João 3:3 - Biblia Tetun Dili

³ Jesus hataan, “Nee loos! Hau atu dehan nunee: se ema la moris foun, nia la bele haree Maromak nia reinu no la bele sai Maromak nia ema.”

João 3:3 Iomraidhean Croise

Mateus 16:17

Jesus dehan, “Simão, Jonas nia oan, o hetan bensaun, tanba laos ema mak foo hatene ba o kona ba buat nee. Maibee Hau nia Aman iha lalehan mak foo hatene ba o.

Mateus 19:24

Dala ida tan Hau dehan ba imi, fasil liu kuda kamelu tama liu hosi daun kuak ida duke ema riku ida atu tama ba iha Maromak nia Reinu.”

Mateus 21:31

Konta tiha hotu, Jesus husu ba sira, “Tuir imi nia hanoin, oan rua nee, ida nebee mak halo tuir nia aman nia hakarak?” Sira hataan, ‘Oan mane boot.’ Jesus dehan ba sira, “Hau hatete loloos ba imi, kobrador impostu ho feto luroon sira sei tama iha Maromak nia reinu uluk fali imi.

Mateus 5:18

Hau hatete ba imi, bainhira lalehan ho rai sei iha, buat hotu nebee hakerek iha lei nee, mezmu ke letra kiik-oan liu ida, ka pontu ida mos sei la lakon, too buat hotu nebee Maromak hatete, sai realidade.

Marcos 10:14

Jesus haree nunee, Nia hirus Nia eskolanti sira hodi dehan, “Husik labarik sira mai Hau. Keta bandu! Tanba ema hanesan sira nee, mak Nai Maromak nia ema.

Marcos 9:47

Se o halo sala ho o nia matan, sukit soe tiha matan nee! Tanba diak liu o tama ba lalehan ho matan ida deit, dukee o iha matan rua, maibee o tama ba infernu.

João 1:13

Nee hanesan ho sira hetan moris foun. Maibee sira nia moris foun nee, laos hanesan ema partus oan. I laos hanesan mane ida nebee hakarak hetan jerasaun. Sira sai Maromak nia oan, tanba Maromak mak foo ba sira moris foun nee.

João 1:5

Naroman nee, leno borus ba nakukun; Too nakukun la bele satan netik naroman nee. Tanba naroman nee nabilan nafatin.

João 1:51

Tebes duni! Hau foo hatene kedas. Imi sei haree lalehan nakloke, i Maromak nia anju iha lalehan tuun-sae iha Hau nia sorin. Hau nee, Ema Oan.”

João 12:40

“Nai Maromak taka ona sira nia laran, para sira la bele haree tan. Nia halo sira nia fuan toos, para sira la komprende didiak. Husik sira nunee, para sira lalika fila mai buka Hau, i Hau lalika halo diak sira.”

João 3:4

Entaun Nicodemus husu, “Maibee oinsaa ema bele moris fali se nia boot tiha ona!? Nia la bele tama fila fali ba nia inan nia kabun laran ba dala rua, para nia inan bele tuur ahi fali.”

2 Korintu 4:4

Sira nia maromak mak diabu. I nia mak taka hela ema nebee la fiar nia hanoin, halo sira la bele haree naroman hosi Novidade Diak kona ba Kristu i Nia naroman nabilan makaas teb-tebes. Kristu nee hanesan loloos Maromak.

2 Korintu 5:17

Ema nebee laran ida ho Kristu sai ona ema foun. Nia moris ida uluk nee la iha ona, troka tiha ona ho moris foun.

Galasia 6:15

Sunat ka la sunat, nee la importante. Maibee importante mak Maromak halo foun ona ita nia moris.

Efezu 2:1

Uluk, kona ba moris espiritual, imi mate tiha ona, tanba imi kontra Nai Maromak nia lei i halo sala oi-oin.

Tito 3:5

Nia salva ita, laos tanba ita nia hahalok diak, maibee tanba Nia hadomi ita. Nia hamoos tiha ona ita nia sala i halo ita moris foun fali, liu hosi nia Espiritu Santu.

Tiago 3:17

Maibee matenek nebee mai hosi Maromak mak nee: moos, lori dame, laran maus, konsidera ema seluk, laran diak, foo fuan diak, gosta ajuda ema, la haree ba ema boot ka kiik, i la finjidu.

1 Pedro 1:3

Mai ita hahii Nai Maromak! Nia mak ita nia Nai Jesus Kristu nia Aman. Nai Maromak hadomi teb-tebes ita, too Nia foo moris foun mai ita. Ita bele simu moris foun nee tanba Nia halo moris fali ona Jesus Kristu hosi mate. Nunee agora ita moris nakonu ho esperansa

1 João 2:29

Imi hatene ona katak Jesus Kristu sempre halo buat nebee mak loos. Nunee bainhira ema halo bebeik buat nebee mak loos, imi konhese katak, ema nee Nai Maromak nia oan.

1 João 3:9

Nunee ema nebee sai ona Nai Maromak nia oan, nia sei la moris tan iha sala nia laran, tanba Kristu laran ida ona ho nia. Nia la bele moris nafatin iha sala laran, tanba nia sai ona Maromak nia oan.

1 João 5:1

Ema see deit mak fiar katak Jesus mak Kristu, ema nee Nai Maromak nia oan. Se ita hadomi ema ida nebee sai hanesan aman, ita mos hadomi ema nee nia oan.

1 João 5:18

Ita hatene katak ema nebee sai ona Nai Maromak nia oan, nia la moris ona iha sala, tanba Maromak nia Oan tau matan ba nia. Nunee aat nain la bele halo aat ba nia.

1 João 5:4

tanba ema nebee sai Nai Maromak nia oan, nia la halo tuir tan buat aat mundu nian. Nia manaan ona mundu tanba nia fiar ba Jesus .

Apokalipse 3:14

Tuir mai Ema nee hatete mai hau, “Hakerek hanesan nee ba sarani sira iha sidade Laodiseia: ‘Hau mak Ida nebee ema bolu dehan ‘Amen, loos duni’. Hau sempre foo sasin loloos. Hau mak lalehan ho rai nia huun, ho buat hotu-hotu nebee Nai Maromak halo. Hau nia lia menon mak nee: