João 17:4 - Biblia Tetun Dili

⁴ Hau foti aas Aman iha mundu nee, liu hosi hatudu ona Aman nia naroman-nabilan. Hau halo remata ona serbisu nebee Aman foo mai Hau.

João 17:4 Iomraidhean Croise

Lucas 22:37

Tanba ema judeu sira konsidera Hau hanesan ema nebee halo krimi ka ema aat. La kleur tan sira sei mai kaer Hau. Nee tuir saida maka profeta Isaias hakerek ona. Agora sei sai duni. Buat nebee hakerek kona ba Hau nee besik kumpri ona."

João 12:28

Nunee, Hau husu hanesan nee: ‘Hau nia Aman, Hau tuir deit Aman nia hakarak, para ema hotu-hotu foti aas Aman nia naran.’ ” Iha lian ida mai hosi lalehan dehan, “Hau foti aas ona Hau nia naran. I Hau atu foti aas fali tan.”

João 14:13

Imi nebee hamutuk ho Hau iha direitu husu hodi Hau nia naran. Nunee, bainhira imi halo orasaun hodi husu saida deit, lori Hau nia naran, Hau sei foo ba imi. Ho nunee, Hau foti aas Hau nia Aman, para ema hotu bele konhese Nia.

João 14:31

Husik nia mai baa, maibee Hau serbisu nafatin hodi halo tuir Hau nia Aman nia hakarak. Nee hodi hatudu ba ema iha mundu nee katak, Hau hadomi teb-tebes Hau nia Aman. Mai ita baa ona!”

João 15:10

Se imi halo tuir Hau nia ukun-fuan sira, entaun imi metin nafatin ho Hau, nunee Hau bele hatudu Hau nia domin nafatin ba imi. Nee hanesan Hau halo tuir Hau nia Aman nia ukun-fuan, para Nia hatudu nia domin nafatin mai Hau.

João 19:28

Liu tiha nee, Jesus hatene ona dehan, Nia halo remata ona Nia serbisu hotu. Nee hodi kumpri saida mak hakerek ona iha Maromak nia Sagrada Eskritura. Nia dehan, “Hau hamrook.”

João 19:30

Bainhira Jesus koko hemu tua siin nee, Nia dehan, “Hotu ona!” Depois, Nia hakruuk, Nia iis mos kotu.

João 4:34

Maibee Jesus hatete, “Nai Maromak haruka Hau mai hodi halo tuir Nia hakarak, no halao Nia serbisu too remata. Ida nee mak hanesan hahaan ba Hau.

João 5:36

Tuir loloos, iha Ema ida boot liu João nebee foo sasin kona ba Hau. Nia mak Hau nia Aman iha lalehan, nebee foo knaar hotu mai Hau, para Hau halao too remata. Serbisu sira nee mak hatudu katak, Aman mak haruka Hau mai.

João 9:3

Jesus hataan, “Ema matan delek nee la halo sala. I nia inan-aman sira mos la halo sala. Nia moris mai nunee kedas, para ema bele haree Maromak nia podeer boot ba nia.

Apostolu sira nia Istoria 20:24

Nai Jesus mak tau serbisu nee iha hau nia kabaas, atu hau baa foo sai Nai Maromak nia Novidade Diak kona ba Nia grasa ho Nia domin mai ita. Se karik hau la tuir Nia hakarak, i la halo remata Nia serbisu nee, hau senti hau nia moris nee la iha folin ida.

2 Timóteo 4:7

Hau remata jogu hotu ho diak. Hau halai taru too iha rohan. Hau kaer metin hau nia fiar ba Jesus Kristu too hau nia iis kotu.