João 19:6 - Biblia Tetun Dili

⁶ Bainhira nain lulik nia xefi sira ho ema seguransa sira haree Jesus, sira hakilar rame-rame dehan, “Oho tiha Nia! Hedi tiha Nia ba ai krus!” Maibee governador dehan ba sira, “Imi deit mak lori Nia ba hedi iha ai krus. Tanba hau la hetan Nia sala ida nebee Nia tenki simu kastigu mate.”

João 19:6 Iomraidhean Croise

Mateus 26:58

Pedro lao tutuir Jesus hosi dook deit, too tama ba iha nai lulik boot nia kintal laran. Nia tuur hamutuk ho nai lulik boot nia soldadu sira, atu hatene tuir saida mak sei akontese ba Jesus.

Mateus 27:22

Rona nunee Pilatus husu ba sira, “Se nunee, imi hakarak halo saida ba Jesus nebee ema bolu Kristu nee?” Sira hotu hataan hakilar, “Prega tiha Nia ba krus!”

Mateus 27:24

Pilatus haree katak ema barak nee atu halo rungu-ranga, i nia la bele halo buat ida. Entaun nia foti bee hodi fasi nia liman iha ema barak nee nia oin dehan, “Hau la sala kontra Ema nee. Ida nee imi mak lori todan rasik.”

Lucas 23:4

Depois Pilatus foo sai nia desizaun ba nai lulik nia xefi sira ho ema lubuk boot nee, dehan, “Hau la hetan Ema nee nia sala ida atu bele kastigu Nia.”

João 18:31

Governador dehan ba sira, “Nunee deit, imi mak tesi Nia lia baa, tuir ema Judeu nia lei.” Entaun ema Judeu nia boot sira foo hatene dehan, “La bele, senhor. Ami ema Judeu la iha direitu tan atu desidi kastigu mate. Nee so imi estadu Roma deit mak iha direitu nunee.”

João 19:15

Maibee sira hakilar makaas dehan, “Lori Nia sai hosi nee! Oho tiha Nia! Hedi tiha Nia ba ai krus!” Entaun governador husu ba sira, “Oinsaa? Imi nia hakarak nee hau tenki oho tiha imi nia liurai nee, ka?” I nai lulik nia xefi sira hataan, “Ami nia liurai ida deit, mak Cesar! La iha tan seluk!”

João 19:4

Liu tiha nee, governador sai ba liur dala ida tan, hodi hatete ba ema barak nee dehan, “Hau lori Nia mai foo ba imi. Imi tenki hatene, hau litik ona Nia, maibee hau la hetan sala ida iha Nia.”

Apostolu sira nia Istoria 2:23

Maibee imi oho tiha Nia; imi tau lia ba ema aat sira hodi prega Nia ba krus too mate. Nee tenki sai nunee duni, hodi kumpri Nai Maromak nia planu hori uluk kedas.

Apostolu sira nia Istoria 7:52

Imi nia bei-ala sira sempre halo terus Nai Maromak nia profeta sira. Imi dehan took, profeta ida nebee mak sira la halo terus? La iha! Sira oho tiha profeta sira nebee foo sai dehan Ema Moris Loos atu mai. Too Ema nee mai mos, imi rasik faan ho oho tiha nia.