Kolose 1:16 - Biblia Tetun Dili

¹⁶ Tanba liu hosi Kristu, Nai Maromak halo lalehan ho rai ho buat hotu-hotu iha laran, buat nebee ita ema bele haree, ho mos buat nebee ita la bele haree. Nia halo ukun nain sira, liurai sira, autoridade ho espiritu boboot sira nebee kaer ukun iha fatin nebee ita la haree. Nai Maromak halo buat hotu-hotu liu hosi Kristu, hodi foo ba Kristu.

Kolose 1:16 Iomraidhean Croise

João 1:10

Maski Nia halo ona buat hotu iha mundu nee, maibee ema iha mundu la konhese Nia, bainhira Nia mai iha mundu nee.

João 1:3

Maromak halo buat hotu-hotu liu hosi Nia. La iha buat ida iha, se Nia la halo.

Roma 11:36

Tanba buat hotu-hotu iha lalehan ho rai mai hosi Nia i ba Nia, i sei iha nafatin tanba Nia, Buat hotu-hotu iha hodi hahii Nia. Mai ita foti aas Nia naran too tinan ba tinan. Amen.

Roma 8:38

Hau fiar metin katak la iha buat ida mak bele haketak ita hosi Maromak nia domin. Atu mate ka moris, atu anju ka autoridade nebee kaer ukun, atu buat nebee mosu agora ka buat nebee mosu aban-bainrua, atu forsa saida deit,

Roma 9:5

Sira nia bei-ala sira naran boot. Tuir raan, Kristu nebee Maromak promete hori uluk atu haruka mai nee mos hosi sira nia jerasaun. Maibee Kristu nee mos Maromak, Nia boot liu buat hotu-hotu. Mai ita hahii Nia too tinan ba tinan. Amen.

1 Korintu 8:6

Maibee ba ita sarani sira, Maromak ida deit, Nia mak ita hotu nia Aman. Nia mak huun ba buat hotu-hotu, i ita moris atu serbii Nia. Ita nia Nai mos ida deit, Nia mak Jesus Kristu. Liu hosi Nia, buat hotu-hotu iha, ita hetan moris loos liu hosi Nia.

Efezu 1:10

Nia planu mak nee: bainhira too ona nia tempu, Maromak sei halo buat hotu-hotu iha lalehan ho iha rai hamutuk ida deit, i Kristu mak sei ukun hotu-hotu.

Efezu 6:12

Tanba ita funu, laos hasoru ema. Maibee ita funu hasoru forsa sira hosi diabu nian nebee ita la haree, hasoru espiritu aat oi-oin nebee ukun iha nakukun laran.

Filipi 2:10

Maromak halo nunee atu kriatura hotu-hotu iha lalehan ho iha rai, ema moris ho ema mate, hakneak hodi adora Jesus.

Kolose 1:15

Kristu hanesan loloos Nai Maromak. La iha ema ida mak bele haree Nai Maromak, maibee Kristu hatudu mai ita Maromak nia Aan. Kristu iha molok Maromak halo buat hotu-hotu. I Nia mak ukun buat hotu-hotu nebee Maromak halo.

Kolose 1:20

Liu hosi Kristu nia mate, Nai Maromak halo buat hotu-hotu dame fali ho Nia. Kristu nia raan fakar too mate iha krus, para halo buat hotu-hotu iha lalehan ho iha rai bele diak malu fali ho Maromak.

Kolose 2:10

I tanba imi moris laran ida ho Kristu, entaun imi nia moris espiritual la falta buat ida. Tanba Nia mak boot liu nai ulun ho espiritu boboot sira hotu nebee kaer ukun.

Kolose 2:15

Ho Kristu nia mate iha krus, Maromak halo lakon tiha forsa espiritu aat sira hotu-hotu nebee kaer ukun. I Nia halo moe sira iha ema barak nia oin, hanesan tropas sira halo moe inimigu nebee sira hadau iha funu laran.

Ebreu 1:2

Maibee iha tempu ikus nee, Maromak koalia mai ita liu hosi Nia Oan rasik. Hosi hahuu, Nai Maromak hili Nia Oan hodi ukun hamutuk ho Nia. Uluk liu bainhira Maromak halo lalehan ho rai, ho buat hotu-hotu iha laran, Nia Oan nee halo hamutuk ho Nia.

Ebreu 2:10

Nai Maromak halo lalehan ho rai ho buat hotu-hotu nebee iha, nee tanba Nia. Nia mak desidi katak Jesus tenki terus, i liu hosi Nia terus nee, Maromak dehan Nia bele loke dalan ba ita ema hodi simu salvasaun. Maromak nia desizaun diak teb-tebes, nunee lori ema barak hamutuk ho Nia ba iha naroman nabilan nian.

1 Pedro 3:22

Agora Nia sae tiha ona ba lalehan tuur iha Nai Maromak nia sorin loos. I anju sira ho autoridade sira nebee kaer ukun, hotu-hotu hakruuk ba Nia.