nia mos tuir Kristu ho laran tomak. Sira nain rua sei konta saida mak akontese iha nee.

1 Timóteo 4:6

Timóteo, hanorin buat sira nee hotu ba sarani sira. Se o halo nunee mak o serbii Kristu Jesus nudar Nia atan ida nebee diak. Durante nee o halo tuir hanorin nebee loos, i simu Nai Maromak nia Liafuan nebee halo ita fiar ba Nia, hanesan ema haan hahaan nebee diak hodi halo isin sai forti.

2 Timóteo 2:2

Uluk hau hanorin iha ema barak nia oin, o mos iha. Buat nebee o rona hosi hau nee, o tenki foo tutan ba ema nebee o fiar, para sira mos bele hanorin fali ba ema seluk.

Filemon 1:23

Epafras dadur hela hamutuk ho hau tanba nia mos foo sai kona ba Kristu Jesus. Nia haruka kumprimentus ba ita.

Ebreu 2:17

Tanba nee, Jesus tenki sai hanesan loloos Nia alin sira, para Nia bele sai nai-lulik boot ida nebee hadomi ho komprende teb-tebes ita hodi serbii Nai Maromak ho laran tomak. Nia foo Nia aan hanesan sakrifisiu para Maromak bele hamoos ita ema nia sala.

Ebreu 3:2

Bainhira Nai Maromak haruka Jesus mai, Jesus halo tuir loloos Nai Maromak nia hakarak, hanesan mos Moisés uluk halo tuir Nai Maromak nia hakarak hodi serbii Nai Maromak nia povu hotu.