João 12:5 - Biblia Tetun Dili

⁵ “Nusaa mak nia la faan deit mina morin nee, no nia osan foo ba ema kiak sira? Tanba nia folin hanesan ho badae ida nia salariu ba tinan ida nian.”

João 12:5 Iomraidhean Croise

Mateus 18:28

Bainhira ema nee sai mai, nia hetan nia kolega atan ida nebee uluk deve nia osan mutin atus ida. Nia baa kaer ema nee i buti nia kakorok hodi sisi dehan, ‘O tenki selu hotu o nia tusan nee!’

Mateus 20:2

Hetan tiha ema, sira konkorda malu atu selu loron ida osan mutin ida, i nia haruka sira baa serbisu kedas iha nia toos uvas.

Lucas 12:33

Entaun, baa faan tiha sasaan nebee imi iha i fahe osan nee ba ema kiak sira. Nunee imi rai fali rikusoin iha lalehan, para bele dura. Iha nebaa, imi nia rikusoin sei la hotu, naok-teen la besik, i barata mos la haan.

Lucas 18:22

Rona nunee, Jesus hataan, “Maibee o sei falta buat ida nebee o tenki halo. Agora baa faan tiha o nia rikusoin hotu, i osan nee fahe ba ema kiak. Nunee mak o sei hetan fali rikusoin iha lalehan. Depois mai tuir Hau.”

Lucas 6:41

Nusaa mak o haree ai rahun kikoan ida iha ema seluk nia matan, maibee ai kabelak nebee taka o nia matan rasik, o la senti?

João 12:4

Maibee Jesus nia eskolante ida, naran Judas Eskariotes, nebee tuir mai sei faan Jesus, dehan,

João 12:6

Judas dehan ida nee laos tanba nia hadomi ema kiak sira, maibee nia nee, ema naok-teen ida. Nia mak Jesus sira nia tezoreiru, i sempre foti osan hosi kofre.

João 13:29

Judas nee mak sira nia tezoreiru. Entaun, balu hanoin katak Jesus nia koalia ohin nee haruka Judas, “Baa sosa hahaan ruma ba ita haan iha festa Paskua.” Iha balu mos hanoin dehan, “Baa foo osan ituan ba ema kiak sira.”

João 6:7

Filipe hataan, “Maski badae ida serbisu loron atus rua mos, nia osan seidauk too hodi sosa paun foo ba ema sira nee hotu. Maski ema ida-idak simu paun rohan deit mos, sei la too.”