João 17:8 - Biblia Tetun Dili

⁸ Hau hanorin ona ba sira Liafuan hotu nebee Aman foo hatene mai Hau. Sira mos simu Liafuan sira nee. Sira mos hatene dehan, Hau mai hosi Aman. I sira fiar dehan, Aman mak haruka Hau mai.

João 17:8 Iomraidhean Croise

Mateus 13:11

Jesus hataan, “Uluk ema seidauk hatene, oinsaa mak Maromak ukun nudar Liurai. Agora Hau foo sai segredu Reinu lalehan nian ba imi, maibee ba ema sira nee lae.

João 12:49

Tanba Hau la koalia lori Hau nia naran rasik. Maibee Hau koalia lori Hau nia Aman iha lalehan nia naran. Tan Nia mak haruka Hau mai, i Nia mak foo orden ba Hau, nunee Hau tenki koalia.

João 14:10

Nee oinsaa? Bainhira Hau dehan Hau laran ida ho Aman, i Aman mos laran ida ho Hau, o fiar mai Hau, ka lae? Liafuan sira nebee Hau koalia ba imi nee, laos hosi Hau rasik, maibee mai hosi Hau nia Aman. Nia uza Hau hodi halao nafatin Nia serbisu.

João 15:15

Hau lakohi bolu tan imi, Hau nia ‘atan.’ Tanba atan la komprende didiak nia patraun nia hakarak. Maibee Hau bolu imi, Hau nia ‘belun’, tanba Hau foo hatene momoos ba imi buat hotu nebee Hau nia Aman foo hatene ona mai Hau.

João 16:27

Hau nia Aman hadomi imi, tanba imi hadomi Hau. I imi mos fiar dehan, Maromak mak haruka Hau mai.

João 16:30

Ami fiar ona Ita Boot hatene buat hotu-hotu. Ema la presiza husu saida-saida ba Ita Boot ona, tanba Ita Boot hatene uluk tiha ona saida mak sira atu husu, no nia resposta oinsaa. Nee hatudu mai ami katak, Ita Boot mai hosi Nai Maromak.”

João 17:14

Hau hatoo ona Aman nia Liafuan ba sira. Ema seluk iha mundu nee odi Hau nia ema, tanba Hau nia ema sira nee moris la hanesan sira. Hau mos nunee, Hau la hanesan ho ema iha mundu nee.

João 17:18

Aman mak haruka Hau mai iha mundu nee. I Hau mos haruka sira nunee, para sira moris namkari iha ema sira iha mundu nee nia leet.

João 17:21

Aman, Hau husu para sira hotu sai neon ida laran ida, hanesan mos Aman ho Hau iha neon ida laran ida. Hau mos hakarak para sira metin nafatin ho Ita, nunee ema seluk iha mundu nee bele fiar dehan, Aman mak haruka Hau mai.

João 17:23

Hau hamutuk ho sira hanesan Ita Boot hamutuk ho Hau. Sira tenki moris laran ida. Se sira moris laran ida hanesan nee, ema seluk iha mundu nee sei hatene dehan, Aman hadomi sira hanesan Aman hadomi Hau. Nunee sira mos hatene dehan, Aman mak haruka Hau mai.

João 17:3

Dalan hodi hetan moris loloos nebee rohan laek mak nee: Ema tenki konhese Aman, nudar Nai Maromak nebee loos. La iha tan seluk ida. Sira mos tenki konhese Hau, Jesus Kristu, nebee Aman haruka ona mai iha mundu nee.

João 3:17

Tanba Maromak haruka Hau, Nia Oan mai iha mundu nee, laos para kastigu ema, maibee Nia haruka Hau mai hodi salva ema sala nain.

João 3:33

Se ema fiar no simu saida mak Ema hosi lalehan nee foo sai, nee hatudu katak Maromak nee loos.

João 6:68

Maibee Simão Pedro hataan, “Senhor! Ami atu baa tan iha see? La iha ema seluk mak bele foo hatene mai ami oinsaa ami bele hetan moris rohan laek nee. So Ita Boot mesak deit!

João 8:42

Jesus hatete ba sira dehan, “Se Nai Maromak mak imi nia Aman duni, maka imi tenki hadomi Hau. Tanba Hau mai hosi Nia, i Hau agora iha nee. Hau la mai tuir Hau nia hakarak rasik. Maibee Hau mai, tanba Nia mak haruka Hau mai.

1 Korintu 11:23

Hanorin tuir mai hau simu hosi Nai Jesus rasik, i hau mos foo tutan tiha ona ba imi. Iha kalan ikus, molok ema atu faan Nai Jesus ba Nia inimigu, Nia foti paun

1 Korintu 15:1

Maun-alin sira, agora hau hakarak foo hanoin fila fali ba imi kona ba Novidade Diak. Uluk hau foo sai tiha ona ba imi, imi mos simu ho diak, i imi hamriik metin nafatin too agora.

1 Tesalonika 2:13

Iha tan buat ida nebee halo ami sempre agradese ba Nai Maromak. Bainhira ami foo sai Maromak nia liafuan ba imi, imi rona i simu liafuan nee, laos nudar ema nia liafuan, maibee nudar Nai Maromak nia liafuan. Liafuan nee mak halo serbisu iha imi sarani sira nia moris hodi halo imi tuir Maromak nia hakarak.

1 Tesalonika 4:1

Maun-alin sira, ami husu ba imi atu moris halo haksolok Nai Maromak, tuir ami hanorin ona ba imi. Loos, imi moris tuir ona nunee, maibee tanba ita Nai Jesus nia ema, ami husu atu imi hakaas aan liu tan.

1 João 4:14

Ami rasik haree ona Maromak nia Oan, i ami foo sasin katak, Nai Maromak haruka Nia Oan mai para salva ema iha mundu nee.

Apokalipse 1:1

Iha livru nee hakerek kona ba buat nebee mak la kleur tan sei akontese. Nai Maromak foo hatene ona buat sira nee ba Jesus Kristu para foo sai ba ema sira nebee serbii Nai Maromak. Tuir mai, Jesus Kristu haruka Nia anju ida foo tutan mai hau, João, Maromak nia atan.