João 15:8 - Biblia Tetun Dili

⁸ Se imi halo buat diak barak, nee hanesan sanak nebee foo fuan barak. Nunee imi foti aas Nai Maromak no hatudu katak imi nee, Hau nia eskolante sira.

João 15:8 Iomraidhean Croise

Mateus 5:16

Imi nia moris mos tenki nunee, imi tenki sai naroman ba ema seluk atu nunee sira bele haree buat diak nebee imi halo. Nunee sira sei hahii imi nia Aman iha lalehan.”

Mateus 5:44

Maibee Hau hatete ba imi, hadomi imi nia inimigu sira, i harohan ba Maromak para tulun ema nebee halo terus imi.

Mateus 9:8

Ema barak haree buat nebee Jesus halo nee. Sira hakfodak no tauk, i sira hahii Maromak tanba Nia foo tiha ona kbiit hanesan nee ba ema.

Lucas 6:35

Maibee tuir loloos hanesan nee: hadomi o nia inimigu sira, i halo diak ba sira. Foo empresta ba sira, i lalika hein atu sira selu fila fali. Ho nunee, o sei hetan premiu boot, i o sei sai Maromak Aas Liu nia oan. Tanba Maromak mos halo diak ba ema aat ho ema nebee la hatene foo obrigadu.

João 13:35

Se imi hadomi malu nunee, ema hotu bele hatene, imi Hau nia eskolante.”

João 15:5

Hau hanesan ai uvas huun ida. Imi hanesan nia sanak. Ema nebee metin nafatin ho Hau, no Hau mos metin ho nia, nia hanesan sanak nebee foo fuan barak. Tanba, se imi la metin nafatin ho Hau, imi la bele halo buat diak ida.

João 8:31

Entaun Jesus hatete ba ema Judeu sira nebee fiar ba Nia nee dehan, “Se imi moris halo tuir nafatin Hau nia Liafuan, i imi aprende hosi Hau, maka imi sai Hau nia eskolante duni.

1 Korintu 10:31

Entaun, atu imi haan ka hemu ka halo saida deit, imi halo buat sira nee hotu hodi foti aas Maromak nia naran.

1 Korintu 6:20

Maromak sosa kotu ona imi ho folin nebee karun. Nee duni imi tenki uza imi nia isin lolon hodi foti aas Maromak.

Filipi 1:11

Ho Jesus Kristu nia tulun, imi sei hatudu hahalok diak iha imi nia moris tomak. Ho nunee, ema sei foti aas Nai Maromak nia naran hodi hahii Nia.

Tito 2:10

i la bele naok nia sasaan. Maibee sira tenki onestu no foo laran ba sira nia patraun. Ho nunee ema seluk nebee haree atan sira nia moris nee, sei foo valor ba ita nia hanorin kona ba Nai Maromak, ita nia Salvador.

Tito 2:5

moris loos no laran moos, badinas hadia uma laran, laran diak, i rona ba sira nia lain. Se sira moris nunee, maka ema la hatete aat Maromak nia liafuan.

1 Pedro 2:12

Imi tenki hakaas aan para moris loos iha ema nebee laos judeu sira nia leet. Nunee, se sira duun matak imi, sira bele haree deit imi nia hahalok diak, i bainhira Jesus fila fali mai hosi lalehan, ema sira nebee laos judeu sira sei foti aas Nai Maromak nia naran.

1 Pedro 4:11

See mak hetan kbiit para koalia, nia tenki koalia liafuan hosi Maromak. I see mak hetan kbiit para serbii ema seluk, nia tenki serbii ho forsa tomak nebee nia hetan hosi Maromak. Se imi halo nunee, ema sei haree katak imi halo buat hotu-hotu tanba Jesus Kristu, i sira sei hahii Nai Maromak. Mai ita foti aas Nia naran too tinan ba tinan. Nia ukun la hotu la remata. Amen.