João 16:2 - Biblia Tetun Dili

² Ema Judeu sira sei duni sai imi hosi sira nia uma kreda. I laos nee deit, tempu sei too, bainhira ema oho imi, sira hanoin dehan sira halo diak ba Nai Maromak.

João 16:2 Iomraidhean Croise

Mateus 10:28

La bele tauk ema nebee mak hakarak oho imi, tanba sira so bele oho deit imi nia isin lolon, imi nia klamar sira la bele oho. Diak liu imi tauk ba Maromak, tanba Nia mak iha kbiit hodi oho imi nia isin lolon i soe imi nia klamar ba infernu.

Mateus 24:9

Ema iha nasaun hotu-hotu sei odi imi tanba imi tuir Hau. Sira sei entrega imi ba ema seluk hodi halo terus imi i oho imi.

Lucas 6:22

Bainhira ema odi imi, lakohi simu imi, tarata imi i duun imi dehan imi ema aat, tanba tuir Hau, Ema Oan, imi hetan bensaun.

João 12:42

Maski nunee, ema barak fiar ba Jesus. Laos ema baibain deit, maibee iha mos ema Judeu nia boot sira balu fiar ba Nia. Sira la deklara sira nia fiar ba Jesus iha ema barak nia oin, tanba sira tauk katak ema Farizeu sira bele duni sai sira hosi uma kreda.

João 16:25

Jesus kontinua koalia dehan, “Hau baibain hanorin imi uza komparasaun. Maibee too iha tempu ida Hau hanorin sei la uza ona komparasaun. Tanba Hau sei koalia momoos kona ba Hau nia Aman.

João 16:32

La kleur tan, imi hotu sei halai namkari. Imi ida-idak sei halai husik hela Hau, hodi baa subar iha ida-idak nia fatin rasik. Maski nunee, Hau la mesak, tanba Hau nia Aman hamutuk ho Hau.

João 4:21

Jesus hataan, “Ita fiar ba Hau Nia koalia, tanba Hau koalia loos. Sei too nia tempu, imi adora Maromak iha foho nee, ka iha Jerusalem, fatin rua nee la iha folin tan ona.

João 4:23

Bainhira nia tempu too, agora too tiha ona, ema nebee adora loloos ba Aman Maromak iha lalehan, sira adora Nia tuir Nia Espiritu, i tuir buat nebee loos. Tanba Aman iha lalehan hakarak ema nebee adora Nia hanesan nee.

João 9:22

Sira koalia nunee, tanba sira tauk ema Judeu nia boot sira. Tanba sira hatene dehan, ema boot sira nee kombina ona dehan, “Se iha ema rekonhese dehan, Jesus mak Kristu, ita tenki duni sai tiha ema nee hosi ita nia uma kreda.”

João 9:34

Sira hataan, “O nakonu ho sala hosi o moris mai. Oinsaa mak o hakarak hanorin fali ami?” I sira duni sai tiha nia hosi sira nia uma kreda.

Apostolu sira nia Istoria 5:33

Rona tiha Pedro koalia nunee, lider relijiaun sira hirus teb-tebes too sira hakarak oho apostolu sira.

Apostolu sira nia Istoria 7:56

Nia dehan, “Rona mai! Hau haree lalehan nakloke, i Jesus, Ema Oan, hamriik hela iha Nai Maromak nia liman loos.”

1 Korintu 4:13

Bainhira ema hatete aat ami, ami hataan ho diak. Too agora ema iha mundu nee konsidera ami hanesan buat foer ida, hanesan buat dodok ida nebee ema soe deit, la iha folin.

Filipi 3:6

i la iha ema ida foo sala mai hau. Laos nee deit, iha tempu nebaa hau mos halo terus sarani sira.

Apokalipse 6:9

Tuir mai Bibi Oan loke karimbu fatin numeru lima. I hau haree ema barak nebee uluk ema oho, sira nia klamar iha meza sakrifisiu nia okos. Sira nee ema oho tanba sira foo sai Nai Maromak nia Liafuan ho loloos no sira nia moris sai sasiin diak.