João 8:44 - Biblia Tetun Dili

⁴⁴ Imi nia hahalok hanesan diabu, tanba imi gosta halo tuir diabu nia hakarak. Hosi hahuu kedas nia oho door ema. Nia kontra buat nebee loos, tan nia la simu buat loos hotu-hotu. Se nia bosok teen, nee ba nia baibain. Tan nia nee, bobar lia door, no bosok-teen hotu nia huun.

João 8:44 Iomraidhean Croise

Jenesis 3:15

Hau sei halo o ho feto nee inimigu bebeik. I imi nain rua nia bei oan sira mos nunee. O nia jerasaun sei tata ema nia ain tuban. Maibee feto nee nia jerasaun ida, sei sama rahun o nia ulun.”

Mateus 12:34

Imi nee hanesan samea nebee fila lia tuun-sae! Imi ema laran aat bele koalia buat diak? Lae! Tanba buat nebee mak iha ema nia laran, ida nee mak sei sai hosi nia ibun.

Mateus 13:15

Tanba povu nee nia fuan toos tiha ona, sira lakohi rona ho sira nia tilun, sira nia matan taka metin. Se lae, sira bele haree ho sira nia matan, bele rona ho sira nia tilun, bele komprende iha sira nia laran. I sira fila fali mai Hau, nunee Hau sei kura sira.’

Mateus 13:38

Toos mak mundu nee. Fini diak mak Maromak nia reinu, i duut manlai mak ema nebee tuir Aat nain nia oan sira.

João 6:70

Jesus foo hatene ba sira dehan, “Hau hili ona imi nain sanulu resin rua. Maibee entre imi sira nee, iha ida mak hanesan diabu!”

João 7:17

Ema nebee hakarak teb-tebes tuir Maromak nia hakarak, nia sei hatene Hau nia hanorin nee, mai hosi Maromak, ka mai hosi Hau rasik.

João 8:38

Hau foo hatene buat sira nebee Hau haree ona, nebee Hau nia Aman hatudu ona mai Hau. I imi halo tuir buat nebee imi rona hosi imi nia aman sira.”

João 8:41

Imi nia hahalok hanesan imi nia aman nia hahalok.” Maibee sira protesta dehan, “Ami nee, laos oan nebee ami nia inan hili. Ami nia aman ida deit mak Nai Maromak.”

João 8:55

Maibee imi la konhese Nia. Hau mak konhese Nia. Se Hau dehan Hau la konhese Nia, Hau bosok-teen hanesan mos imi. Maibee Hau konhese duni Nia, i Hau mos halo tuir Nia Liafuan.

Apostolu sira nia Istoria 13:10

“Satanás nia oan! Bosok-teen! O nia laran nakonu ho buat aat. Buat nebee diak hotu-hotu, o kontra. O sempre lohi kona ba Nai Maromak nia lia loos.

Apostolu sira nia Istoria 24:9

Tértulu koalia hotu nunee, ema Judeu sira seluk mos konkorda dehan, “Loos, senhor! Loos duni.”

Apostolu sira nia Istoria 5:3

Maibee Pedro hatete, “Ananias, nusaa mak o tuir fali Satanás nia hakarak, para o bosok Espiritu Santu?! Nusaa mak osan rai nian nee, o subar tiha balu?

2 Korintu 11:3

Agora dadaun imi tuir hela Kristu ho laran tomak. Maibee hau tauk, keta halo be ema ruma mai lohi imi para sees tiha hosi Kristu, hanesan iha tempu uluk samea lohidor mai lohi Eva.

1 Pedro 5:8

Matan moris neon nain, tanba imi nia inimigu diabu hakarak estraga imi, hanesan leaun nebee mak lao baa-mai ho lian makaas hodi buka ema atu haan.

2 Pedro 2:4

Hanoin took! Uluk bainhira anju balu halo sala, Maromak kastigu sira i soe sira ba infernu. Iha nebaa sira sai dadur iha rai kuak klean nakukun hodi hein too Maromak julga sira.

1 João 1:8

Se ita dehan ita nunka halo sala, ita bosok ita nia aan rasik i ita la hatene lia loos.

1 João 2:21

Entaun hau hakerek surat nee ba imi laos tanba imi la hatene lia loos. Maibee imi hatene duni i imi mos hatene katak, Maromak nia liafuan nee lia loos nebee nunka bosok.

1 João 2:4

Se karik ema ruma dehan, “Hau konhese Nai Maromak,” maibee la halo tuir Maromak ukun-fuan, ema nee bosok-teen, i lia loos la iha nia.

1 João 3:12

La bele sai hanesan Kaín. Nia hanesan fali diabu nia oan, too nia oho nia alin rasik. Tansaa mak Kaín oho nia alin? Tanba nia halo buat aat, maibee nia alin halo buat loos iha Maromak nia oin.

1 João 3:15

See mak odi ema seluk, nia hanesan fali ema oho-dor. I imi hatene ona katak, ema oho-dor la hetan moris rohan-laek.

Judas 1:6

Nunee Maromak mos kastigu anju nebee husik tiha sira nia knaar ho sira nia hela fatin. Maromak kesi metin sira ho korenti iha fatin nakukun laran hodi hein loron nebee Maromak tesi ema hotu-hotu nia lia.

Apokalipse 12:9

Miguel ho nia anju sira soe sai tiha samea ulun hitu nee hosi lalehan. Sira soe tiha samea nee mai mundu hamutuk ho nia anju sira hotu. Samea ulun hitu nee mak ema bolu ꞌdiabuꞌ ka ꞌSatanásꞌ. Hori uluk kedas samea nee lohi ema hotu iha mundu para lao sala dalan.

Apokalipse 13:14

Ho milagre nebee nia halo hodi animal siak primeiru nia naran nee, nia lohi ema hotu iha mundu. Nia haruka ema harii estatua animal primeiru nian para foti aas animal primeiru nee, ida nebee uluk ema halo kanek ho surik, maibee sei moris hela.

Apokalipse 2:10

Maski nunee imi lalikan tauk kona ba terus nebee mak imi sei hetan. Hau hatete ba imi, diabu sei halo imi balu sai dadur iha kadeia hodi koko imi nia fiar. Imi sei hetan terus too loron sanulu. Maibee imi tenki tuir nafatin Hau too mate, maski ema oho imi. Se imi halo nunee, Hau sei foo prémiu moris rohan-laek nian ba imi.

Apokalipse 21:8

Maibee sira nebee hakiduk tanba tauk, sira nebee la fiar, ema nebee hanoin no halo sala foer oi-oin, oho-door, ema nebee halo relasaun seksual ho ema nebee laos nia feen ka laen, ema matandook no ema nebee kaer ai kulit aat, sira nebee adora lulik, ema bosok-teen, sira nee hotu-hotu Hau sei soe tama ba iha ahi lakan boot nia laran. Ida nee mak mate ba dala rua.”

Apokalipse 22:15

Maibee ema aat sira, ema matandook ka ema nebee kaer ai kulit aat, ema nebee halo sala adulteriu, oho-door, adora fali estatua lulik, ka gosta bosok, sira nee la tama ba lalehan, sei hela hotu iha liur.

Apokalipse 9:11

Gafanhotu sira nia liurai mak anju ida nebee toma konta ba rai kuak klean nakukun. Nia naran ho lian Ebreu dehan, Ábadon, ho lian Gregu dehan, Apólion. Naran rua nee dehan, “Harahun door”.