João 16:3 - Biblia Tetun Dili

³ Sira halo nunee ba imi, tanba sira la konhese Hau, no mos la konhese Hau nia Aman.

João 16:3 Iomraidhean Croise

Lucas 10:22

Depois Jesus dehan ba ema hotu iha nebaa, “Hau nia Aman foo ona kbiit ho matenek hotu-hotu mai Hau. La iha ema ida konhese loloos Hau, so Hau nia Aman deit. I la iha ema ida mak konhese loloos Hau nia Aman, so Nia Oan Hau deit. I Hau mos hili ema seluk hodi hatudu Hau nia Aman ba sira, para sira mos bele konhese Nia.”

João 15:21

Sira sei halo terus imi, tanba imi hamutuk ho Hau. Sira halo nunee, tanba sira la konhese Nia nebee haruka Hau mai.

João 15:23

Ema nebee odi Hau, nia mos odi Hau nia Aman.

João 17:25

Aman nebee laran moos, ema iha mundu nee la konhese Ita Boot, maibee Hau konhese. Hau nia ema sira mos hatene katak, Aman mak haruka Hau mai iha mundu nee.

João 17:3

Dalan hodi hetan moris loloos nebee rohan laek mak nee: Ema tenki konhese Aman, nudar Nai Maromak nebee loos. La iha tan seluk ida. Sira mos tenki konhese Hau, Jesus Kristu, nebee Aman haruka ona mai iha mundu nee.

João 8:19

Sira husu, “O nia Aman iha nebee?” Jesus hataan, “Imi la konhese Hau, entaun imi mos la konhese Hau nia Aman. Tanba se imi konhese duni Hau, imi mos konhese Hau nia Aman.”

João 8:55

Maibee imi la konhese Nia. Hau mak konhese Nia. Se Hau dehan Hau la konhese Nia, Hau bosok-teen hanesan mos imi. Maibee Hau konhese duni Nia, i Hau mos halo tuir Nia Liafuan.

Apostolu sira nia Istoria 3:17

Maun-alin sira, hau hatene katak bainhira imi ho imi nia boot sira halo aat ba Jesus, imi la hatene saida mak imi halo.

1 Korintu 2:8

Nai Jesus nee makaas teb-tebes. Maibee ukun nain sira iha mundu nee, la iha ida mak komprende Maromak nia planu kona ba Nia. Se sira konhese Nia, sira la brani oho ita nia Nai iha krus.

2 Tesalonika 1:8

Sira sei tuun mai ho ahi lakan boot. I Jesus sei fakar Nia hirus ba ema sira nebee lakohi hatene Nai Maromak i lakohi halo tuir Nai Jesus Kristu nia Novidade Diak.

1 Timóteo 1:13

Nia foti hau, maski uluk hau hatete aat Nia i halo terus ema nebee tuir Nia. Jesus la kastigu hau, tanba tempu nebaa hau seidauk fiar ba Nia i la hatene saida mak hau halo.

1 João 2:23

Ema nebee nega Maromak nia Oan, nia la bele sai laran ida ho Aman Maromak. Maibee ema nebee rekonhese Maromak nia Oan, nia sai laran ida ho Nia Aman.

1 João 3:1

Ita nia Aman Maromak nia domin mai ita boot teb-tebes, ita sukat la too! Nia hadomi ita too Nia foti ita sai Nia oan. Ita Nai Maromak nia oan duni. Maibee ema nebee moris tuir mundu nia hakarak, sira la komprende ita nia maneira moris, tanba sira la konhese Maromak.

1 João 4:8

Maibee ema nebee la hadomi ema seluk, nia la konhese Maromak, tanba Nai Maromak mak domin.

1 João 5:20

Ita hatene katak Maromak nia Oan mai ona, i Nia loke ona ita nia neon para ita bele konhese Ida nebee mak loos. Ita laran ida ona ho Ida nebee mak loos, ita mos laran ida ho Nia Oan Jesus Kristu. Nia mak Maromak loloos, i Nia mak moris rohan-laek.