João 17:3 - Biblia Tetun Dili

³ Dalan hodi hetan moris loloos nebee rohan laek mak nee: Ema tenki konhese Aman, nudar Nai Maromak nebee loos. La iha tan seluk ida. Sira mos tenki konhese Hau, Jesus Kristu, nebee Aman haruka ona mai iha mundu nee.

João 17:3 Iomraidhean Croise

Marcos 9:37

“See mak tuir Hau, nia tenki serbii ema kiik, hanesan labarik oan nee. Bainhira halo hanesan nee, nia mos serbii Hau. I see mak serbii Hau, nia serbii mos Nai Maromak, ida nebee haruka Hau mai iha mundu nee.”

Lucas 9:48

Nia hatete ba sira, “See mak simu labarik nee hodi Hau nia naran, nia simu Hau. I see mak simu Hau, nia simu mos Ida nebee haruka Hau mai. Ema nebee haraik aan nudar ema kiik, nia mak boot liu iha Maromak nia futar oin.”

João 10:36

Entaun oinsaa mak imi dehan fali Hau hatete aat Maromak, tanba deit Hau dehan Hau nee, Maromak nia Oan? Nee la tama iha kakutak. Tan Aman iha lalehan mak hili Hau, no haruka Hau mai iha mundu nee.

João 11:42

Hau hatene kedas hori uluk dehan, Ita Boot sempre rona Hau. Agora Hau koalia nunee, para ema sira nebee hamriik iha nee, hatene katak, Ita Boot mak haruka Hau mai.”

João 14:26

Tuir mai, Hau nia Aman sei haruka Tulun-Nain ida mai. Nia nee mak Espiritu Santu. Nia mai lori Hau nia naran. Nia serbisu mak: hanorin buat hotu ba imi, i foo hanoin ba imi buat hotu nebee Hau foo hatene ona ba imi.

João 17:18

Aman mak haruka Hau mai iha mundu nee. I Hau mos haruka sira nunee, para sira moris namkari iha ema sira iha mundu nee nia leet.

João 17:21

Aman, Hau husu para sira hotu sai neon ida laran ida, hanesan mos Aman ho Hau iha neon ida laran ida. Hau mos hakarak para sira metin nafatin ho Ita, nunee ema seluk iha mundu nee bele fiar dehan, Aman mak haruka Hau mai.

João 17:23

Hau hamutuk ho sira hanesan Ita Boot hamutuk ho Hau. Sira tenki moris laran ida. Se sira moris laran ida hanesan nee, ema seluk iha mundu nee sei hatene dehan, Aman hadomi sira hanesan Aman hadomi Hau. Nunee sira mos hatene dehan, Aman mak haruka Hau mai.

João 17:25

Aman nebee laran moos, ema iha mundu nee la konhese Ita Boot, maibee Hau konhese. Hau nia ema sira mos hatene katak, Aman mak haruka Hau mai iha mundu nee.

João 17:8

Hau hanorin ona ba sira Liafuan hotu nebee Aman foo hatene mai Hau. Sira mos simu Liafuan sira nee. Sira mos hatene dehan, Hau mai hosi Aman. I sira fiar dehan, Aman mak haruka Hau mai.

João 3:17

Tanba Maromak haruka Hau, Nia Oan mai iha mundu nee, laos para kastigu ema, maibee Nia haruka Hau mai hodi salva ema sala nain.

João 3:34

Ema ida nebee Maromak haruka mai nee, hatoo Nai Maromak nia lia menon. Tanba Maromak foo ona Nia Espiritu ba Nia la sukat.

João 5:44

Imi ho imi gosta gaba malu. Maibee imi la interese se Nai Maromak gaba imi, ka lae. Afinal Nia nee, Nai. La iha tan seluk. Nunee, se imi la interese Nia, oinsaa imi bele fiar ba Nia?

João 6:57

Aman iha lalehan, nebee moris hela, haruka Hau mai. Hau mos hetan moris hosi Nia. Nee mak ema nebee haan Hau nia isin, nia mos sei simu moris loloos hosi Hau.

João 7:29

Maibee Hau konhese Nia, tan Hau mai hosi Nia, no Nia mak haruka Hau mai.”

João 8:19

Sira husu, “O nia Aman iha nebee?” Jesus hataan, “Imi la konhese Hau, entaun imi mos la konhese Hau nia Aman. Tanba se imi konhese duni Hau, imi mos konhese Hau nia Aman.”

