João 19:4 - Biblia Tetun Dili

⁴ Liu tiha nee, governador sai ba liur dala ida tan, hodi hatete ba ema barak nee dehan, “Hau lori Nia mai foo ba imi. Imi tenki hatene, hau litik ona Nia, maibee hau la hetan sala ida iha Nia.”

João 19:4 Iomraidhean Croise

Mateus 27:19

Bainhira Pilatus tuur iha kadeira juiz nian atu tesi Jesus nia lia, nia feen haruka lia menon dehan, “La bele envolve iha Ema nee nia problema, tanba Ema nee la sala ida. Horikalan hau mehi kona ba Nia nebee halo hau terus loos.”

Mateus 27:24

Pilatus haree katak ema barak nee atu halo rungu-ranga, i nia la bele halo buat ida. Entaun nia foti bee hodi fasi nia liman iha ema barak nee nia oin dehan, “Hau la sala kontra Ema nee. Ida nee imi mak lori todan rasik.”

Mateus 27:4

Nia hatete, “Hau halo sala ona! Hau faan Ema ida nebee la iha sala ba ema oho.” Maibee sira hataan, “Ami la interese. Nee o nia problema.”

Mateus 27:54

Bainhira komandante Roma ho soldadu sira nebee hein Jesus nee haree rai nakdoko ho buat seluk nebee akontese, sira tauk teb-tebes hodi dehan, “Loos duni! Ema nee Maromak nia Oan.”

Lucas 23:4

Depois Pilatus foo sai nia desizaun ba nai lulik nia xefi sira ho ema lubuk boot nee, dehan, “Hau la hetan Ema nee nia sala ida atu bele kastigu Nia.”

Lucas 23:41

Ita nain rua merese duni simu kastigu nee, tanba ita nia hahalok aat. Maibee Ema nee la halo sala buat ida.”

Lucas 23:47

Komandante Roma haree buat nebee mak akontese, i nia hahii Nai Maromak dehan, “Tebes duni! Ema nee Ema ida ke moris loos.”

João 18:33

Depois governador tama fila fali ba tropas sira nia fatin. I nia bolu Jesus hodi husu, “Oinsaa? O mak ema Judeu sira nia liurai, ka?”

João 19:6

Bainhira nain lulik nia xefi sira ho ema seguransa sira haree Jesus, sira hakilar rame-rame dehan, “Oho tiha Nia! Hedi tiha Nia ba ai krus!” Maibee governador dehan ba sira, “Imi deit mak lori Nia ba hedi iha ai krus. Tanba hau la hetan Nia sala ida nebee Nia tenki simu kastigu mate.”

2 Korintu 5:21

Kristu rasik nunka iha sala. Maibee Maromak halo Nia lori ita nia sala hotu, atu ita nebee laran ida ho Kristu, Maromak deklara katak ita moris loos ona.

Ebreu 7:26

Jesus nee Nai-Lulik Boot nebee mak diak liu. Ita presiza teb-tebes nai-lulik ida hanesan nee, tanba Nia ema ida nebee santu, la iha sala, buat aat ida mos la iha. Maromak haketak ona Nia hosi ema sala nain sira hodi foti Nia ba iha fatin aas liu iha lalehan.

1 Pedro 1:19

Maibee Nia selu ho Nia raan rasik. Nia raan nee folin karun teb-tebes! Kristu mate hanesan bibi malae oan nebee ema oho hodi halo sakrifisiu ba Nai Maromak. Nia sai sakrifisiu ida ke moos loos, sala ida mos la iha.

1 Pedro 2:22

Iha Livru Sagradu hakerek nunee: “Nia nunka halo sala. Liafuan bosok nunka sai hosi Nia ibun.”

1 Pedro 3:18

Kristu mate dala ida deit ba ita nia sala hotu. Nia nebee moris loos mate ba sala nain sira para lori ita ba Nai Maromak. Nudar ema nebee iha isin ho raan, ema oho tiha Nia, maibee Maromak nia Espiritu halo moris fali Nia.

1 João 3:5

Imi hatene katak Jesus Kristu mai para hamoos ita ema nia sala, i Nia rasik la iha sala ida.