Kolose 1:5 - Biblia Tetun Dili

⁵ Imi nia fiar ho imi nia domin nee buras tanba imi hein ho laran metin atu simu bensaun nebee Maromak prepara tiha ona ba imi iha lalehan. Imi fofoun rona kona ba bensaun nee bainhira imi rona Maromak nia Novidade Diak. Liafuan nee loos

Kolose 1:5 Iomraidhean Croise

Lucas 12:33

Entaun, baa faan tiha sasaan nebee imi iha i fahe osan nee ba ema kiak sira. Nunee imi rai fali rikusoin iha lalehan, para bele dura. Iha nebaa, imi nia rikusoin sei la hotu, naok-teen la besik, i barata mos la haan.

Apostolu sira nia Istoria 10:36

Imi hatene novidade nebee mak Nai Maromak foo sai ona ba ami ema Israel. Novidade Diak nee katak Nia haruka ona Jesus Kristu mai, hodi halo dame ema ho Nai Maromak. I Nia mak ema hotu-hotu nia Nai.

Apostolu sira nia Istoria 13:26

Maun-alin sira. Imi nebee Abraão nia jerasaun, ho mos imi hosi nasaun seluk nebee hamtauk ba Nai Maromak. Nai Maromak foo ona Novidade Diak ba ita, atu ita bele hetan salvasaun.

Apostolu sira nia Istoria 23:6

Paulo haree ema sira tesi lia nee, fahe ba grupu rua. Balu tuir grupu Saduseu, nebee la fiar katak ema mate bele moris fali. Sira mos la fiar katak iha anju ka iha espiritu. Balu tuir grupu Farizeu nebee fiar buat hirak nee hotu. Nunee Paulo koalia ho lian makaas dehan, “Maun-alin sira, hau ema Farizeu. Hau nia aman ho hau nia avoo sira mos ema Farizeu. Agora imi atu kastigu hau, tanba hau fiar katak Nai Maromak bele halo ema mate moris fali.” Bainhira Paulo koalia nunee, ema Farizeu ho ema Saduseu sira komesa haksesuk malu, too sira la rona malu tan.

Apostolu sira nia Istoria 24:15

Hau laran metin ba Nai Maromak, hanesan mos ema sira nebee kontra hau nee. Ami hotu fiar katak, Nai Maromak sei halo ema mate hotu-hotu moris fali: ema diak, ho mos ema aat.

Roma 10:8

Lalika buka Nia iha fatin dook, tanba iha Livru Sagradu mos hakerek dehan, “Maromak nia liafuan besik loos imi, iha imi nia ibun, ho mos iha imi nia laran.” Liafuan nee mak ami baibain foo sai kona ba fiar.

1 Korintu 13:13

Entaun, buat tolu mak sei iha nafatin: fiar, esperansa no domin. Hosi buat tolu nee, ida nebee boot liu mak domin.

1 Korintu 15:19

Se ita laran metin ba Kristu atu tulun ita durante ita moris deit iha mundu nee, entaun, hosi ema hotu-hotu ita mak susar liu.

2 Korintu 5:19

Nunee ami foo sai katak liu hosi Kristu, Maromak halo ema iha mundu nee dame malu fali ho Nia, Nia la sura ona ita nia sala. Nia mos foo fiar mai ami atu haklaken kona ba dame nee.

2 Korintu 6:7

Ami sempre koalia lia loos, i Maromak nia kbiit serbisu iha ami. Nunee ami hanesan soldadu nebee kaer ekipamentu funu nian iha ami nia liman loos hodi ataka no liman karuk hodi defende.

Galasia 2:14

Bainhira hau haree sira la tuir ona Nai Jesus nia Novidade Diak nebee loos, hau siak Pedro iha sira hotu nia oin dehan, “Irmaun moris mai ema Judeu. Maibee irmaun rasik la moris ona tuir lei relijiaun Judeu nian. Nusaa mak agora ita hakarak obriga ema laos Judeu nebee la sunat, atu sira tuir fali lei nee hotu?”

Galasia 2:5

Maski nunee, ami nunka halo tuir, para imi bele fiar nafatin Novidade Diak nebee imi simu ona hosi ami. Tanba Novidade Diak nee mak loos.

Galasia 5:5

Maibee Maromak nia Espiritu halo ita laran metin katak, Maromak deklara ita moris loos ona tanba ita fiar ba Jesus Kristu.

