João 13:1 - Biblia Tetun Dili

¹ Molok loron boot Paskua hahuu, Jesus hatene ona katak, Nia tempu too ona atu Nia husik hela mundu nee, hodi fila fali ba Nia Aman iha lalehan. Maibee Nia hadomi teb-tebes Nia ema sira iha mundu nee, too Nia foo Nia moris tomak ba sira.

João 13:1 Iomraidhean Croise

Mateus 26:45

Hotu tiha Nia fila fali ba Nia eskolanti sira hodi dehan, “Imi sei toba ka? Hadeer ona! Agora tempu too ona para ema entrega Hau, Ema Oan ba ema sala nain sira.

Mateus 28:20

I hanorin sira atu halo tuir buat hotu-hotu nebee mak Hau hatete ona ba imi. Keta haluha, Hau sempre hamutuk ho imi too mundu nee remata.”

Lucas 22:53

Afinal loro-loron Hau hamutuk hela ho imi iha area Uma Kreda Boot nian, i imi la kaer Hau. Maibee agora imi nia tempu, no mos agora forsa nakukun nia tempu.”

Lucas 9:51

Jesus nia loron atu sae ba lalehan besik ona, entaun Nia desidi Nia tenki baa iha sidade Jerusalém.

João 11:55

Iha tempu nee, ema Judeu sira nia loron boot Paskua besik ona. Hanesan baibain, ema barak mai hosi liur halibur iha sidade Jerusalem hodi tuir loron Paskua iha nee. Sira too uluk, hodi tuir serimonia hamoos aan tuir relijiaun nia regra.

João 12:23

Entaun Jesus foo hatene ba sira dehan, “Hau nia tempu too ona. Nunee Hau tenki mate uluk, foin Nai Maromak foti aas Hau. Loos duni! Ita kompara ho fini musan ida. Se ita kuda batar musan ida, nia tenki rahun uluk iha rai, foin nia moris, hodi foo batar musan barak. Se la hanesan nee, batar nee musan ida nafatin.

João 13:29

Judas nee mak sira nia tezoreiru. Entaun, balu hanoin katak Jesus nia koalia ohin nee haruka Judas, “Baa sosa hahaan ruma ba ita haan iha festa Paskua.” Iha balu mos hanoin dehan, “Baa foo osan ituan ba ema kiak sira.”

João 13:3

Jesus hatene ona katak Nai Maromak mak haruka Nia mai iha mundu nee, i la kleur tan Nia tenki fila fali ba Maromak. Nia mos hatene ona katak Nia Aman iha lalehan foo buat hotu-hotu iha Nia liman.

João 13:34

Hau foo ukun-fuan foun ida ba imi, mak nee: imi tenki hadomi malu, hanesan Hau hadomi imi. Nunee imi mos tenki hadomi malu.

João 14:28

Imi rona ona Hau foo hatene ba imi dehan, ‘Hau baa husik hela imi, maibee Hau sei fila fali mai.’ Keta laran susar. Se imi hadomi Hau, imi nia laran senti haksolok, tanba Hau baa ona Hau nia Aman. I Hau nia Aman, boot liu Hau.

João 14:31

Husik nia mai baa, maibee Hau serbisu nafatin hodi halo tuir Hau nia Aman nia hakarak. Nee hodi hatudu ba ema iha mundu nee katak, Hau hadomi teb-tebes Hau nia Aman. Mai ita baa ona!”

João 16:28

Uluk Hau husik hela Hau nia Aman, hodi mai hela iha mundu nee. Maibee agora Hau atu husik mundu nee, hodi baa hela fali ho Nia.”

João 17:1

Jesus koalia tiha hotu nunee, Nia hateke ba loro leten, hodi halo orasaun dehan: “Aman Doben, Hau nia tempu too ona para Aman foti aas Hau. Hau Ita Boot nia Oan. Aman foo ona direitu no kbiit mai Hau hodi ukun ema hotu-hotu iha mundu nee. Aman foo kbiit nee para Hau bele foo moris rohan laek ba ema hotu nebee Aman foo ona mai Hau. Nunee, Hau husu Aman foti aas Hau, para Hau bele hatudu Aman nia naroman-nabilan.

