Kolose 1:4 - Biblia Tetun Dili

⁴ Ami agradese ba Nia tanba ami rona dehan, imi fiar ba Kristu Jesus i hadomi Maromak nia povu santu hotu.

Kolose 1:4 Iomraidhean Croise

2 Korintu 7:7

Ami nia laran haksolok nee laos deit tanba Tito mai ona, maibee tanba nia konta katak imi hametin nia laran bainhira nia hamutuk ho imi. Nia mos dehan, imi hakarak teb-tebes atu hasoru malu fali ho hau, imi tristi loos ho problema nebee mak akontese iha imi nia leet, i imi hakarak loos atu suporta hau. Rona nunee, hau nia laran haksolok liu tan.

Galasia 3:26

Agora imi hotu-hotu sai ona Nai Maromak nia oan, tanba imi fiar ba Kristu Jesus.

Galasia 3:28

Imi hotu-hotu nebee fiar ba Kristu Jesus sai ona ida ho Nia. Nunee, atu imi ema Judeu ka laos ema Judeu, atan ka ema livre, mane ka feto, imi hotu ida deit iha Kristu Jesus.

Galasia 5:6

Nunee, se ita laran ida ho Kristu Jesus, ita sunat ka la sunat, nee la importante ida. Importante mak nee: ita fiar ba Kristu, i hatudu fiar nee liu hosi hadomi ema seluk.

Efezu 1:15

Maun-alin sira, hau rona dehan, imi fiar metin ba Nai Jesus i hadomi Maromak nia povu santu hotu. Bainhira hau rona nunee,

Efezu 6:18

Halo orasaun loron-kalan ho Espiritu Santu nia tulun. Iha situasaun saida deit, husu Maromak nia tulun. Matan moris neon nain nafatin, husu Maromak nia tulun, i sempre halo orasaun ba Maromak nia povu hotu-hotu.

Kolose 1:9

Tanba nee, hahuu hosi loron primeiru nebee ami rona kona ba imi, ami halo orasaun bebeik ba imi. Ami husu ba Nai Maromak atu foo ba imi matenek espiritual no konhesimentu kompletu nebee loos tuir Maromak nia hakarak.

1 Tesalonika 1:3

Ami sempre hatoo ba ita nia Aman Maromak katak, imi serbisu makaas tanba imi fiar ba Nai Jesus, i badinas ajuda ema seluk tanba hadomi sira. I bainhira ema halo terus imi, imi aguenta nafatin ho pasiensia tanba imi laran metin ba Nai Jesus.

1 Tesalonika 3:6

Agora Timóteo fila fali ona hosi Tesalónika. Nia konta mai ami dehan, imi fiar nafatin ba Kristu i hadomi malu nafatin, halo ami mos haksolok. Nia mos dehan, bainhira imi konta tuir kona ba ami, imi sempre kontenti, i imi hakarak atu hasoru ami, hanesan mos ami hakarak hasoru imi.

2 Tesalonika 1:3

Maun-alin sira, ami sempre agradese ba Nai Maromak tanba imi kristaun sira iha Tesalónika. Ami tenki halo nunee duni, tanba imi nia fiar ba Kristu aumenta ba bebeik, i imi mos hadomi malu liu tan.

Filemon 1:5

Tanba hau rona katak ita hadomi Maromak nia povu santu hotu i ita mos fiar loloos ba Nai Jesus.

Ebreu 6:10

Nai Maromak nee sempre halo buat nebee loos. Nia sei la haluha imi nia kolen ho imi nia domin ba Nia, tanba hori uluk too agora, imi tulun Maromak nia povu, nee hatudu katak imi mos hadomi Maromak.

1 João 3:14

Ita hatene katak, uluk ita hanesan mate tiha ona tanba ita haketak aan hosi Maromak, maibee agora ita simu ona moris rohan-laek. Oinsaa ita bele hatene katak ita hetan ona moris rohan-laek? Tanba ita hadomi ita nia maluk nebee iha Kristu. Maibee see mak la hadomi ema seluk, nia hanesan ema mate nafatin.

1 João 3:23

I Maromak nia ukun fuan mak nee: ita tenki fiar ba Nia Oan Jesus Kristu i tenki hadomi malu tuir Jesus Kristu hanorin.

1 João 4:16

Ita hatene Nai Maromak nia domin, i ita laran metin ba Nia domin nee. Maromak nee domin, nunee ema nebee hadomi Nai Maromak i hadomi ema seluk, ema nee laran ida ho Nai Maromak i Nai Maromak mos hela iha nia.