João 19:9 - Biblia Tetun Dili

⁹ I nia tama fila fali ba soldadu sira nia fatin, hodi husu ba Jesus, “O ema nebee?” Maibee Jesus la hataan buat ida ba nia.

João 19:9 Iomraidhean Croise

Mateus 26:63

Maibee Jesus nonook deit. I nai lulik boot dehan, “Hodi Maromak nebee Moris nia naran, hau husu para O hataan ho loloos. O mak Kristu, Nai Maromak nia Oan nebee Nia promete ona hori uluk atu haruka mai nee ka?”

Mateus 27:27

Hotu tiha governador nia soldadu sira lori Jesus ba iha forsa sira nia kuartel. Iha nebaa, sira bolu sira nia kolega soldadu sira hotu mai haleu Nia.

Lucas 23:9

Entaun Erodes husu pergunta oi-oin ba Jesus, maibee Nia la hataan liafuan ida.

João 18:28

Iha dadeer-saan nakukun sira lori Jesus hosi Kaifas nia uma ba governador nia palasiu iha tropas Roma sira nia kuartel prinsipal. Ema Judeu sira rasik la tama baa iha ema Roma sira nia kuartel, para sira la bele sai foer tuir sira nia kostumi relijiaun, tanba sira atu baa haan iha festa Paskua.

João 18:33

Depois governador tama fila fali ba tropas sira nia fatin. I nia bolu Jesus hodi husu, “Oinsaa? O mak ema Judeu sira nia liurai, ka?”

João 18:34

Jesus husu fali ba nia, “Senhor rasik mak hakarak husu nunee, ka iha ema ruma mak foo hatene ba ita kona ba Hau?”

João 18:37

Governador husu fali, “Entaun, o Liurai, ka?” Jesus hataan, “Senhor rasik mak dehan Hau Liurai. Loloos nee, Hau moris para sai Liurai. Hau mai iha mundu nee para sai Liurai, hodi foo hatene kona ba buat nebee loos. Ema hotu nebee kaer metin lia loos, sira rona Hau.”

João 19:10

Entaun governador hirus Nia dehan, “Nusaa mak O lakohi koalia ho hau? O hatene, ka lae? Hau iha kbiit ba hasai o no iha kbiit mos ba hedi o iha ai krus.”

João 19:8

Bainhira governador rona sira nia koalia, nia tauk liu tan.

João 8:14

Jesus hataan, “Maski Hau foo sasin ba Hau nia aan rasik, maibee Hau nia sasin nee, loos. Hau rasik mak hatene Hau mai hosi nebee, i atu baa nebee. Imi la hatene Hau mai hosi nebee i atu baa nebee.

Filipi 1:28

Bainhira ema kontra imi, la bele tauk sira. Imi nia brani nee hatudu ba sira katak, Nai Maromak rasik sei salva imi i sei halo lakon tiha sira.