João 4:23 - Biblia Tetun Dili

²³ Bainhira nia tempu too, agora too tiha ona, ema nebee adora loloos ba Aman Maromak iha lalehan, sira adora Nia tuir Nia Espiritu, i tuir buat nebee loos. Tanba Aman iha lalehan hakarak ema nebee adora Nia hanesan nee.

João 4:23 Iomraidhean Croise

João 1:17

Hori uluk liu, Moisés mak foo Maromak nia lei ba ita nia bei-ala sira. Maibee agora Ema ida nee hatudu Maromak nia grasa no lia loos mai ita hotu, Nia mak Jesus Kristu.

João 12:23

Entaun Jesus foo hatene ba sira dehan, “Hau nia tempu too ona. Nunee Hau tenki mate uluk, foin Nai Maromak foti aas Hau. Loos duni! Ita kompara ho fini musan ida. Se ita kuda batar musan ida, nia tenki rahun uluk iha rai, foin nia moris, hodi foo batar musan barak. Se la hanesan nee, batar nee musan ida nafatin.

João 16:2

Ema Judeu sira sei duni sai imi hosi sira nia uma kreda. I laos nee deit, tempu sei too, bainhira ema oho imi, sira hanoin dehan sira halo diak ba Nai Maromak.

João 16:32

La kleur tan, imi hotu sei halai namkari. Imi ida-idak sei halai husik hela Hau, hodi baa subar iha ida-idak nia fatin rasik. Maski nunee, Hau la mesak, tanba Hau nia Aman hamutuk ho Hau.

João 4:21

Jesus hataan, “Ita fiar ba Hau Nia koalia, tanba Hau koalia loos. Sei too nia tempu, imi adora Maromak iha foho nee, ka iha Jerusalem, fatin rua nee la iha folin tan ona.

João 5:25

Tebes duni! Hau hatete ba imi. Nia tempu besik ona, no agora hahuu dadauk ona. Ema mate sira rona lian hosi Hau, Maromak nia Oan. Tan ema nebee rona no simu ho diak Hau nia liafuan sei hetan moris loloos.

João 5:28

Imi lalika admira, tanba la kleur tan ema mate hotu-hotu sei rona Hau nia lian.

Roma 1:9

Maromak rasik hatene katak hau harohan bebeik ba imi. Maromak nee mak hau serbii ho laran tomak hodi foo sai Novidade Diak kona ba Nia Oan.

Roma 8:15

Espiritu nebee ita simu nee, laos halo ita sai fali hanesan atan nebee moris iha tauk nia laran. Maibee Espiritu nee halo ita hatene katak ita nee Maromak nia oan. Nee mak ita brani bolu Maromak “Apaa”.

Roma 8:26

Nunee mos, Maromak nia Espiritu tulun ita, tanba ita ema fraku. Ita la hatene saida mak ita atu husu ba Maromak liu hosi ita nia orasaun. Maibee Maromak nia Espiritu rasik harohan ba Maromak iha ita nia fatin. Maski ita halerik deit no la hatene saida mak ita atu koalia.

Galasia 4:6

Imi sai ona Nai Maromak nia oan, tanba nee mak Maromak mos haruka Nia Oan nia Espiritu mai tama iha imi nia laran. I Espiritu nee halo imi bolu Nai Maromak, "Abba", nee dehan “Apaa doben”.

Efezu 6:18

Halo orasaun loron-kalan ho Espiritu Santu nia tulun. Iha situasaun saida deit, husu Maromak nia tulun. Matan moris neon nain nafatin, husu Maromak nia tulun, i sempre halo orasaun ba Maromak nia povu hotu-hotu.

Filipi 3:3

Afinal ita nebee adora Maromak hodi Nia Espiritu nia tulun, mak sunat loloos. Ita foti aas Kristu Jesus nia naran, i ita la depende ba saida deit mak ita ema halo.

1 Pedro 2:9

Maibee imi laos nunee. Imi Nai Maromak hili tiha ona hodi sai Nia povu. Imi hanesan nai-lulik nebee mak serbii liurai. Imi hanesan nasaun ida nebee moris loos. Imi Maromak nia povu. Maromak hili imi nunee para imi bele konta sai buat diak nebee mak Maromak halo tiha ona ba imi. Tanba Nia mak bolu imi sai hosi nakukun hodi tama ba iha Nia naroman ida nebee furak teb-tebes.