João 13:3 - Biblia Tetun Dili

³ Jesus hatene ona katak Nai Maromak mak haruka Nia mai iha mundu nee, i la kleur tan Nia tenki fila fali ba Maromak. Nia mos hatene ona katak Nia Aman iha lalehan foo buat hotu-hotu iha Nia liman.

João 13:3 Iomraidhean Croise

Mateus 11:27

Hotu tiha, Jesus koalia ba ema iha nebaa nunee: “Hau nia Aman foo ona kbiit ho matenek hotu-hotu mai Hau. La iha ema ida konhese diak Hau, so Hau nia Aman deit. I la iha ema ida mak konhese diak Hau nia Aman, so Oan, Hau deit. I Hau mos hili ema seluk hodi hatudu Hau nia Aman ba sira, para sira mos bele konhese Nia.

Mateus 28:18

Entaun Jesus baa besik sira hodi dehan, “Maromak foo tiha ona kbiit tomak mai Hau hodi ukun buat hotu-hotu iha lalehan ho rai.

Lucas 10:22

Depois Jesus dehan ba ema hotu iha nebaa, “Hau nia Aman foo ona kbiit ho matenek hotu-hotu mai Hau. La iha ema ida konhese loloos Hau, so Hau nia Aman deit. I la iha ema ida mak konhese loloos Hau nia Aman, so Nia Oan Hau deit. I Hau mos hili ema seluk hodi hatudu Hau nia Aman ba sira, para sira mos bele konhese Nia.”

João 1:18

La iha ema ida mak bele haree Nai Maromak. Maibee Nia Oan mane mesak, nebee Nia hadomi, mak hatudu Nia laran mai ita. Oan nee, iha Aman nia sorin. Tan Nia mos, Nai Maromak.

João 13:1

Molok loron boot Paskua hahuu, Jesus hatene ona katak, Nia tempu too ona atu Nia husik hela mundu nee, hodi fila fali ba Nia Aman iha lalehan. Maibee Nia hadomi teb-tebes Nia ema sira iha mundu nee, too Nia foo Nia moris tomak ba sira.

João 3:13

La iha ema ida mak baa hasoru Maromak iha lalehan. So Hau deit, Ema Oan, nebee tuun mai hosi Nia.

João 3:35

Tanba Aman Maromak iha lalehan hadomi teb-tebes Nia Oan. I Nia entrega buat hotu-hotu ba iha Oan nee nia liman.

João 7:29

Maibee Hau konhese Nia, tan Hau mai hosi Nia, no Nia mak haruka Hau mai.”

João 7:33

Jesus hatete, “Hau nia tempu hamutuk ho imi hela ituan deit ona. La kleur tan Hau fila fali ba Nia nebee haruka Hau mai.

João 8:14

Jesus hataan, “Maski Hau foo sasin ba Hau nia aan rasik, maibee Hau nia sasin nee, loos. Hau rasik mak hatene Hau mai hosi nebee, i atu baa nebee. Imi la hatene Hau mai hosi nebee i atu baa nebee.

João 8:42

Jesus hatete ba sira dehan, “Se Nai Maromak mak imi nia Aman duni, maka imi tenki hadomi Hau. Tanba Hau mai hosi Nia, i Hau agora iha nee. Hau la mai tuir Hau nia hakarak rasik. Maibee Hau mai, tanba Nia mak haruka Hau mai.

Apostolu sira nia Istoria 2:36

Nunee imi ema Israel hotu-hotu tenki hatene katak, Jesus ida nebee imi prega mate tiha iha krus nee, mak Ema ida nebee Nai Maromak hili ona. Nai Maromak mos foti ona Nia sai ita nia Nai.”

1 Korintu 15:27

Iha Livru Sagradu hakerek dehan, “Maromak halo ona buat hotu-hotu hakruuk iha Kristu nia ain okos.” Bainhira dehan Maromak halo buat hotu-hotu hakruuk ona ba Kristu, la signifika Maromak mos hakruuk ba Kristu. Nee klaru! Tanba Maromak mak halo buat hotu-hotu hakruuk ba Kristu.

Ebreu 1:2

Maibee iha tempu ikus nee, Maromak koalia mai ita liu hosi Nia Oan rasik. Hosi hahuu, Nai Maromak hili Nia Oan hodi ukun hamutuk ho Nia. Uluk liu bainhira Maromak halo lalehan ho rai, ho buat hotu-hotu iha laran, Nia Oan nee halo hamutuk ho Nia.