João 13:5 - Biblia Tetun Dili

⁵ I Nia tau bee iha basia ida, no komesa fasi Nia eskolante sira nia ain. Fasi tiha hotu, Nia hamaran ho toalha nebee sikat iha Nia kanotak.

João 13:5 Iomraidhean Croise

Jenesis 18:4

Senhor sira mai deskansa lai iha ai mahon nee. Orsida hau nia atan sira lori bee mai fasi senhor sira nia ain.

Jenesis 19:2

I nia koalia dehan, “Senhor sira! Mai tuur lai iha hau ata nia uma, para senhor sira fasi ain, i toba iha nebaa. Aban dadeer-saan, mak senhor sira kontinua imi nia viajen.” Maibee sira hataan, “Obrigadu. Lalikan fadigadu! Ami baa toba iha kampu deit.”

Jenesis 43:24

Depois sira hotu tama ba iha José nia uma. I José nia ema nee tau bee ba sira hodi fasi sira nia ain. Nia mos foo haan ba sira nia kuda buru.

Lucas 7:38

Nia baa hamriik iha Jesus nia kotuk, besik loos Nia ain. Nia tanis too nia matan been turu kona Jesus nia ain, depois nia hamaran matan been nee ho nia fuuk. I nia mos rei Jesus nia ain fila-fila hodi kose mina morin baa.

Lucas 7:44

Depois Nia fila oin ba feto nee, i hatete ba Simão, “Ita haree took feto nee. Ohin Hau tama iha ita nia uma, ita la prepara bee hodi fasi Hau nia ain tuir ita nia lisan. Maibee nia habokon Hau nia ain ho nia matan been, depois nia hamaran ho nia fuuk.

João 13:10

Jesus foo hatene ba nia dehan, “Ema nebee hariis ona, presiza fasi deit mak nia ain. Tanba nia isin lolon, moos ona. Loos duni, imi nia laran moos ona, maibee laos imi hotu moos.”

João 13:6

Nia fasi sira ida-idak nia ain. Bainhira too iha Simão Pedro, Pedro husu, “Senhor, Ita Boot mos hakarak fasi Hau nia ain, ka?”

João 13:8

Maibee Pedro dehan, “Senhor, la bele nunee! Hau la husik Senhor fasi hau nia ain.” Jesus hataan, “Se Hau la fasi o nia ain, o laos Hau nia ema.”

João 19:34

Maibee soldadu ida foti nia dima hodi sona Jesus nia knosen sorin. Raan fakar i bee mos sai kedas.

Apostolu sira nia Istoria 22:16

Ita hein tan saida?! Hamriik! Baa sarani ona! Nee hanesan sinal katak irmaun husu ba Nai Jesus hamoos ita nia sala hotu.’ ”

1 Korintu 6:11

Afinal uluk imi balu mos hahalok hanesan nee. Maibee agora Maromak hamoos tiha ona imi nia sala, Nia halo imi moris ho laran moos, i Nia simu ona imi. Ita nia Maromak halo buat sira nee hotu liu hosi Nai Jesus Kristu hodi Maromak nia Espiritu nia kbiit.

Efezu 5:26

para halo sira moris ho laran moos. Kristu halo nunee para sira sai moos iha Maromak nia futar oin, tanba sira rona Nia liafuan, nebee hanesan bee hodi fasi halo moos.

1 Timóteo 5:10

Ema rekonhese nia hanesan ema ida ke sempre halo diak ba ema seluk. Nia tau matan ba nia oan sira ho diak, simu bainaka iha nia uma ho laran tomak, serbii sarani sira ho haraik aan, fasi sira nia ain, ajuda ema nebee iha susar laran, i sempre prontu halo buat didiak deit.

Ebreu 10:22

Tanba nee mai ita hakbesik aan ba Nai Maromak ho laran moos i fiar metin ba Nia. Tanba Jesus hamoos tiha ona ita nia laran, too ita la hanoin tan sala nebee uluk ita halo. Nee hanesan Nia fasi ita nia isin lolon hodi bee nebee moos.

1 João 1:7

Maibee se ita moris iha naroman laran, hanesan mos Nai Maromak, entaun ita nia relasaun ho ema fiar sira sai metin, i Nia Oan Jesus nia raan sei hamoos ita nia sala tomak.

1 João 5:6

Naran katak imi hatene: Jesus nee laos ema baibain deit, Nia mos Kristu. Bainhira Nia atu hahuu Nia ministeriu, João sarani Nia ho bee. Tuir mai, Nia raan fakar too mate. Nunee, ida nebee importante laos João sarani Nia ho bee, maibee Nia raan fakar nee mak importante. Tanba Nai Maromak nia Espiritu rasik mak foo sasin nunee, i Espiritu Santu nee nunka bosok.

Apokalipse 1:5

Jesus hadomi ita, nunee Nia raan fakar too mate para ita bele livre hosi sala.

Apokalipse 7:14

Hau hataan, “Hau la hatene, Senhor. Ita Boot mak hatene.” Katuas nee hatete mai hau, “Sira nee uluk hetan terus boot tanba sira nia fiar. Sira fasi tiha ona sira nia batina ho Bibi Oan nia raan, nee mak sira nia batina sai mutin.