João 21:12 - Biblia Tetun Dili

¹² I Jesus bolu sira hodi dehan, “Mai haan lai!” Sira hatene ona, Nia nee, sira nia Nai. Nee mak sira la brani husu, “Ita nee, see?”

João 21:12 Iomraidhean Croise

Mateus 22:46

La iha ema ida mak bele hataan. Komesa iha loron nee ema ida mos la brani atu husu tan pergunta ba Nia.

Marcos 9:32

Jesus foo hatene nunee, maibee Nia eskolanti sira konfunzaun hela. Sira la brani husu tan Jesus kona ba Nia koalia nee.

Lucas 9:45

Maibee Nia eskolanti sira la komprende. Tanba liafuan nia signifikadu sei taka hela ba sira, nunee sira la hatene. I sira mos la brani atu husu ba Jesus.

João 16:19

Jesus hatene ona sira atu husu buat ida ba Nia. Nia dehan, “Ohin Hau koalia dehan, ‘La kleur tan, imi la haree ona Hau. Maibee la kleur mos, imi sei haree fila fali Hau.’ Imi husu nunee, ka?

João 21:11

Nunee Pedro sae fali ba bero laran, hodi dada redi ba rai maran. Redi nee nakonu ho ikan bo-boot deit. Ikan hamutuk 153. Maski ikan barak nunee, maibee redi la naklees.

João 21:15

Bainhira sira haan hotu ona, Jesus husu ba Simão Pedro, “Simão, João nia oan, o hadomi Hau liu sira seluk hadomi Hau, ka?” Nia hataan, “Loos! Nai hatene ona hau hadomi Ita Boot.” Entaun Jesus hameno ba nia, “Se nunee, foo hahaan didiak ba Hau nia bibi malae oan sira.”

João 4:27

Sira sei koalia namanas hela, Nia eskolante sira mos too mai hosi sidade. Sira hakfodak loos, tanba sira haree Jesus koalia hela ho feto Samaria ida. Maibee la iha ema ida husu ba feto Samaria nee, “O hakarak saida?” I la iha ema ida husu ba Jesus, “Tanba saa mak Senhor koalia ho feto nee?”

Apostolu sira nia Istoria 10:41

Laos ema hotu-hotu mak haree Nia. So ami deit. Ami nee, Nai Maromak hili antes tiha ona hodi sai sasin kona ba Jesus. Bainhira Nai Jesus moris fila fali, ami mak baibain haan-hemu hamutuk ho Nia.