João 21:7 - Biblia Tetun Dili

⁷ Hau, eskolante ida nebee Jesus hadomi, mos iha nebaa. Bainhira hau haree nunee, hau foo hatene ba Pedro dehan, “Nia mak ita nia Nai!” Rona hau nia lian, Simão Pedro hatais fali nia ropa, i haksoit ba tasi laran hodi nani ba rai maran.

João 21:7 Iomraidhean Croise

Marcos 11:3

Maibee se ema husu karik, ‘Nusaa mak imi lori tiha kuda buru nee?’ Imi hataan nunee, ‘Nai mak presiza. Hotu tiha, Nai sei haruka fila fali kedas.’ ”

Lucas 12:35

Jesus hatutan tan dehan, “Imi tenki prontu loron-kalan, hanesan atan nebee hatais hela ropa serbisu nian i nia ahi-oan lakan hela deit.

Lucas 2:11

Ohin imi nia Salvador moris ona iha liurai David nia moris fatin Belém. Nia mak Kristu, imi nia Nai, Ema nebee Maromak promete ona hori uluk atu haruka mai.

Lucas 7:47

Nunee, Hau hatete ba ita katak, feto nee sala barak duni, maibee nia sala hamoos hotu tiha ona. Nee mak nia hatudu domin boot mai Hau. Maibee se karik ema halo sala ituan deit, bainhira nia sala nee hamoos tiha ona, ema nee hadomi mos ituan deit.”

João 13:23

Iha nebaa mos iha eskolante ida hosi sira nebee Jesus hadomi (mak hau, João, nebee hakerek livru nee). Hau tuur iha Jesus nia sorin.

João 19:26

Jesus haree Nia inan hamriik iha nebaa, hamutuk ho eskolante nebee Nia hadomi, nee mak hau, João. I Jesus hatete ba Nia inan dehan, “Nia nee ita nia oan.”

João 20:2

Entaun nia halai fila fali ba Simão Pedro, no hau, Jesus nia eskolante nebee Nia hadomi nee. Nia hatete dehan, “Ema naok tiha ona ita nia Nai nia mate isin hosi rate! Ita la hatene sira tau Nia iha nebee.”

João 20:20

Bainhira Jesus hasee sira nunee, Nia mos hatudu Nia kanek nebee iha Nia liman no Nia knosen. Nia eskolante sira haksolok teb-tebes bainhira haree sira nia Nai.

João 20:28

Tome hataan, “Nai! Agora hau fiar tebes ona. Ita Boot mak hau nia Nai no hau nia Maromak!”

João 21:20

Iha tempu nee, Pedro haree ba kotuk, i nia haree hau tuir hosi sira nain rua nia kotuk. Hau eskolante ida nebee Jesus hadomi. Hau mos tuur iha Jesus nia sorin bainhira ami tuur hamutuk haan iha festa Paskua. Hau mak husu ba Nia, “Senhor, see mak sei faan Ita Boot?”

João 21:24

Eskolante nebee Jesus koalia nee, mak hau, João. Hau mak konta buat sira nee hotu ba imi. Hau mak haree ho hau nia matan rasik. I hau mak hakerek buat sira nee hotu. Ita hotu hatene katak, saida mak hau foo hatene ba imi nee, loos duni.

João 21:8

Bero nee dook hosi rai maran mais-ou-menus metru 100. I nia kolega sira hean bero hodi fila ba rai maran, ho dada redi nebee nakonu ho ikan.

Apostolu sira nia Istoria 10:36

Imi hatene novidade nebee mak Nai Maromak foo sai ona ba ami ema Israel. Novidade Diak nee katak Nia haruka ona Jesus Kristu mai, hodi halo dame ema ho Nai Maromak. I Nia mak ema hotu-hotu nia Nai.

Apostolu sira nia Istoria 2:36

Nunee imi ema Israel hotu-hotu tenki hatene katak, Jesus ida nebee imi prega mate tiha iha krus nee, mak Ema ida nebee Nai Maromak hili ona. Nai Maromak mos foti ona Nia sai ita nia Nai.”

1 Korintu 15:47

Adão ida primeiru hosi rai rahun, Adão ida segundu hosi lalehan.

2 Korintu 5:14

Bele halo nusaa mos Kristu nia domin ukun nafatin ami nia moris. Tanba ami fiar katak Kristu mate tiha ona iha ema hotu nia fatin. Nunee bele dehan ita hotu mos mate hotu ona ho nia.

Tiago 2:1

Maun-alin sira, imi dehan imi fiar ba Nai Jesus Kristu, ita nia Nai nebee boot teb-tebes. Maibee imi balu halo fali diskriminasaun ba ema. Nee la bele!