João 4:9 - Biblia Tetun Dili

⁹ Maibee feto nee hakfodak, tanba ema Judeu baibain la iha relasaun diak ho ema Samaria sira. I nia husu fali ba Jesus, dehan, “Senhor, ita ema Judeu, hau ema Samaria. Senhor husu bee ba hau, nee la sala, ka?”

João 4:9 Iomraidhean Croise

Mateus 10:5

Liu tiha nee, Jesus haruka Nia apostolu nain sanulu resin rua, no Nia foo orden dehan: “La bele baa tama iha ema nebee laos ema Judeu sira nia leet. Ema Samaria nia aldeia mos la bele tama. Maibee imi tenki baa iha ema Israel sira deit, tanba sira hanesan bibi malae nebee lao sala dalan ona.

Lucas 10:33

Tuir mai, ema Samaria ida liu hosi dalan nee. Nia laos ema Judeu, maibee bainhira nia haree ema Judeu nee, nia hanoin teb-tebes.

João 4:27

Sira sei koalia namanas hela, Nia eskolante sira mos too mai hosi sidade. Sira hakfodak loos, tanba sira haree Jesus koalia hela ho feto Samaria ida. Maibee la iha ema ida husu ba feto Samaria nee, “O hakarak saida?” I la iha ema ida husu ba Jesus, “Tanba saa mak Senhor koalia ho feto nee?”

João 8:48

Ema Judeu nia boot sira hataan, “Ami dehan loos duni. Tan ami dehan ona, O nee, laos ema Judeu isin, maibee O ema Samaria. Espiritu aat tama iha O.”

Apostolu sira nia Istoria 1:8

Maibee bainhira Espiritu Santu tuun iha imi, imi sei simu kbiit. Depois mak imi baa foo sasin kona ba Hau, iha sidade Jerusalém, iha provinsia Judeia no Samaria tomak, no too rai ulun rai ikun.”

Apostolu sira nia Istoria 10:28

Nia koalia dehan, “Maun-alin sira, imi hatene ona, tuir ami Judeu nia lisan, ami la bele ransu hamutuk ho ema sira nebee laos Judeu, saa tan ba tama iha sira nia uma. Maibee Nai Maromak hatudu ona mai hau katak, hau la bele dehan ema ida foer ka la iha folin. Nee duni, hau la bele hakribit tan ema nebee laos Judeu.

Apostolu sira nia Istoria 10:32

Nee duni, agora o haruka ema ba sidade Jope bolu ema ida naran Simão Pedro. Nia hela iha Simão nia uma besik tasi ibun. Ema nee serbisu hamoos animal nia kulit.’