João 15:2 - Biblia Tetun Dili

² Ema nebee dehan nia hamutuk ho Hau, maibee la halo buat ida, Hau nia Aman sei soe tiha nia, hanesan toos nain tesi tiha sanak sira nebee la foo fuan. Maibee ema hotu nebee metin ho Hau, Hau nia Aman sei hamoos foer iha nia laran, hanesan toos nain tesi sai tiha sanak sira nebee la foo fuan para nia foo fuan barak liu.

João 15:2 Iomraidhean Croise

Mateus 13:12

Tanba ema nebee komprende ona, Maromak sei halo nia komprende liu tan. Maibee ema nebee lakohi hatene, buat ituan nebee nia komprende tiha ona mos, Maromak sei hasai tiha hosi nia hanoin.

Mateus 13:33

Jesus halo tan komparasaun seluk dehan, “Maromak nia reinu hanesan fermentu nebee senhora ida kahur ho trigu saka ida hodi halo paun. Iha ikus, fermentu ituan nee halo trigu tomak sae.”

Mateus 15:13

Maibee Jesus hataan ba sira dehan, “Ai horis hotu-hotu nebee laos Hau nia Aman iha lalehan mak kuda, sei fokit sai hotu too nia abut sira.

Mateus 21:19

Nia haree ai figeira huun ida iha dalan ninin, i Nia baa besik ai huun nee hodi buka nia fuan. Maibee la iha, tahan deit mak iha. Haree nunee, Jesus hatete ba ai huun nee dehan, “O sei la foo fuan tan ona!” Derepenti ai nee namlaik tiha.

Mateus 25:29

Tanba ema nebee iha ona, sei simu tan too nakonu resin. Maibee ema nebee la iha, ituan nebee nia iha mos, sei hasai tiha hosi nia.

Mateus 3:10

Maromak hanesan toos nain nebee kaer hela baliu atu tesi ona ai huun too abut. Ai huun hotu-hotu nebee la foo fuan diak, Nia sei tesi tiha hodi soe ba ahi laran.

Mateus 3:12

Nia hanesan natar nain nebee prontu ona atu haketak hare isin ho hare kulit sira nee. Hotu tiha, hare isin Nia sei rai didiak iha armazen, maibee hare kulit nia soe tiha ba ahi ida nebee nunka mate.”

Mateus 7:19

Ai nebee mak la foo fuan diak, sei tesi tiha hodi soe ba ahi.

Marcos 4:20

Maibee fini nebee monu iha rai bokur, hanesan ema nebee rona ona Nai Maromak nia Liafuan, i halo tuir Nai Maromak nia hakarak. Tanba nee, nia sempre halo buat diak deit, hanesan fini nebee foo isin barak. Iha balu foo isin dala tolu-nulu, balu foo dala neen-nulu, too balu tan foo dala atus ida.”

Lucas 8:13

Fini nebee monu iha rai fatuk, mak ema nebee rona Maromak nia liafuan i simu ho haksolok, maibee sira nia abut la tama ba rai. Sira fiar duni, maibee bainhira sira hasoru provasaun ruma, sira husik kedas.

João 15:1

Jesus hatete, “Hau mak hanesan ai uvas nia huun loloos. I Hau nia Aman mak hanesan toos nain.

João 15:16

Laos imi mak hili Hau. Maibee Hau mak hili no foti imi hodi halao serbisu nee. Nunee imi tenki baa halo buat diak barak nebee bele dura. Nee hanesan ai uvas huun ida nebee foo fuan diak nafatin. Se imi halo nunee, imi bele husu saida deit ba Hau nia Aman lori Hau nia naran, i Nia sei foo ba imi.

João 15:3

Hau nia Liafuan nee bele hamoos imi nia laran, hanesan toos nain hamoos ai nia sanak sira.

João 15:6

Ema nebee la metin nafatin ho Hau, nia hanesan sanak nebee la iha folin. Sanak hanesan nee, toos nain tesi soe tiha, para sai ai maran. Depois ema halibur ai maran nee hodi baa sunu tiha.

João 15:8

Se imi halo buat diak barak, nee hanesan sanak nebee foo fuan barak. Nunee imi foti aas Nai Maromak no hatudu katak imi nee, Hau nia eskolante sira.

João 17:12

Bainhira Hau sei hamutuk ho sira iha mundu, Hau mak tau matan ba sira, tanba sira nee Aman ninian. Hau tau matan ba sira didiak para sira bele metin nafatin ho Aman, i ida deit mos la lakon. So Judas deit mak lakon, nee hodi halo tuir saida mak hakerek ona iha Eskritura Sagrada.

Roma 11:17

Ita mos bele kompara ema Judeu ho ai oliveira nebee ema kuda iha toos laran. Maromak tesi sai tiha ona ai nee nia sanak balu. Maibee imi nebee mak laos Judeu, imi hanesan ai oliveira nebee mesak moris nia sanak nebee Maromak tesi hodi ba taka iha ai huun hakiak nee. Nunee imi mak sanak hosi ai huun nebee mesak moris no hetan moris hosi ai huun hakiak nee.

Roma 11:22

Nunee ita haree katak, Maromak laran diak, maibee Nia mos foo kastigu ba ema nebee monu ba sala. Maibee ba imi nebee laos Judeu, Maromak hatudu Nia laran diak, naran katak imi la fila kotuk ba Nia. Se imi fila kotuk ba Nia, mak Nia mos sei tesi sai tiha imi hosi ai huun.

Roma 8:28

Ita hatene katak, ba ita nebee hadomi Maromak, saida mak akontese iha ita nia moris, Maromak uza buat sira nee hotu ba ita nia diak. Maromak bolu ona ita sai Nia ema, tuir Nia planu rasik.

1 Korintu 13:1

Se karik hau bele koalia lian oi-oin, atu ema nia lian ka anju nia lian, maibee hau la iha domin, hau nia liafuan mamuk deit, hanesan tambor nebee tarutu ka sinu nebee lian.

Tito 2:14

Nia foo aan ba mate hodi hasai ita hosi buat aat hotu-hotu, i halo ita laran moos, para sai Nia povu rasik, nebee sempre hakarak halo buat diak.

Ebreu 12:15

Foo korajen ba malu nafatin para la bele iha ema ida hosi imi nia leet dada aan hosi Maromak nia grasa. Kuidadu para imi ida la bele sai hanesan ai abut ida nebee moruk hodi estraga ema nia moris too dada sira tuir fali dalan nebee la loos.

1 João 2:19

Ema sira nebee kontra Kristu nee uluk hamutuk ho ita, maibee agora sees ona hosi ita. Maski sira uluk iha ita nia klaran, sira laos ema nebee fiar duni ba Kristu, nee mak sira lakohi hamutuk ona ho ita. Sira husik tiha ita, nee hatudu katak, sira nee la halo parte ho ita.

Apokalipse 3:19

Ema nebee Hau hadomi, sira nee mak Hau koriji i Hau kastigu. Entaun imi tenki hakaas aan hodi husik ona imi nia sala.