1 Korintu 15:34

Imi tenki hanoin fila fali ba buat nebee loos, i la bele halo sala tan! Tuir loloos imi tenki moe, tanba imi balu matan tomak hela kona ba Maromak.

1 Korintu 8:4

Agora, kona ba naan nebee ema hamulak ona ba lulik: Ita hotu hatene katak, lulik nebee ema adora iha mundu nee la vale buat ida. Tanba Maromak nee ida deit, la iha tan Maromak seluk.

2 Korintu 4:6

Tanba Maromak rasik dehan, “Tenki iha naroman hodi leno iha nakukun laran.” Agora mos Maromak foo Nia naroman hodi leno ita nia laran. Nunee ita bele hatene katak Maromak nee makaas teb-tebes, tanba ita haree naroman nabilan nian iha Kristu nia oin.

Filipi 3:10

Hau hakarak konhese Kristu liu tan. Hau hakarak para Maromak serbisu iha hau nia laran ho kbiit ida nebee Nia uza hodi halo Kristu moris fali hosi mate. Hau hakarak halo parte iha Kristu nia terus. Kona ba mate mos, hau hakarak sai hanesan Nia.

Filipi 3:8

Ida nebee hau konsidera folin boot liu mak nee: Hau bele konhese Kristu Jesus hau nia Nai. Buat sira seluk, hau husik tiha ona, i konsidera hanesan lixu deit, para hau bele besik liu Kristu,

1 Tesalonika 1:9

Tanba ema sira nee rasik konta dehan, uluk imi simu ami ho laran tomak. Imi husik tiha hotu imi nia lulik sira hodi serbii ho adora Maromak nebee loos i moris.

2 Tesalonika 1:8

Sira sei tuun mai ho ahi lakan boot. I Jesus sei fakar Nia hirus ba ema sira nebee lakohi hatene Nai Maromak i lakohi halo tuir Nai Jesus Kristu nia Novidade Diak.

Ebreu 3:1

Maun-alin sira, Maromak hili ona imi atu moris ho laran moos, i hili mos imi atu tama iha lalehan. Imi tenki hanoin klean kona ba Jesus. Ita rekonhese ona katak Nia mak Ida nebee Nai Maromak haruka, i Nia mak ita nia nai-lulik boot.

2 Pedro 1:2

Loron ba loron Nai hatudu Nia laran diak ba imi i foo paz ho hakmatek ba imi. Imi sei simu buat sira nee tanba imi konhese ona Nai Maromak i konhese mos ita nia Nai Jesus.

2 Pedro 1:3

Ita konhese ona Nai Maromak. Tanba nee, hosi Nia kbiit rasik Nia foo mai ita saida deit mak ita presiza atu ita bele moris loos tuir Nia hakarak. Nia mos bolu ona ita sai Nia ema, tanba Nia mak Maromak forsa teb-tebes i diak duni.

2 Pedro 1:8

Se hahalok diak sira nee hotu buras ba bebeik iha imi nia moris, entaun imi sei konhese diak liu tan ita nia Nai Jesus Kristu, i imi nia moris iha folin i la saugati.

1 João 1:2

Bainhira Ida nebee foo Moris nee mosu iha ami nia leet, ami haree Nia. Nee mak ami foo sasin kona ba Nia, i ami foo sai ba imi katak, Nia mak foo moris rohan-laek. Nia hamutuk ho Nia Aman Maromak hori uluk kedas, maibee agora Nia hatudu ona Nia Aan ba ami.

1 João 1:3

Saida mak ami haree i rona rasik, ida nee mak ami foo sai ba imi, para imi bele sai laran ida ho ami, i nunee ita hotu hamutuk laran ida ho Aman Maromak no ho Nia Oan Jesus Kristu.

1 João 2:23

Ema nebee nega Maromak nia Oan, nia la bele sai laran ida ho Aman Maromak. Maibee ema nebee rekonhese Maromak nia Oan, nia sai laran ida ho Nia Aman.

1 João 4:6

Maibee ami Nai Maromak nia ema. I ema nebee konhese ona Nai Maromak, sira rona ami; ema nebee laos Nai Maromak nia ema, sira lakohi rona ami. Hosi nee ita hatene, Espiritu nebee loos no espiritu nebee bosok.

1 João 5:20

Ita hatene katak Maromak nia Oan mai ona, i Nia loke ona ita nia neon para ita bele konhese Ida nebee mak loos. Ita laran ida ona ho Ida nebee mak loos, ita mos laran ida ho Nia Oan Jesus Kristu. Nia mak Maromak loloos, i Nia mak moris rohan-laek.