João 17:16

Sira la hanesan ho ema seluk iha mundu nee. Hau mos nunee.

João 17:26

Hau foo hatene ona ba sira, see mak Ita Boot. Hau mos sei foo hatene nafatin ba sira nunee, tanba Hau hakarak sira senti duni Aman nia domin. Domin nebee sira senti nee, hanesan Aman nia domin nebee Aman foo mai Hau. Nunee, Hau mos bele metin nafatin ho sira.”

João 17:5

Molok Ita halo mundu nee, Hau hamutuk ho Aman. Tempu nebaa, Hau nia naroman-nabilan hanesan ho Aman nia naroman-nabilan. Agora Hau atu fila ba Aman. Nunee Hau husu para Aman foti aas Hau, para Hau nia naroman-nabilan fila fali hanesan uluk.”

João 18:4

Tuir loloos, Jesus hatene tiha hotu ona saida mak sei akontese ba Nia. Nunee Nia hakbesik aan ba sira hodi husu, “Imi buka see?”

João 19:28

Liu tiha nee, Jesus hatene ona dehan, Nia halo remata ona Nia serbisu hotu. Nee hodi kumpri saida mak hakerek ona iha Maromak nia Sagrada Eskritura. Nia dehan, “Hau hamrook.”

João 2:13

Bainhira ema Judeu sira nia loron boot Paskua besik ona, Jesus sae ba sidade Jerusalem.

João 7:30

Entaun sira koko atu kaer Nia. Maibee la iha ema ida mak bele kaer Nia, tan Nia loron seidauk too.

João 7:6

I Jesus hataan dehan, “Hau nia tempu seidauk too. Maibee se imi hakarak baa, bainhira deit konformi imi.

João 8:20

Buat sira nee hotu, Jesus foo hatene ba sira bainhira Nia hanorin iha Uma Kreda Boot, besik fatin nebee iha kaixa oferta. La iha ema ida kaer Nia, tanba Nia tempu seidauk too.

Roma 8:37

Maski ita hetan susar nunee, ita manaan liu dook ona, tanba Kristu hadomi teb-tebes ita.

1 Korintu 1:8

Maromak sei hametin imi nia fiar too rohan. Nunee, bainhira ita nia Nai Jesus Kristu fila fali mai hodi tesi ema hotu-hotu nia lia, la iha ema ida sei foo sala ba imi.

Ebreu 3:14

Ita sai ona laran ida ho Jesus Kristu, naran katak ita kaer metin nafatin ita nia fiar hosi huun too rohan.

Ebreu 3:6

Maibee Jesus Kristu halo tuir Maromak nia hakarak hodi toma konta Maromak nia uma laran nudar Maromak nia Oan rasik. Ita nee mak halo parte iha Maromak nia familia iha Nia uma laran, naran katak ita kaer metin ita nia fiar i laran metin nafatin ba promesa nebee Maromak foo ona mai ita.

Ebreu 6:11

Ami hakarak atu imi ida-idak hatudu nafatin imi nia domin nee too rohan, atu nunee imi bele laran metin katak, imi sei hetan buat nebee mak Nai Maromak promete tiha ona atu foo ba imi.

1 Pedro 1:13

Tanba nee, matan moris neon nain hodi komprende didiak buat sira nee hotu. I hein ho laran metin nafatin atu Maromak hatudu Nia laran diak ba imi bainhira Jesus Kristu fila fali mai.

1 João 4:19

Ita hadomi Nai Maromak no ema seluk, tanba Nai Maromak hadomi uluk ita.

Apokalipse 1:5

Jesus hadomi ita, nunee Nia raan fakar too mate para ita bele livre hosi sala.