João 7:16 - Biblia Tetun Dili

¹⁶ Jesus hatete ba sira, “Rona mai! Buat sira nebee Hau hanorin nee, laos mai hosi Hau rasik, maibee hosi Nia nebee haruka Hau mai.

João 7:16 Iomraidhean Croise

João 14:10

Nee oinsaa? Bainhira Hau dehan Hau laran ida ho Aman, i Aman mos laran ida ho Hau, o fiar mai Hau, ka lae? Liafuan sira nebee Hau koalia ba imi nee, laos hosi Hau rasik, maibee mai hosi Hau nia Aman. Nia uza Hau hodi halao nafatin Nia serbisu.

João 14:24

Maibee ema nebee la hadomi Hau, nia la halo tuir Hau nia Liafuan. Buat hotu nebee imi rona hosi Hau nee, laos hosi Hau rasik, maibee hosi Hau nia Aman nebee haruka Hau mai.

João 17:14

Hau hatoo ona Aman nia Liafuan ba sira. Ema seluk iha mundu nee odi Hau nia ema, tanba Hau nia ema sira nee moris la hanesan sira. Hau mos nunee, Hau la hanesan ho ema iha mundu nee.

João 17:8

Hau hanorin ona ba sira Liafuan hotu nebee Aman foo hatene mai Hau. Sira mos simu Liafuan sira nee. Sira mos hatene dehan, Hau mai hosi Aman. I sira fiar dehan, Aman mak haruka Hau mai.

João 3:11

Hau hatete loloos ba ita. Ami hatene buat sira nee, tan ami sai sasin kona ba buat sira nebee ami haree ona. Maibee imi la simu ho diak ami nia liafuan.

João 3:31

João koalia tan dehan, “Ida nebee tuun mai hosi Maromak iha lalehan, Nia mak boot liu hotu-hotu. Maibee hau mai hosi mundu nee, tan nee mak hau hanesan ho ema hotu-hotu iha mundu nee. Hau koalia kona ba buat sira nebee akontese loro-loron iha mundu nee. Maibee ida nebee tuun mai hosi lalehan, Nia makaas liu hotu-hotu.

João 5:30

Jesus koalia tan dehan, “Hau rasik la bele halo buat ida, se Hau seidauk rona hosi Hau nia Aman. Bainhira Hau rona tiha hotu, foin Hau tesi ema nia lia. Tanba nee, saida mak Hau desidi nee loos. Tanba Hau la halo tuir Hau nia hakarak, maibee Hau nia Aman nia hakarak deit. Tanba Nia mak haruka Hau mai.

João 6:44

Hau nia Aman iha lalehan mak haruka Hau mai iha nee. La iha ema ida mak bele mai iha Hau, se Hau nia Aman la lori nia mai. I bainhira mundu nee remata, Hau sei halo sira moris fali.

João 8:28

Jesus koalia tan, “Bainhira imi hasae ona Hau, Ema Oan, iha ai krus, foin imi komprende katak, Hau nee Kristu. Hau la halo buat ida hosi Hau nia aan rasik, maibee Hau hanorin deit buat nebee Aman iha lalehan hanorin ona mai Hau.

2 João 1:9

Ema nebee sees ona hosi Kristu nia hanorin, nia la laran ida ona ho Nai Maromak. Maibee ema nebee kaer metin ba Kristu nia hanorin, nia laran ida ho Nai Maromak no ho nia Oan Jesus Kristu.

Apokalipse 1:1

Iha livru nee hakerek kona ba buat nebee mak la kleur tan sei akontese. Nai Maromak foo hatene ona buat sira nee ba Jesus Kristu para foo sai ba ema sira nebee serbii Nai Maromak. Tuir mai, Jesus Kristu haruka Nia anju ida foo tutan mai hau, João, Maromak nia atan.