João 4:10 - Biblia Tetun Dili

¹⁰ Jesus hatete, “Se mana hatene saida mak Nai Maromak hakarak foo ba ema hotu, no mos hatene see mak Hau nebee husu bee nee, maka mana sei husu fila fali bee mai Hau. Nunee Hau sei foo bee nebee lori moris ba ema.”

João 4:10 Iomraidhean Croise

Lucas 11:13

Maski imi ema aat, maibee imi hatene foo buat diak ba imi nia oan sira. Saa tan imi nia Aman iha lalehan! Se imi husu para Nia foo Nia Espiritu Santu ba imi, Nia sei foo duni.”

João 16:3

Sira halo nunee ba imi, tanba sira la konhese Hau, no mos la konhese Hau nia Aman.

João 17:3

Dalan hodi hetan moris loloos nebee rohan laek mak nee: Ema tenki konhese Aman, nudar Nai Maromak nebee loos. La iha tan seluk ida. Sira mos tenki konhese Hau, Jesus Kristu, nebee Aman haruka ona mai iha mundu nee.

João 3:16

Tanba Nai Maromak hadomi teb-tebes ema hotu-hotu iha mundu nee, nee mak Nia haruka Nia Oan mane mesak, para ema hotu nebee fiar ba Nia, Nai Maromak la husik sira lakon, maibee Nia foo ba sira moris rohan laek.

João 4:14

Maibee ema nebee hemu bee nebee Hau foo nee, sei la hamrook tan ona. Tanba bee nebee Hau foo nee, hanesan bee matan ida iha nia laran, nebee fakar sai mai. Bee nee, lori moris loloos nebee rohan laek.”

João 6:35

Jesus foo hatene ba sira dehan, “Hau mak Paun nee. Tan Hau mak lori moris nebee loloos. Nunee ema nebee sai Hau nia ema, sei la hamlaha tan. I ema nebee fiar mai Hau, sei la hamrook tan.

João 6:51

Hau mak Paun nebee lori moris, nebee tuun mai hosi lalehan. Bainhira Hau mate, Hau entrega Hau nia isin para ema hotu iha mundu nee bele moris. I ema nebee haan Paun nee, sira hetan moris rohan laek.”

Apostolu sira nia Istoria 9:11

Nai Jesus hatete, “O baa iha Judas nia uma, iha estrada ida naran Loos. O husu ema ida naran Saulo, hosi sidade Tarsu. Agora nia halo hela orasaun.

Roma 8:32

Maromak laran luak teb-tebes, too Nia foo Nia Oan rasik para mate iha ita hotu nia fatin. Hosi nee ita bele hatene katak, Nia sei foo tan mai ita buat hotu-hotu nebee diak.

1 Korintu 1:30

Maromak mak halo imi sai laran ida ho Kristu Jesus, i Kristu hatudu Maromak nia matenek mai ita. Nee dehan katak, Kristu halo ita diak malu ho Maromak, Nia halo ita sai ema nebee moris loos no santu, i Nia selu kotu ita nia tusan.

1 Korintu 10:4

Sira hotu hemu bee espiritual nebee hanesan. Bee nee sai hosi fatuk lolon boot ida nebee akompanha sira. Fatuk nee mak Kristu.

2 Korintu 9:15

Agradese ba Maromak tanba Nia foo ona Nia grasa mai ita, ita la bele esplika ho ita ema nia liafuan.

Efezu 2:8

Nai Maromak salva imi liu hosi Nia grasa deit, bainhira imi fiar ba Kristu. Nia halo nunee, laos tanba imi merese. Salvasaun nee, Maromak mak foo deit,

Ebreu 6:4

Tanba ema nebee fiar ona ba Kristu, se karik too ikus sira fila kotuk ba Nia, entaun ita atu lori sira husik fali sira nia sala, la bele ona. Tanba sira hetan ona naroman hosi Nai Maromak, sira koko ona bensaun lalehan nian, i sira simu ona Espiritu Santu.

1 João 5:20

Ita hatene katak Maromak nia Oan mai ona, i Nia loke ona ita nia neon para ita bele konhese Ida nebee mak loos. Ita laran ida ona ho Ida nebee mak loos, ita mos laran ida ho Nia Oan Jesus Kristu. Nia mak Maromak loloos, i Nia mak moris rohan-laek.

Apokalipse 21:6

Nia dehan tan, “Buat sira nee kumpri tiha hotu ona! Hau mak Alfa no Omega, primeiru ho ikus, huun ho rohan. Ema nebee hamrook, Hau sei foo hemu bee hosi bee matan nebee foo moris tinan ba tinan, bee nee la selu.

Apokalipse 22:17

Maromak nia Espirítu ho noiva nee dehan, “Mai ona!” Ema nebee rona mos tenki koalia tuir, “Mai ona!” See mak hamrook, mai ona ba. See mak hakarak hemu bee nebee foo moris tinan ba tinan, kuru deit tuir imi nia hakarak ba, lalikan selu.

Apokalipse 7:17

Tanba Bibi Oan nebee mak hamriik iha klaran besik kadeira ukun nee mak sei sai sira nia Bibi Atan. Nia sei lori sira ba bee matan hodi foo hemu bee nebee foo moris rohan-laek. I Nai Maromak sei hamaran sira nia matan been.”