João 13:16 - Biblia Tetun Dili

¹⁶ Hau nia koalia nee loos. Atan ida la boot liu nia patraun. I ema nebee haruka ema ida baa, nia boot liu ida nebee baa.

João 13:16 Iomraidhean Croise

Lucas 6:40

Estudante ida la bele boot liu nia mestri, maibee se nia eskola too remata, nia bele hanesan nia mestri.

João 15:20

Keta haluha buat nebee Hau foo hatene ona ba imi dehan, ‘Atan ida la boot liu nia patraun.’ Entaun se sira halo terus Hau, sira mos halo terus imi. Se sira rona Hau nia Liafuan, entaun sira mos rona ba imi.

João 3:3

Jesus hataan, “Nee loos! Hau atu dehan nunee: se ema la moris foun, nia la bele haree Maromak nia reinu no la bele sai Maromak nia ema.”

João 3:5

Jesus hataan, “Nee loos! Maibee Hau dehan ba ita: se ema la moris hosi bee no hosi Espiritu, nia la halo parte iha Maromak nia reinu. Ema tenki moris hosi bee para bele sai moos, i moris hosi Espiritu para sai ema foun. Ho nunee, foin bele sai Nai Maromak nia ema.

2 Korintu 8:23

Se iha ema ruma husu kona ba Tito, foo hatene katak Tito nee hau nia kolega nebee serbisu hamutuk ho hau hodi ajuda imi. Kona ba maluk nain rua nee, sarani sira iha nee mak haruka, i sira nain rua nia hahalok foti aas Kristu nia naran.

Filipi 2:25

Uluk imi hili Epafroditu para mai tau matan ba hau. Durante nee nia sai hanesan hau nia alin ida hodi halao Maromak nia serbisu hamutuk ho hau, i nia luta hamutuk ho hau hanesan soldadu diak ida. Maibee agora, hau hanoin hau tenki haruka nia fila fali ba imi.