Biblia Todo Logo
Bìoball air-loidhne

- Sanasan -




João 15:4 - Biblia Tetun Dili

4 Imi tenki metin nafatin ho Hau, hanesan Hau metin ho imi. Sanak nebee tesi sai ona hosi nia huun la foo fuan tan ona. Nunee mos ho imi. Imi la bele halo buat diak ruma, se imi la metin nafatin ho Hau.

Faic an caibideil Dèan lethbhreac




João 15:4
29 Iomraidhean Croise  

Jesus koalia nafatin ba ema Farizeu sira dehan, “Se imi dehan ai huun nebee diak maka sei foo fuan diak. Maibee se imi dehan ai huun nebee la diak maka sei foo fuan la diak. Tanba hosi ai nee nia fuan mak hatudu katak ai huun nee diak ka la diak.


Maibee fini nebee monu iha rai bokur, mak ema nebee moris loos ho laran moos. Bainhira sira rona Maromak nia liafuan, sira rai didiak iha sira nia laran hodi kaer metin nafatin too foo rezultadu diak teb-tebes.”


I bainhira Hau moris fali, imi hatene loos dehan, Hau hamutuk ho Hau nia Aman; imi hamutuk ho Hau; Hau mos hamutuk ho imi.


Hau hamutuk ho sira hanesan Ita Boot hamutuk ho Hau. Sira tenki moris laran ida. Se sira moris laran ida hanesan nee, ema seluk iha mundu nee sei hatene dehan, Aman hadomi sira hanesan Aman hadomi Hau. Nunee sira mos hatene dehan, Aman mak haruka Hau mai.


Nunee ema nebee haan Hau nia isin, no hemu Hau nia raan nee, nia moris kesi metin ho Hau, i Hau mos kesi metin ho nia.


Entaun Jesus hatete ba ema Judeu sira nebee fiar ba Nia nee dehan, “Se imi moris halo tuir nafatin Hau nia Liafuan, i imi aprende hosi Hau, maka imi sai Hau nia eskolante duni.


Iha fatin hirak nee sira koalia ho sarani sira hodi hametin sira nia laran. Sira foo hanoin dehan, “Ita nebee fiar ba Nai Jesus sei hetan terus oi-oin, maibee ita tenki tuir nafatin Jesus, para ita bele moris hamutuk ho Nai Maromak iha nia reinu.”


Imi rasik tenki tetu didiak imi nia aan. Se imi kaer metin duni imi nia fiar, entaun imi sei hatene katak Kristu Jesus hela iha imi nia laran. Se lae, imi fiar ba Kristu ibun tutun deit.


Bele dehan, hanesan hau mate tiha ona iha krus hamutuk ho Kristu. Agora laos hau mak moris tan, maibee Kristu mak moris iha hau. I hau moris iha mundu nee, hau fiar deit ba Nai Maromak nia Oan. Nia hadomi teb-tebes hau, too foo nia Aan ba mate iha hau nia fatin.


Hau harohan atu Jesus Kristu hela metin iha imi nia laran, liu hosi fiar ba Nia. Hau mos halo orasaun para imi metin iha Nia domin hanesan ai huun nebee hamriik metin tanba nia abut tama klean ba rai.


Ho Jesus Kristu nia tulun, imi sei hatudu hahalok diak iha imi nia moris tomak. Ho nunee, ema sei foti aas Nai Maromak nia naran hodi hahii Nia.


Naran katak imi hamriik metin hodi fiar nafatin. Keta nakdoko, maibee laran metin nafatin katak Maromak halo tuir duni buat nebee Nia promete ona iha Nia Novidade Diak. Novidade Diak nee, ema foo sai ona iha fatin-fatin deit iha mundu nee. I hau, Paulo, mos simu knaar para foo sai Novidade nee.


Nia desidi atu hatudu ba sira katak, Nia planu ba imi nebee laos Judeu mos kapaas i boot teb-tebes. Nia planu mak nee: Kristu hela iha imi nia laran. Tanba nee mak imi laran metin katak, aban-bainrua imi sei haksolok ho Maromak nia naroman nabilan iha lalehan.


Imi simu ona Kristu Jesus hanesan imi nia Nai. Tanba nee, imi mos tenki moris laran ida ho Nia nafatin.


Iha tempu nebaa, hau hakarak duni atu hatene, imi sei fiar nafatin ba Jesus ka lae. Nunee bainhira hau la aguenta tan ona, hau haruka Timóteo ba imi hodi buka hatene loloos. Tan hau preokupa, keta halo be Satanás intenta ona imi atu fila kotuk ba Nai Jesus. Se nunee, serbisu boot nebee uluk ami halo nee saugati deit.


Sira nebee husik tiha Maromak, iha ikus sei rahun. Maibee ita lae. Ita nee ema nebee fiar, i hetan salvasaun.


Ema nebee dehan nia laran ida ho Kristu, nia tenki moris hanesan ho Kristu nia moris.


Ema nebee sees ona hosi Kristu nia hanorin, nia la laran ida ona ho Nai Maromak. Maibee ema nebee kaer metin ba Kristu nia hanorin, nia laran ida ho Nai Maromak no ho nia Oan Jesus Kristu.


Lean sinn:

Sanasan


Sanasan