Efezu 1:13

Imi nebee laos ema Judeu mos rona ona Kristu nia Novidade Diak, hodi fiar ba Nia. Novidade nee loos, i lori salvasaun ba imi. Bainhira imi fiar ba Kristu, Maromak foo Nia Espiritu Santu ba imi, tuir Nia promesa uluk. Espiritu Santu nee hanesan sinal ida katak, imi Kristu nia ema.

Efezu 4:21

Tanba hau hatene katak, ema nebee uluk hanorin imi kona ba Kristu, hanorin buat nebee mak loos.

Kolose 1:23

Naran katak imi hamriik metin hodi fiar nafatin. Keta nakdoko, maibee laran metin nafatin katak Maromak halo tuir duni buat nebee Nia promete ona iha Nia Novidade Diak. Novidade Diak nee, ema foo sai ona iha fatin-fatin deit iha mundu nee. I hau, Paulo, mos simu knaar para foo sai Novidade nee.

Kolose 1:27

Nia desidi atu hatudu ba sira katak, Nia planu ba imi nebee laos Judeu mos kapaas i boot teb-tebes. Nia planu mak nee: Kristu hela iha imi nia laran. Tanba nee mak imi laran metin katak, aban-bainrua imi sei haksolok ho Maromak nia naroman nabilan iha lalehan.

Kolose 3:16

Kristu nia liafuan tenki domina imi nia laran, tanba Nia liafuan nee folin teb-tebes i foo matenek mai ita. Uza Nia liafuan nee hodi hanorin malu i foo hanoin ba malu. Hananu kanta oi-oin, hanesan hosi livru Salmus, kanta espiritual, ho hananu seluk nebee hodi adora Maromak. Hananu hodi agradese ba Maromak ho laran tomak.

1 Tesalonika 2:13

Iha tan buat ida nebee halo ami sempre agradese ba Nai Maromak. Bainhira ami foo sai Maromak nia liafuan ba imi, imi rona i simu liafuan nee, laos nudar ema nia liafuan, maibee nudar Nai Maromak nia liafuan. Liafuan nee mak halo serbisu iha imi sarani sira nia moris hodi halo imi tuir Maromak nia hakarak.

2 Tesalonika 2:16

Nai Maromak hadomi teb-tebes ita. Tan Nia grasa, Nia sempre foo ksolok ho esperansa boot mai ita iha susar laran. Nunee, ami husu ba Jesus Kristu ita nia Nai, ho ita nia Aman Maromak, para hametin imi nia laran hodi tulun imi atu sempre halo buat nebee diak i koalia mos diak.

1 Timóteo 1:15

Ita rona ona dehan, “Kristu Jesus mai iha mundu nee hodi salva ema sala nain.” Liafuan nee loos duni; ita tenki simu ho laran tomak. Hosi ema sala nain hotu-hotu, hau mak aat liu.

2 Timóteo 4:8

Agora hau hein prémiu nebee Nai Jesus prepara ona ba ema nebee moris loos. Ita nia Nai nee mak juis loos. I too iha loron nebee Nia tesi lia, Nia sei foo prémiu nee mai hau. Laos mai hau deit, maibee Nia sei foo mos ba ema hotu nebee ho laran tomak hein hela Nia atu fila mai.

Tito 1:2

Nunee, sira bele laran metin ba moris rohan laek nebee Nai Maromak promete nanis ona, molok Nia halo mundu nee, i Nia nunka bosok.

Ebreu 7:19

tanba la bele halo ema moris loos. Maibee agora ita hetan ona esperansa boot liu, atu nunee ita bele hakbesik ba Nai Maromak.

1 Pedro 2:2

Hanesan bebee ida nebee foin moris hamrook hakarak hemu susu been hosi sira nia inan, nunee mos imi tenki hamrook ba Nai Maromak nia liafuan. Tanba Nia liafuan hanesan susu been diak ba imi nia klamar, halo imi loron ba loron buras ba bebeik, iha imi nia salvasaun.

1 Pedro 3:15

Respeita ho hamtauk Kristu nudar Nai iha imi nia laran. Se ema ruma husu imi, tanba saa mak imi laran metin ba Nai Maromak, imi tenki prontu hataan ho razaun ba ita nia esperansa ho liafuan mamar no haraik aan.

2 Pedro 1:12

Imi hatene buat sira nee ona, imi mos hamriik metin ona tanba imi fiar ba buat nebee mak loos. Maski nunee maibee hau hakarak foo hanoin fila-fila ba imi.

1 João 3:3

Tanba nee, ema hotu-hotu nebee hein ho laran metin atu sai hanesan Nia, sira sempre kuidadu sira nia aan para moris loos, hanesan Jesus Kristu mos moris loos.