Jonas 3:10 - Biblia Tetun Dili

¹⁰ Bainhira Maromak haree sira hanoin hikas ona no husik sira nia moris aat nee, Nia mos hanoin, i nia laran nakali nee sai malirin ona. I Nia la halo rahun sira.

Jonas 3:10 Iomraidhean Croise

Jonas 4:11

Agora o hanoin didiak kona ba Hau. O hanoin took, se Hau hanoin no lakohi ema Ninive sira mate, ida nee diak ka lae? Tanba iha nebaa iha ema liu 120.000, ho tan sira nia animal hotu. Saa tan ema Ninive sira la hatene saida mak diak no saida mak aat, hanesan ema nebee la hatene nebee mak liman loos no nebee mak liman karuk.”

Jonas 4:2

I nia harohan ho murmura ba NAI Maromak dehan, “Oh Maromak! Buat sira nee hotu sai loloos kedas tuir saida mak hau koalia bainhira hau sei iha hau nia rain rasik. Nee mak halo hau hakarak halai subar ba Tarsis. Tanba hau hatene katak, Maromak nee laran diak, no gosta hatudu Nia laran luak. Maromak la hirus lalais, maibee laran nakonu ho domin ba ema hotu nebee husik sira nia sala. Maromak prontu foo perdaun ba ema nebee husu perdaun, no la foo kastigu ba ema nebee hanoin hikas ona sira nia hahalok aat sira.

Lucas 11:32

I laos liurai feto nee deit. Ema sira iha Ninive mos sei hamriik hodi foo sala ba imi, tanba uluk, bainhira Jonas baa foo sai Maromak nia liafuan ba sira, sira husik kedas sira nia sala. Agora iha imi nia leet iha Ema ida nebee boot liu fali Jonas, maibee imi lakohi husik imi nia sala.”

Lucas 15:20

Entaun nia hamriik hodi fila ba nia aman. Hosi dook nia aman haree ona nia, i hanoin teb-tebes. Nia halai baa simu nia oan hodi hakuak i rei nia.