João 15:1 - Biblia Tetun Dili

¹ Jesus hatete, “Hau mak hanesan ai uvas nia huun loloos. I Hau nia Aman mak hanesan toos nain.

João 15:1 Iomraidhean Croise

Mateus 15:13

Maibee Jesus hataan ba sira dehan, “Ai horis hotu-hotu nebee laos Hau nia Aman iha lalehan mak kuda, sei fokit sai hotu too nia abut sira.

Mateus 20:1

“Reinu Lalehan bele kompara hanesan nee: Iha toos nain ida, dadeer-saan nakukun nia baa iha merkadu hodi buka ema atu serbisu iha nia toos uvas.

Mateus 21:33

Jesus hatutan tan komparasaun ida, “Iha toos nain ida kuda uvas iha nia toos. Nia halo lutu haleu tiha toos nee, i halo tanki ida hodi sama uvas. Nia mos harii uma ain aas ida ba seguransa sira hodi hein toos nee. Hotu tiha, nia foo ba ema aluga, depois nia baa hela tiha iha rai liur.

Marcos 12:1

Tuir mai, Jesus koalia tan ho nai-lulik nia ulun, ho mestri relijiaun, ho nai ulun sira. Nia dehan, “Hau konta istoria ida nunee: Iha loron ida, iha ema ida baa lere nia rai hodi kuda ai uvas. I nia halo lutu haleu, no halo tanki ida hodi sama uvas fuan para hasai nia been. I nia halo mos uma oan ida hodi hein. Depois nia foo toos nee ba ema aluga. Sira promete atu fahe uvas been ho toos nain. Depois toos nain nee baa tiha nasaun seluk.

Lucas 13:6

Depois Jesus halo komparasaun ida nunee: “Ema ida iha ai figeira huun ida iha nia toos. Loron ida nia baa haree, ai nee iha fuan ka lae, maibee la iha.

João 1:17

Hori uluk liu, Moisés mak foo Maromak nia lei ba ita nia bei-ala sira. Maibee agora Ema ida nee hatudu Maromak nia grasa no lia loos mai ita hotu, Nia mak Jesus Kristu.

João 1:9

Tan Ema nee mak Naroman loloos, nebee mai iha mundu nee. Naroman nee hatudu momoos buat nebee loos ba ema hotu.

João 15:2

Ema nebee dehan nia hamutuk ho Hau, maibee la halo buat ida, Hau nia Aman sei soe tiha nia, hanesan toos nain tesi tiha sanak sira nebee la foo fuan. Maibee ema hotu nebee metin ho Hau, Hau nia Aman sei hamoos foer iha nia laran, hanesan toos nain tesi sai tiha sanak sira nebee la foo fuan para nia foo fuan barak liu.

João 6:32

Jesus hatete, “Hau foo hatene loloos nunee: Uluk nee, laos Moisés mak hatuun paun sira nee hosi lalehan ba imi nia bei-ala sira. Ida nebee hatuun paun ba sira nee, Hau nia Aman iha lalehan. Agora Nia mos prepara foo paun hosi lalehan ba imi. Maibee paun nee, mak paun nebee loloos.

João 6:55

Tan hahaan nebee loloos, mak Hau nia isin. I bee nebee loloos, mak Hau nia raan.

Roma 11:17

Ita mos bele kompara ema Judeu ho ai oliveira nebee ema kuda iha toos laran. Maromak tesi sai tiha ona ai nee nia sanak balu. Maibee imi nebee mak laos Judeu, imi hanesan ai oliveira nebee mesak moris nia sanak nebee Maromak tesi hodi ba taka iha ai huun hakiak nee. Nunee imi mak sanak hosi ai huun nebee mesak moris no hetan moris hosi ai huun hakiak nee.

1 João 2:8

Maski nunee, iha buat foun nebee hau hakarak hakerek kona ba Maromak nia ukun fuan nee. Ukun-fuan nee Jesus halao ona iha nia moris no ita mos halao iha ita nia moris. Tanba iha ita nia fuan nakukun komesa lakon i naroman mosu ona.