João 11:16 - Biblia Tetun Dili

¹⁶ Entaun Tome nebee ema bolu, “Didimo” (nebee signifika “kaduak”), foo hatene ba eskolante sira seluk dehan, “Mai ona! Diak liu ita hotu baa, para ita hotu mate hamutuk ho Nia.”

João 11:16 Iomraidhean Croise

Mateus 10:3

Filipe ho Bartolomeu, Tomé ho Mateus, Mateus nee kobrador impostu, Tiago, Alfeu nia oan ho Tadeu,

Mateus 26:35

Pedro hataan fali, “Maski hau tenki mate hamutuk ho Ita Boot, hau sei la nega Ita Boot.” Eskolante sira seluk mos hatete nunee.

Lucas 22:33

Pedro hataan, “Lae, Nai! Hau prontu tama kadeia no mate hamutuk ho Ita Boot.”

Lucas 6:15

Mateus, Tomé, Tiago (Alfeu nia oan), Simão (nia tuir partidu Patriota),

João 11:15

Maibee Hau kontenti tanba Hau la iha nebaa bainhira nia mate, nee para imi lalika laran susar. Saida mak sei akontese nee, sei halo imi fiar ba Hau. Mai ita baa ona nebaa!”

João 11:8

Maibee Nia eskolante sira protesta dehan, “Mestri, foin dadauk nee ema Judeu nia boot sira atu tuda mate Ita Boot ho fatuk iha nebaa. Agora Ita Boot atu fila fali ba nebaa?”

João 13:37

Pedro husu tan, “Senhor! Tanba saa hau seidauk bele baa ho Ita Boot agora? Hau prontu mate ba Ita Boot!”

João 14:5

Maibee Tome husu ba Nia dehan, “Senhor! Ami la hatene Ita Boot atu baa nebee. Oinsaa ami bele hatene dalan ba nebaa?”

João 21:2

Tempu nee, Jesus nia eskolante nain hitu halibur hamutuk hela. Sira nee, mak: Simão Pedro, Tome, nebee sira bolu, ‘oan kaduak’, Natanael, hosi aldeia Kanaa iha provinsia Galileia, Zebedeu nia oan nain rua, ho Jesus nia eskolante nain rua seluk.

Apostolu sira nia Istoria 1:13

Too iha sidade, sira baa tama iha uma ida nebee sira hela baa, i sira sae liu ba iha andar leten. Jesus nia apostolu sira nia naran mak nee: Pedro, João, Tiago, André, Filipe, Tomé, Bartolomeu, Mateus, Tiago (Alfeu nia oan), Simão (membru partidu Zelot), ho Judas (Tiago nia oan).