Jonas 1:3 - Biblia Tetun Dili

³ Maibee Jonas lakohi rona. Nia atu halai dook tiha hosi Maromak. Nee mak nia hakarak baa dook tiha iha loro monu iha sidade Tarsis, iha Espanha. Entaun nia tuun ba sidade Jope hodi buka roo baa Espanha. Bainhira nia hetan tiha roo ida, nia hola bilhete, i sae ba roo. Ho nunee, Jonas hanoin nia bele halai subar hosi Maromak.

Jonas 1:3 Iomraidhean Croise

Jenesis 3:8

Iha lokraik, sira rona NAI Maromak lao iha toos nee. Nunee sira baa subar tiha iha ai laran.

Jenesis 4:16

Depois nia sai hosi NAI Maromak nia oin, i lao too iha fatin ida iha toos Eden nia sorin loro-sae. Fatin nee naran Node, nee dehan katak ‘lao rai’. I nia hela iha nebaa.

Jonas 1:10

Maibee hau hakarak halai dook tiha hosi Nia.” Rona nunee, marineiru sira nee tauk liu tan. I sira husu tan ba Jonas dehan, “Tanba saa mak o halo nunee?!”

Jonas 4:2

I nia harohan ho murmura ba NAI Maromak dehan, “Oh Maromak! Buat sira nee hotu sai loloos kedas tuir saida mak hau koalia bainhira hau sei iha hau nia rain rasik. Nee mak halo hau hakarak halai subar ba Tarsis. Tanba hau hatene katak, Maromak nee laran diak, no gosta hatudu Nia laran luak. Maromak la hirus lalais, maibee laran nakonu ho domin ba ema hotu nebee husik sira nia sala. Maromak prontu foo perdaun ba ema nebee husu perdaun, no la foo kastigu ba ema nebee hanoin hikas ona sira nia hahalok aat sira.

Lucas 9:62

Jesus hataan, “Ema nebee komesa serbisu ona hodi tuir Hau, maibee haree fali ba kotuk, nia la serve serbii Nai Maromak nudar nia Liurai.”

Apostolu sira nia Istoria 15:38

Maibee Paulo lakohi. Tanba uluk, iha provinsia Panfília, Marcos lao husik hela tiha sira.

Apostolu sira nia Istoria 26:19

Paulo koalia tan dehan, “Nee duni, liurai Agripa, serbisu nebee hau simu rasik hosi Nai Maromak nee, hau halao duni too agora.

Apostolu sira nia Istoria 9:36

Iha senhora ida naran Tabita hela iha sidade Jope. (Nia naran ho lian Gregu bolu Dorkas, nee dehan katak, ‘bibi rusa’). Nia fiar ba Nai Jesus. I nia sempre halo buat diak ba ema hotu, i sempre foo ezmola ba ema kiak sira.

Apostolu sira nia Istoria 9:38

Sarani sira rona dehan Pedro iha Lida, laduun dook hosi Jope. Nunee sira haruka ema nain rua baa bolu nia dehan, “Senhor, favor baa lalais Jope.”

Apostolu sira nia Istoria 9:42

Novidade nee namkari lemo-lemo iha sidade Jope laran tomak, too ema barak fiar ba Nai Jesus.

Apostolu sira nia Istoria 9:43

Pedro hela loron hira tan iha Jope, ho ema ida naran Simão. Simão nia serbisu mak hamoos animal nia kulit.

1 Korintu 9:16

Maibee se hau foo sai Novidade Diak, hau la bele foti aan, tanba nee hau nia obrigasaun. Hau sei hetan susar ka terus se hau la foo sai Novidade Diak!

2 Tesalonika 1:9

Nia sei foo kastigu todan ba sira hotu too rahun tinan ba tinan. Nia duni sai sira hosi Nia oin. Nunee sira sei la haree tan ona Maromak nia naroman nabilan.