João 2:11 - Biblia Tetun Dili

¹¹ Ida nee akontese iha aldeia Kanaa, iha provinsia Galileia. Nee milagre dahuluk Jesus halo nebee ema bele haree. Jesus hatudu Nia naroman-nabilan nunee, maka Nia eskolante sira fiar ba Nia.

João 2:11 Iomraidhean Croise

João 1:14

I ‘Maromak nia Liafuan’ nee, sai tiha ema. Nia moris iha ita nia leet. Ita haree Nia naroman-nabilan. Nia iha naroman-nabilan nunee, tanba Nia mak Nai Maromak nia Oan mane mesak. Nia hakarak hatudu Nia laran diak no grasa mai ita, tanba Nia hahalok nunee duni. I buat hotu nebee Nia hatoo kona ba Nai Maromak, loos duni.

João 1:17

Hori uluk liu, Moisés mak foo Maromak nia lei ba ita nia bei-ala sira. Maibee agora Ema ida nee hatudu Maromak nia grasa no lia loos mai ita hotu, Nia mak Jesus Kristu.

João 1:43

Iha nebaa iha mos ema seluk ida, naran Filipe. Nia hosi aldeia Betsaida. Pedro ho Andre mos mai hosi nebaa. Iha aban fali, Jesus desidi atu baa provinsia Galileia. I Nia baa hasoru mos ho Filipe, i Nia bolu dehan, “Mai tuir Hau para sai Hau nia eskolante.”

João 1:50

Jesus husu ba nia dehan, “Tanba Hau foin dehan, ‘Hau haree tiha ona o, bainhira o iha hela ai huun figeira nebaa nia okos,’ nee mak o fiar ka? Rona mai! O sei haree buat nebee boot liu tan.

João 10:41

Ema barak mai buka Nia. Sira koalia ba malu dehan, “João nunka halo milagre ida. Maibee buat hotu nebee nia koalia kona ba Jesus nee, loos.”

João 11:15

Maibee Hau kontenti tanba Hau la iha nebaa bainhira nia mate, nee para imi lalika laran susar. Saida mak sei akontese nee, sei halo imi fiar ba Hau. Mai ita baa ona nebaa!”

João 11:47

Entaun nai lulik nia xefi sira, ho ema Farizeu sira halibur hodi foo hanoin ba malu. Sira husu, “Ema nee halo milagre oi-oin. Ita tenki halo saida?

João 12:18

Nee mak ema barak baa simu Jesus besik iha Jerusalem, tanba sira rona ona dehan, Nia halo ona milagre nee.

João 12:37

Maski ema barak haree ona Jesus halo milagre oi-oin, maibee sira lakohi fiar ba Nia.

João 12:41

Isaias koalia nunee, tanba nia haree ona Jesus nia naroman-nabilan, i nia konta kedas kona ba Jesus.

João 14:13

Imi nebee hamutuk ho Hau iha direitu husu hodi Hau nia naran. Nunee, bainhira imi halo orasaun hodi husu saida deit, lori Hau nia naran, Hau sei foo ba imi. Ho nunee, Hau foti aas Hau nia Aman, para ema hotu bele konhese Nia.

João 16:27

Hau nia Aman hadomi imi, tanba imi hadomi Hau. I imi mos fiar dehan, Maromak mak haruka Hau mai.

João 16:30

Ami fiar ona Ita Boot hatene buat hotu-hotu. Ema la presiza husu saida-saida ba Ita Boot ona, tanba Ita Boot hatene uluk tiha ona saida mak sira atu husu, no nia resposta oinsaa. Nee hatudu mai ami katak, Ita Boot mai hosi Nai Maromak.”

João 2:1

Liu tiha loron rua, iha festa kazamentu ida iha aldeia Kanaa, iha provinsia Galileia. I Jesus nia inan mos iha festa nee.

João 2:23

Jesus hela lalais deit iha sidade Jerusalem, hodi selebra loron boot Paskua. Ema barak haree Nia halo milagre oi-oin i sira fiar ba Nia.

João 3:2

Iha kalan ida, nia baa hasoru Jesus, hodi dehan, “Mestri! Ami hatene katak Maromak mak haruka Ita Boot mai hanorin ami. Tanba milagre sira nebee Ita Boot halo nee, hatudu katak Maromak mak foo kbiit ba Ita Boot. Se laos nunee, buat sira nee sei la akontese.”

João 4:3

entaun Nia ho Nia eskolante sira husik tiha rejiaun Judeia, hodi fila fali ba provinsia Galileia.

João 4:46

I Jesus sira lao nafatin fila fali ba aldeia Kanaa iha provinsia Galileia, nebee Nia halo bee sai tua. Iha tempu nee, iha funsionariu ida iha sidade Kafarnaum. Nia oan mane moras.

João 4:54

Ida nee milagre ba dala rua nebee Jesus halo bainhira Nia sai hosi Judeia, hodi baa Galileia.

João 5:23

Hau nia Aman hakarak ema hotu-hotu respeita Hau, hanesan sira respeita ona ba Nia. Tanba ema nebee la respeita Hau, nudar Nia Oan, ema nee mos la respeita Aman nebee haruka Hau mai.

João 6:14

Bainhira ema barak haree milagre nebee Jesus halo ona nee, sira dehan, “Ema ida nee laos halimar. Nia nee, mak profeta nebee Maromak promete ona atu haruka mai.”

João 6:26

Jesus hataan, “Hau hatete loloos nunee: imi buka Hau laos tanba imi haree ona milagre. Maibee imi buka Hau, tanba Hau foo ona hahaan ba imi haan too bosu.

João 6:30

I sira husu tan, “Senhor atu hatudu milagre saida, para ami bele haree no fiar ba Ita Boot? Depois Senhor atu halo saida tan mai ami?

João 7:31

Hosi ema barak sira nee, iha ema barak mos fiar ba Nia. Sira koalia dehan, “Ema ida nee halo milagre barak ona. Bainhira Kristu mai, Nia la halo milagre liu fali Ema ida nee. Loos, ka lae?”

João 9:16

Ema Farizeu balu dehan, “Ema Ida kura o nee, laos hosi Nai Maromak, tanba Nia kontra ona lei kona ba loron Sabadu.” Iha balu tan dehan, “Oinsaa ema nebee halo sala bele halo milagre nunee?” Entaun sira ho sira haksesuk too fahe malu.

2 Korintu 3:18

Agora ita hotu nia oin la taka ona, ema bele haree Nai nia naroman nabilan iha ita. Tanba Maromak nia Espiritu transforma ita nia aan too ita sai hanesan ita nia Nai. Nunee Nia halo naroman nee nabilan ba bebeik iha ita nia aan.

2 Korintu 4:17

Terus nebee ami hetan agora dadauk nee hanesan buat kamaan ida nebee la kleur sei hotu. Liu hosi terus nee, ami sei moris iha naroman nabilan nian too tinan ba tinan. Kompara ho ida nee, ami nia terus agora nee buat kiik ida.

2 Korintu 4:6

Tanba Maromak rasik dehan, “Tenki iha naroman hodi leno iha nakukun laran.” Agora mos Maromak foo Nia naroman hodi leno ita nia laran. Nunee ita bele hatene katak Maromak nee makaas teb-tebes, tanba ita haree naroman nabilan nian iha Kristu nia oin.

1 João 5:13

Hau hakerek surat nee ba imi nebee fiar ba Maromak nia Oan, para imi bele hatene katak, imi sei moris hamutuk ho Nai Maromak tinan ba tinan nafatin.