João 17:5 - Biblia Tetun Dili

⁵ Molok Ita halo mundu nee, Hau hamutuk ho Aman. Tempu nebaa, Hau nia naroman-nabilan hanesan ho Aman nia naroman-nabilan. Agora Hau atu fila ba Aman. Nunee Hau husu para Aman foti aas Hau, para Hau nia naroman-nabilan fila fali hanesan uluk.”

João 17:5 Iomraidhean Croise

Mateus 25:34

Nudar Liurai, Hau sei hatete ba ema sira nebee iha Hau nia sorin loos nee dehan, ‘Imi sira nebee mak Hau nia Aman foo bensaun, mai tama ona ba imi nia fatin iha reinu lalehan. Fatin nee prepara nanis tiha ona ba imi bainhira Maromak halo mundu nee.

João 1:18

La iha ema ida mak bele haree Nai Maromak. Maibee Nia Oan mane mesak, nebee Nia hadomi, mak hatudu Nia laran mai ita. Oan nee, iha Aman nia sorin. Tan Nia mos, Nai Maromak.

João 10:30

Hau ho Hau nia Aman, Ami ida deit.”

João 14:9

Jesus foo hatene ba nia dehan, “Filipe, Hau hamutuk ho o kleur ona, maibee o seidauk konhese Hau didiak, ka? Tanba ema nebee haree Hau, nia haree mos Hau nia Aman. Nusaa mak o husu dehan, ‘Hatudu Ita Boot nia Aman mai ami’?

João 17:1

Jesus koalia tiha hotu nunee, Nia hateke ba loro leten, hodi halo orasaun dehan: “Aman Doben, Hau nia tempu too ona para Aman foti aas Hau. Hau Ita Boot nia Oan. Aman foo ona direitu no kbiit mai Hau hodi ukun ema hotu-hotu iha mundu nee. Aman foo kbiit nee para Hau bele foo moris rohan laek ba ema hotu nebee Aman foo ona mai Hau. Nunee, Hau husu Aman foti aas Hau, para Hau bele hatudu Aman nia naroman-nabilan.

João 17:24

Aman, Hau hakarak para ema hotu nebee Aman foo ona mai Hau, hamutuk ho Hau. Tan Hau hakarak atu sira haree Hau nia Aman foti aas Hau. Aman hadomi ona Hau, molok Ita halo mundu nee.

João 3:13

La iha ema ida mak baa hasoru Maromak iha lalehan. So Hau deit, Ema Oan, nebee tuun mai hosi Nia.

João 8:58

Jesus hataan, “Loos! Molok Abraão iha, Hau iha tiha ona.”

Filipi 2:6

Nia Maromak. Maski nunee Nia prontu husik Nia pozisaun nudar Maromak.

Ebreu 1:10

Nai Maromak mos dehan ba Nia Oan nunee: “Nai, hori uluk liu O halo mundu nee, lalehan nee O nia liman fatin.

Ebreu 1:3

Maromak nia Oan hanesan loloos Maromak, Nia hatudu sai Maromak nia kbiit ho naroman nabilan nian, i Nia liafuan iha kbiit boot. Ho Nia liafuan nee Nia tane nafatin buat hotu-hotu iha lalehan ho iha rai. Nia mak loke dalan para Maromak bele hamoos ema nia sala. Hotu tiha Nia sae ba lalehan hodi tuur iha Maromak Aas Liu nia sorin kuana.

1 Pedro 1:20

Uluk liu, molok Nai Maromak halo mundu nee, Nia hili tiha ona Kristu atu selu kotu imi. Agora, mundu besik atu remata ona, foin Nai Maromak haruka Kristu mai para tulun imi.

1 Pedro 1:21

Liu hosi Kristu mak imi fiar ba Nai Maromak. Tanba Maromak halo moris fali ona Kristu hosi mate hodi foti aas Nia, atu ita fiar ba Nia, i laran metin ba Nia promesa.

1 João 1:2

Bainhira Ida nebee foo Moris nee mosu iha ami nia leet, ami haree Nia. Nee mak ami foo sasin kona ba Nia, i ami foo sai ba imi katak, Nia mak foo moris rohan-laek. Nia hamutuk ho Nia Aman Maromak hori uluk kedas, maibee agora Nia hatudu ona Nia Aan ba ami.

Apokalipse 13:8

Ema hotu-hotu iha mundu nee sei adora animal siak nee. So ema nebee naran hakerek ona iha lista nebee hakerek iha Livru ema moris rohan-laek nian mak la adora animal nee. Livru nee Maromak hakerek nanis ona molok Nia halo mundu. Livru nee Bibi Oan nian, Ida nebee mak ema oho.

Apokalipse 3:21

See mak manaan, Hau sei foo direitu ba nia para tuur ukun hamutuk ho Hau, hanesan mos Hau manaan tiha ona, i agora Hau tuur ukun hamutuk ho Hau nia Aman.