João 8:12 - Biblia Tetun Dili

¹² Depois Jesus koalia tan ho ema barak nee dehan, “Hau mak naroman hodi leno ema iha mundu nee. Ema nebee tuir Hau la moris iha nakukun, maibee nia hela iha naroman nebee lori moris loloos.”

João 8:12 Iomraidhean Croise

Mateus 5:14

Imi mos hanesan naroman ba mundu. Imi nia naroman hanesan sidade nebee mak harii iha foho leten, ema hotu-hotu bele haree.

Lucas 2:32

Para Nia sai naroman ba nasaun sira seluk, i halo Ita Boot nia povu Israel sai naran boot.”

João 12:35

Jesus hataan, “La kleur tan, Hau nia naroman la foo tan naroman ba imi. Nunee bainhira Hau sei iha nee, imi tenki moris loos, para nakukun la bele taka naroman nebee iha imi nia laran. Tanba ema nebee lao iha nakukun, nia la hatene atu baa nebee.

João 12:36

Bainhira imi sei iha naroman, imi tenki fiar mai Hau, nunee imi bele sai ema nebee moris iha naroman, para imi hatene atu baa nebee.” Jesus koalia tiha nunee, Nia mos dada aan hosi ema barak nia leet, para Nia bele mesak.

João 12:46

Hau mai atu sai hanesan naroman ba mundu nee, para ema hotu nebee fiar ba Hau la moris iha nakukun laran.

João 14:6

Jesus foo hatene dehan, “Hau mak dalan, lia loos no moris. La iha ema ida mai iha Hau nia Aman, se la liu hosi Hau. Tanba Hau mak dalan mesak hodi baa Maromak, Hau mak lia loos nia huun, no Hau mak foo moris loloos ba ema.

João 3:19

Hanesan nee: Maromak haruka ona naroman mai hodi leno mundu nee. Maibee ema gosta liu moris iha nakukun dukee moris iha naroman, tanba sira nia hahalok aat. Nunee, Maromak kastigu sira.

João 7:17

Ema nebee hakarak teb-tebes tuir Maromak nia hakarak, nia sei hatene Hau nia hanorin nee, mai hosi Maromak, ka mai hosi Hau rasik.

João 9:5

Bainhira Hau sei iha mundu, Hau hanesan naroman hodi leno ema hotu.”

Apostolu sira nia Istoria 13:47

Tan Nai Maromak foo ona orden mai ami dehan, ‘Hau foti ona o sai hanesan ahi oan hodi lori naroman ba ema nebee laos Judeu, atu o lori Maromak nia salvasaun ba iha mundu tomak.’ ”

Apostolu sira nia Istoria 26:23

Sira foo sai kona ba Ema ida nebee Nai Maromak hili ona nee, dehan, Nia tenki terus, depois Nia mate, maibee liu tiha, Nia mak ema primeiru nebee Nai Maromak halo moris fali hosi mate. Nia mak sei foo naroman ba ema Judeu sira, ho mos ba ema sira nebee laos Judeu.”

2 Pedro 2:17

Mestri falsu sira nee hanesan bee matan nebee maran. Sira hanesan abu-abu nebee anin huu lakon tiha. Maromak prepara tiha ona ba sira fatin ida nebee klean i nakukun liu.

2 Pedro 2:4

Hanoin took! Uluk bainhira anju balu halo sala, Maromak kastigu sira i soe sira ba infernu. Iha nebaa sira sai dadur iha rai kuak klean nakukun hodi hein too Maromak julga sira.

1 João 1:6

Se ita dehan ita laran ida ho Nia, maibee ita sei moris iha nakukun laran, ita bosok ita nia aan i ita la moris iha lia loos.

Judas 1:13

Sira hatudu hahalok nebee halo moe deit ita, hanesan laloran boot nebee baku hasai nia furin iha bee leten. Sira hanesan fitun nebee lao la tuir dalan. Maromak prepara tiha ona fatin ida nakukun liu ba sira, para sira hela iha nebaa too tinan ba tinan nafatin.

Judas 1:6

Nunee Maromak mos kastigu anju nebee husik tiha sira nia knaar ho sira nia hela fatin. Maromak kesi metin sira ho korenti iha fatin nakukun laran hodi hein loron nebee Maromak tesi ema hotu-hotu nia lia.

Apokalipse 21:24

Nasaun hotu-hotu sei moris iha naroman nee nia laran. Liurai sira hosi mundu tomak sei lori sira nia rikusoin ba iha sidade nee.