João 7:4 - Biblia Tetun Dili

⁴ Tanba se ema ida hakarak ema barak haree nia kbiit, nia la hatudu nia kbiit iha fatin subar. Tanba Maun halo milagre oi-oin, entaun, diak liu, se ema hotu bele haree saida mak Maun halo.”

João 7:4 Iomraidhean Croise

Mateus 23:5

Serbisu saida deit mak sira halo, so hodi hatudu ba ema seluk haree i gaba. Ezemplu, sira hakerek Maromak nia Liafuan taka ba sira nia reen toos i suku fita iha sira nia batina tutun tuir lei Moisés nian.

Mateus 4:6

i dehan, “Se O Maromak nia Oan duni, soe aan tuun ba rai. Tanba iha Livru Sagradu hakerek dehan, ‘Maromak sei haruka Nia anju sira mai kuidadu O.’ ‘Sira sei kaer O Nia liman, atu O nia ain la kona fatuk.’ ”

Mateus 6:16

“Bainhira imi halo jejun, la bele halo imi nia oin tristi hanesan ema laran makerek sira nebee buka oin. Sira hatudu aan nunee para ema bele hatene katak sira jejun hela. Hau dehan loloos ba imi: sira simu hotu ona sira nia kolen.

Mateus 6:5

“Bainhira imi halo orasaun, la bele halo orasaun hanesan ema laran makerek nebee buka oin. Sira gosta hamriik halo orasaun iha uma kreda laran no mos iha estrada boot atu ema haree. Hau dehan loloos ba imi, sira simu hotu ona sira nia kolen.

Lucas 6:45

Nunee mos ho ema. Ema nebee diak koalia buat diak, tanba nia laran mos diak. I ema nebee aat koalia buat aat, tanba nia laran mos aat. Tanba buat nebee nia koalia, sai hosi nia fuan-laran.”

João 18:20

Jesus hataan, “Hau koalia momoos para ema hotu bele rona. Hau sempre hanorin iha fatin nebee ita ema Judeu sira hodi halibur, mak ita nia uma kreda sira, no iha Uma Kreda Boot. Hau nunka koalia subar buat ida.

João 7:3

Jesus nia alin sira haruka Nia dehan, “Diak liu Maun sai tiha hosi nee baa iha Judeia, para ema sira nebee tuir Maun iha nebaa mos bele haree saida mak Maun halo.

João 7:5

Nia alin sira koalia nunee, tanba sira rasik laduun fiar ba Nia.