João 3:12 - Biblia Tetun Dili

¹² Imi lakohi fiar bainhira Hau foo hatene kona ba buat sira nebee iha mundu nee. Saa tan se Hau foo hatene kona ba buat sira nebee iha lalehan. Nee imi sei la fiar liu tan!

João 3:12 Iomraidhean Croise

João 3:11

Hau hatete loloos ba ita. Ami hatene buat sira nee, tan ami sai sasin kona ba buat sira nebee ami haree ona. Maibee imi la simu ho diak ami nia liafuan.

João 3:3

Jesus hataan, “Nee loos! Hau atu dehan nunee: se ema la moris foun, nia la bele haree Maromak nia reinu no la bele sai Maromak nia ema.”

João 3:5

Jesus hataan, “Nee loos! Maibee Hau dehan ba ita: se ema la moris hosi bee no hosi Espiritu, nia la halo parte iha Maromak nia reinu. Ema tenki moris hosi bee para bele sai moos, i moris hosi Espiritu para sai ema foun. Ho nunee, foin bele sai Nai Maromak nia ema.

João 3:8

Ita kompara ho anin. Anin huu tuir nia hakarak. Ita bele rona anin nia lian, maibee ita la hatene nia mai hosi nebee, i atu baa nebee. Ema hotu nebee moris foun hosi Maromak nia Espiritu mos nunee. Tanba ita bele haree Maromak nia Espiritu halo ona ema sai foun, maski ita la komprende oinsaa buat nee bele akontese.”

1 Timóteo 3:16

Segredu nebee Maromak foo sai ona mai ita kona ba Jesus Kristu, diak teb-tebes. Segredu nee mak nee: Jesus Kristu fila aan sai ema. Maromak nia Espiritu hatudu katak, Jesus nee loos duni. Maromak nia anju sira mos haree Nia. Ema foo sai kona ba Nia too iha nasaun-nasaun. Iha mundu tomak, ema fiar ona ba Nia. Nai Maromak hasae ona Nia ba lalehan hodi foti aas Nia naran.

Ebreu 5:11

Sei iha buat barak mak hau hakarak koalia kona ba Kristu ho Melkizedek, maibee hau atu esplika ba imi susar, tanba imi ulun fatuk toos.

1 João 4:10

Domin nee mak nee: laos ita mak hadomi Nai Maromak, maibee Maromak mak hadomi ita. Tanba Nia hadomi teb-tebes ita, nee mak Nia haruka Nia Oan mai foo Aan ba mate, atu nunee Maromak bele hamoos ita nia sala.