Kolose 1:18 - Biblia Tetun Dili

¹⁸ Kristu mak sarani sira nia Ulun, i sarani sira hanesan Nia isin lolon. Kristu mak moris nia huun. Nia mak ema primeiru nebee moris fali hosi mate, nunee Nia mak boot liu buat hotu-hotu.

Kolose 1:18 Iomraidhean Croise

Mateus 23:8

Maibee imi la bele hanesan sira. Imi la bele simu bainhira ema gaba imi hodi bolu imi ‘mestri’, tanba imi nia Mestri ida deit, i imi hotu mesak maun-alin.

Mateus 28:18

Entaun Jesus baa besik sira hodi dehan, “Maromak foo tiha ona kbiit tomak mai Hau hodi ukun buat hotu-hotu iha lalehan ho rai.

João 1:1

Hahuu fofoun, Nai Maromak nia Liafuan iha tiha ona. Liafuan nee hamutuk ho Nai Maromak. I Liafuan nee mak Nai Maromak. [Liafuan nee, Ema ida.]

João 1:16

João koalia nunee, tanba Ema nee hakarak teb-tebes hatudu Nia grasa bebeik mai ita hotu.

João 1:27

Nia boot liu hau. Maski hau mak hanorin uluk, maibee atu kore deit nia sandalias talin mos, hau la serve.”

Apostolu sira nia Istoria 26:23

Sira foo sai kona ba Ema ida nebee Nai Maromak hili ona nee, dehan, Nia tenki terus, depois Nia mate, maibee liu tiha, Nia mak ema primeiru nebee Nai Maromak halo moris fali hosi mate. Nia mak sei foo naroman ba ema Judeu sira, ho mos ba ema sira nebee laos Judeu.”

Roma 8:29

Tanba hosi hahuu fofoun, Maromak konhese ona ita i hili ita para sai hanesan Oan Jesus Kristu nia imajen. Ho nunee Jesus mak Oan boot hosi maun alin sira hotu.

1 Korintu 11:3

Agora hau hakarak atu imi komprende buat nebee tuir mai nee: Mane sira nia ulun mak Kristu, feen sira nia ulun mak sira nia laen, i Kristu nia ulun mak Nai Maromak.

1 Korintu 12:27

Nunee mos imi. Imi hotu hanesan Kristu nia isin lolon, imi ida-idak halo parte iha Nia isin nee.

1 Korintu 15:25

Tanba Kristu tenki ukun nafatin too Nia hamonu Nia inimigu sira iha Nia ain okos.

Efezu 1:10

Nia planu mak nee: bainhira too ona nia tempu, Maromak sei halo buat hotu-hotu iha lalehan ho iha rai hamutuk ida deit, i Kristu mak sei ukun hotu-hotu.

Efezu 5:23

Tanba laen nudar ulun ba nia feen, hanesan mos Kristu mak Ulun ba Nia igreja. Nia povu hanesan Nia isin lolon, i Nia mak salva sira.

Kolose 1:24

Agora dadauk hau terus hela ba imi. Maibee terus nee halo hau nia laran haksolok. Hanesan Kristu terus, nunee mos hau simu terus nebee hau tenki hasoru, atu bele ajuda Kristu nia povu, tanba Nia povu hanesan Nia isin lolon.

Kolose 2:19

Ema sira nee haketak aan ona hosi Kristu, maski Nia mak Ulun, i Nia povu hanesan Nia isin lolon. Kristu halo Nia povu hotu hamutuk sai ida deit, hanesan mos ita nia uat sira liga metin ho ita nia ruin iha isin lolon tomak. Nunee Kristu halo ita hotu buras ba bebeik, tuir Maromak nia planu duni.

1 João 1:1

Surat nee koalia kona ba Liafuan nebee foo Moris. Liafuan nebee foo Moris nee, Nia iha hori uluk kedas, molok Nai Maromak halo mundu nee. Ami rona ona Nia lian, ami haree Nia ho ami nia matan rasik, ami akompanha Nia, ami mos kaer rasik ho liman.

Apokalipse 1:18

Uluk Hau mate tiha ona, maibee agora, haree baa, Hau moris fali ona. Hau sei moris nafatin tinan ba tinan. I Hau mak kaer xavi hodi loke odamatan ba matebian sira nia fatin, Hau mak iha kbiit hodi halo moris fali ema mate sira.

Apokalipse 1:5

Jesus hadomi ita, nunee Nia raan fakar too mate para ita bele livre hosi sala.

Apokalipse 1:8

Nai Maromak dehan, “Hau mak Alfa ho Omega, primeiru no ikus. Hau iha hori uluk kedas, agora iha, i iha nafatin too tinan ba tinan. Hau mak kbiit nain.”

Apokalipse 11:15

Tuir mai anju numeru hitu huu nia korneta. I hau rona anju iha lalehan haklalak dehan, “Ita nia Nai Maromak ho mos ita nia Kristu nebee Nia haruka mai agora ukun ona mundu. Nia sei ukun too tinan ba tinan nafatin.”

Apokalipse 21:6

Nia dehan tan, “Buat sira nee kumpri tiha hotu ona! Hau mak Alfa no Omega, primeiru ho ikus, huun ho rohan. Ema nebee hamrook, Hau sei foo hemu bee hosi bee matan nebee foo moris tinan ba tinan, bee nee la selu.

Apokalipse 22:13

Hau mak Alfa no Omega, primeiru no ikus, Hau mak hahuu no remata, Hau mak huun ho rohan.

Apokalipse 3:14

Tuir mai Ema nee hatete mai hau, “Hakerek hanesan nee ba sarani sira iha sidade Laodiseia: ‘Hau mak Ida nebee ema bolu dehan ‘Amen, loos duni’. Hau sempre foo sasin loloos. Hau mak lalehan ho rai nia huun, ho buat hotu-hotu nebee Nai Maromak halo. Hau nia lia menon mak nee: