João 21:2 - Biblia Tetun Dili

² Tempu nee, Jesus nia eskolante nain hitu halibur hamutuk hela. Sira nee, mak: Simão Pedro, Tome, nebee sira bolu, ‘oan kaduak’, Natanael, hosi aldeia Kanaa iha provinsia Galileia, Zebedeu nia oan nain rua, ho Jesus nia eskolante nain rua seluk.

João 21:2 Iomraidhean Croise

Mateus 10:3

Filipe ho Bartolomeu, Tomé ho Mateus, Mateus nee kobrador impostu, Tiago, Alfeu nia oan ho Tadeu,

Marcos 1:19

Liu tiha nee, Jesus lao seidauk dook, Nia hetan tan Zebedeu nia oan sira. Maun, naran Tiago; nia alin, naran João. Sira nain rua prepara hela redi iha bero laran.

João 1:45

Depois Filipe baa buka Natanael, hodi hatete dehan, “Ami hasoru ona Ema nebee Maromak hatudu ba Moisés iha nia eskritura. Maromak nia profeta sira iha tempu uluk mos hakerek ona kona ba Ema nee. Nia naran Jesus, hosi aldeia Nazaré. Nia aman naran José.”

João 11:16

Entaun Tome nebee ema bolu, “Didimo” (nebee signifika “kaduak”), foo hatene ba eskolante sira seluk dehan, “Mai ona! Diak liu ita hotu baa, para ita hotu mate hamutuk ho Nia.”

João 2:1

Liu tiha loron rua, iha festa kazamentu ida iha aldeia Kanaa, iha provinsia Galileia. I Jesus nia inan mos iha festa nee.

João 2:11

Ida nee akontese iha aldeia Kanaa, iha provinsia Galileia. Nee milagre dahuluk Jesus halo nebee ema bele haree. Jesus hatudu Nia naroman-nabilan nunee, maka Nia eskolante sira fiar ba Nia.

João 20:28

Tome hataan, “Nai! Agora hau fiar tebes ona. Ita Boot mak hau nia Nai no hau nia Maromak!”

João 4:46

I Jesus sira lao nafatin fila fali ba aldeia Kanaa iha provinsia Galileia, nebee Nia halo bee sai tua. Iha tempu nee, iha funsionariu ida iha sidade Kafarnaum. Nia oan mane moras.