João 17:1 - Biblia Tetun Dili

^1-2 Jesus koalia tiha hotu nunee, Nia hateke ba loro leten, hodi halo orasaun dehan: “Aman Doben, Hau nia tempu too ona para Aman foti aas Hau. Hau Ita Boot nia Oan. Aman foo ona direitu no kbiit mai Hau hodi ukun ema hotu-hotu iha mundu nee. Aman foo kbiit nee para Hau bele foo moris rohan laek ba ema hotu nebee Aman foo ona mai Hau. Nunee, Hau husu Aman foti aas Hau, para Hau bele hatudu Aman nia naroman-nabilan.

João 17:1 Iomraidhean Croise

Marcos 14:41

Nee liu tiha, Jesus husik hela sira, hodi baa halo orasaun ba dala tolu. Liu tiha, Nia mai fanu sira. Nia dehan, “Imi sei toba tan ka?! Too ona! Hau Ema Oan. Agora, ema mai kaer Hau, hodi entrega ba ema aat sira nia liman.

Lucas 18:13

Maibee kobrador impostu nee hamriik hosi dook, i la brani foti matan ba leten. Nia hakruuk i baku nia hirus matan, ho laran tristi teb-tebes tanba nia halo ona sala. I nia harohan dehan, ‘Maromak, hau ema sala nain. Hadomi hau baa.’

Lucas 22:53

Afinal loro-loron Hau hamutuk hela ho imi iha area Uma Kreda Boot nian, i imi la kaer Hau. Maibee agora imi nia tempu, no mos agora forsa nakukun nia tempu.”

João 11:4

Bainhira Jesus rona notisia nee, Nia dehan, “Moras nee sei la lori nia ba mate. Nai Maromak hakarak uza moras nee hodi hatudu Nia naroman-nabilan. Nunee atu ema sira foti aas Hau, Maromak nia Oan.”

João 11:41

Entaun ema sira iha nebaa muda tiha fatuk boot nee hosi fatuk kuak. Jesus hateke ba lalehan i dehan, “Aman, Hau agradese ba Ita Boot, tanba Ita Boot rona Hau.

João 12:23

Entaun Jesus foo hatene ba sira dehan, “Hau nia tempu too ona. Nunee Hau tenki mate uluk, foin Nai Maromak foti aas Hau. Loos duni! Ita kompara ho fini musan ida. Se ita kuda batar musan ida, nia tenki rahun uluk iha rai, foin nia moris, hodi foo batar musan barak. Se la hanesan nee, batar nee musan ida nafatin.

João 13:1

Molok loron boot Paskua hahuu, Jesus hatene ona katak, Nia tempu too ona atu Nia husik hela mundu nee, hodi fila fali ba Nia Aman iha lalehan. Maibee Nia hadomi teb-tebes Nia ema sira iha mundu nee, too Nia foo Nia moris tomak ba sira.

João 16:32

La kleur tan, imi hotu sei halai namkari. Imi ida-idak sei halai husik hela Hau, hodi baa subar iha ida-idak nia fatin rasik. Maski nunee, Hau la mesak, tanba Hau nia Aman hamutuk ho Hau.

João 7:30

Entaun sira koko atu kaer Nia. Maibee la iha ema ida mak bele kaer Nia, tan Nia loron seidauk too.

João 7:39

Jesus koalia kona ba Maromak nia Espiritu, tanba ema hotu nebee fiar ba Jesus sei simu Espiritu nee. Maibee bainhira Jesus koalia ida nee, sira seidauk simu Maromak nia Espiritu, tanba Maromak seidauk foo. Maromak seidauk foo tanba Nia seidauk foti aas Jesus.

João 8:20

Buat sira nee hotu, Jesus foo hatene ba sira bainhira Nia hanorin iha Uma Kreda Boot, besik fatin nebee iha kaixa oferta. La iha ema ida kaer Nia, tanba Nia tempu seidauk too.

Apostolu sira nia Istoria 3:13

Lae! Ita nia bei-ala Abraão, Isac ho Jacó́, ho ita nia bei-ala sira hotu, adora Nai Maromak. Nia nee mak kura ema nee hodi foti aas Jesus, ida nebee sempre tuir Maromak nia hakarak. Jesus nee uluk imi entrega tiha ba governador Pilatus. Tuir loloos governador atu hasai Nia, maibee imi mak lakohi.

1 Pedro 1:21

Liu hosi Kristu mak imi fiar ba Nai Maromak. Tanba Maromak halo moris fali ona Kristu hosi mate hodi foti aas Nia, atu ita fiar ba Nia, i laran metin ba Nia promesa.