João 3:6 - Biblia Tetun Dili

⁶ Tanba ema moris hosi ema, isin lolon nian, maibee ema nia espiritu hetan moris foun hosi Maromak nia Espiritu.

João 3:6 Iomraidhean Croise

Jenesis 5:3

Bainhira Adão tinan 130, nia hetan oan mane ida, oin hanesan nia aman. Nia tau naran ba labarik nee, Sete.

Jenesis 6:5

Iha tempu nee, NAI Maromak haree ema iha mundu nia hahalok aat demais ona. Sira nia laran hanoin deit mak buat aat.

João 1:13

Nee hanesan ho sira hetan moris foun. Maibee sira nia moris foun nee, laos hanesan ema partus oan. I laos hanesan mane ida nebee hakarak hetan jerasaun. Sira sai Maromak nia oan, tanba Maromak mak foo ba sira moris foun nee.

João 3:7

Keta hakfodak se Hau dehan, ‘Imi tenki moris fila fali!’

Roma 7:18

Hau hatene katak, nudar ema kriatura la iha buat diak ida iha hau nia laran. Tanba hau hakarak duni halo buat nebee diak maibee la konsege.

Roma 7:25

Ita agradese ba Maromak! Tanba liu hosi Jesus Kristu, ita nia Nai, Maromak salva hau. Entaun realidade mak nee: hau nia neon hakarak teb-tebes sai atan ba Maromak nia lei, maibee nudar ema sala nain hau halo sala bebeik.

Roma 7:5

Uluk ita nia hakarak aat sei domina ita, lei foo hanoin mai ita atu la bele halo sala. Maibee, bainhira ita hatene tuir tiha lei nee, ita nia hakarak kontra liu tan lei nee, too ita halo sala oi-oin, i sala nee lori ita ba mate tinan ba tinan.

Roma 8:13

Tanba se imi moris tuir imi nia hakarak, imi sei mate tinan ba tinan. Maibee se imi hamate hahalok aat hodi Espiritu Santu nia kbiit, imi sei hetan moris.

1 Korintu 6:17

Maibee ema nebee mak foo nia aan ba ita nia Nai, sai laran ida ho Nia.

2 Korintu 5:17

Ema nebee laran ida ho Kristu sai ona ema foun. Nia moris ida uluk nee la iha ona, troka tiha ona ho moris foun.

Galasia 5:24

See mak sai ona Kristu Jesus nia ema, nia la moris tan tuir isin nia hakarak. Tanba hakarak aat ho hanoin aat hotu-hotu, nia prega tiha ona iha krus.

Efezu 2:3

Uluk ita hotu moris nunee. Ita halo buat aat saida deit mak ita kaan atu halo, i tuir deit ita nia isin nia hakarak ho hanoin nebee aat. Tanba nee Maromak atu kastigu ona ita, hanesan mos Nia atu kastigu ema aat sira seluk.

Kolose 2:11

Tanba imi laran ida ho Kristu, entaun imi sunat tiha ona. Ida nee laos sunat nebee ema mak halo iha imi nia isin lolon, maibee Kristu mak halo iha imi nia laran, hodi tesi soe tiha imi nia hakarak aat sira nebee uluk domina hela imi.

1 João 3:9

Nunee ema nebee sai ona Nai Maromak nia oan, nia sei la moris tan iha sala nia laran, tanba Kristu laran ida ona ho nia. Nia la bele moris nafatin iha sala laran, tanba nia sai ona Maromak nia oan.