João 13:8 - Biblia Tetun Dili

⁸ Maibee Pedro dehan, “Senhor, la bele nunee! Hau la husik Senhor fasi hau nia ain.” Jesus hataan, “Se Hau la fasi o nia ain, o laos Hau nia ema.”

João 13:8 Iomraidhean Croise

Jenesis 42:38

Maibee Jacó hataan, “La bele! Imi la bele lori Benjamim, tan nia maun José mate tiha ona. Agora Raquel nia oan hela mak nia mesak. Se nia hetan dezastre iha dalan, imi sei halo hau terus liu tan, ho laran susar too mate.”

Mateus 16:22

Rona nunee, Pedro dada tiha Jesus ba sorin hodi siak Nia dehan, “Nai! Husu boot Maromak sei la foo lisensa atu buat nee akontese.”

Mateus 21:29

Nia oan hataan, ‘Hau lakohi baa.’ Maibee too ikus nia arepende i baa duni serbisu iha toos.

Mateus 26:33

Pedro hataan, “Maski sira hotu fiar nakdoko i halai namkari tanba sira haree saida mak akontese ba Ita Boot, hau sei la halai duni.”

Mateus 26:35

Pedro hataan fali, “Maski hau tenki mate hamutuk ho Ita Boot, hau sei la nega Ita Boot.” Eskolante sira seluk mos hatete nunee.

João 13:6

Nia fasi sira ida-idak nia ain. Bainhira too iha Simão Pedro, Pedro husu, “Senhor, Ita Boot mos hakarak fasi Hau nia ain, ka?”

João 13:9

Entaun Simão Pedro hataan, “Se nunee, Ita Boot la bele fasi deit hau nia ain, maibee fasi mos hau nia liman no ulun.”

João 3:5

Jesus hataan, “Nee loos! Maibee Hau dehan ba ita: se ema la moris hosi bee no hosi Espiritu, nia la halo parte iha Maromak nia reinu. Ema tenki moris hosi bee para bele sai moos, i moris hosi Espiritu para sai ema foun. Ho nunee, foin bele sai Nai Maromak nia ema.

Apostolu sira nia Istoria 22:16

Ita hein tan saida?! Hamriik! Baa sarani ona! Nee hanesan sinal katak irmaun husu ba Nai Jesus hamoos ita nia sala hotu.’ ”

1 Korintu 6:11

Afinal uluk imi balu mos hahalok hanesan nee. Maibee agora Maromak hamoos tiha ona imi nia sala, Nia halo imi moris ho laran moos, i Nia simu ona imi. Ita nia Maromak halo buat sira nee hotu liu hosi Nai Jesus Kristu hodi Maromak nia Espiritu nia kbiit.

Efezu 5:26

para halo sira moris ho laran moos. Kristu halo nunee para sira sai moos iha Maromak nia futar oin, tanba sira rona Nia liafuan, nebee hanesan bee hodi fasi halo moos.

Kolose 2:18

Se ema ruma kritika imi tanba imi la tuir regra nebee sira rasik mak halo, lalika rona. Sira hanorin dehan, ita tenki haraik aan hodi adora fali anju. Keta tuir! Se lae imi sei la simu prémiu nebee Nai Maromak promete tiha ona atu foo ba imi. Ema sira nee hatete, vizaun mak hatudu regra nee ba sira, i sira foti aan dehan, sira diak liu ema seluk. Maibee lae. Sira inventa deit tanba sira nia hanoin tuir deit mundu nia hanoin.

Kolose 2:23

Se ema bele tuir regra sira nee, sira hanoin dehan ema respeita no konsidera sira nudar ema matenek, badinas adora Maromak, haraik aan no halo terus nia aan rasik. Afinal lae! Regra sira nee la iha kbiit hodi muda ema nia hanoin aat no fuan-laran nebee hakarak buat aat.

Tito 3:5

Nia salva ita, laos tanba ita nia hahalok diak, maibee tanba Nia hadomi ita. Nia hamoos tiha ona ita nia sala i halo ita moris foun fali, liu hosi nia Espiritu Santu.

Ebreu 10:22

Tanba nee mai ita hakbesik aan ba Nai Maromak ho laran moos i fiar metin ba Nia. Tanba Jesus hamoos tiha ona ita nia laran, too ita la hanoin tan sala nebee uluk ita halo. Nee hanesan Nia fasi ita nia isin lolon hodi bee nebee moos.

Apokalipse 1:5

Jesus hadomi ita, nunee Nia raan fakar too mate para ita bele livre hosi sala.

Apokalipse 7:14

Hau hataan, “Hau la hatene, Senhor. Ita Boot mak hatene.” Katuas nee hatete mai hau, “Sira nee uluk hetan terus boot tanba sira nia fiar. Sira fasi tiha ona sira nia batina ho Bibi Oan nia raan, nee mak sira nia batina sai mutin.