João 10:6 - Biblia Tetun Dili

⁶ Jesus halo komparasaun nee ba sira, maibee sira la komprende Nia hakarak.

João 10:6 Iomraidhean Croise

Mateus 13:34

Jesus hanorin reinu lalehan ba ema lubun boot nee ho komparasaun oi-oin. Nia sempre hanorin sira uza komparasaun.

Mateus 13:51

Depois Jesus husu Nia eskolanti sira dehan, “Buat nebee ohin Hau hanorin nee imi komprende hotu ka lae?” Nia eskolanti sira hataan, “Ami komprende.”

Marcos 4:34

Nia baibain hanorin ema barak ho komparasaun. Maibee ba Nia eskolanti sira, Nia foo hatene komparasaun sira nee nia signifikadu, para sira bele komprende didiak.

João 16:25

Jesus kontinua koalia dehan, “Hau baibain hanorin imi uza komparasaun. Maibee too iha tempu ida Hau hanorin sei la uza ona komparasaun. Tanba Hau sei koalia momoos kona ba Hau nia Aman.

João 16:29

Rona nunee, Jesus nia eskolante sira foo hatene dehan, “Agora Ita Boot koalia momoos, no hanorin la uza tan komparasaun.

João 6:52

Rona nunee, ema Judeu nia boot sira komesa haksesuk malu dehan, “Nia koalia saida mak nee? Oinsaa mak Ema ida nee bele foo Nia isin ba ita haan?”

João 6:60

Iha ema barak mak tuir Jesus. Maibee bainhira sira rona Jesus nia hanorin nunee, sira balu koalia dehan, “Nia hanorin nee, todan! See mak bele simu hanorin hanesan nee?”

João 7:36

Nia hakarak dehan saida, ‘Imi buka Hau, maibee imi la hetan’ i ‘Hau baa iha fatin nebee imi la bele tuir’?”

João 8:27

(Nia koalia nee kona ba Nia Aman iha lalehan, maibee sira la komprende.)

João 8:43

Tanba saa mak imi la komprende Hau nia koalia nee? Nee tanba imi mak lakohi rona!

1 Korintu 2:14

Maibee se Maromak nia Espiritu la hela iha ema ida nia laran, ema nee sei la simu saida mak Maromak nia Espiritu koalia. Nia la bele komprende, nia hanoin liafuan nee buat beik ida, tanba so ho Espiritu nia tulun mak ema bele komprende.

2 Pedro 2:22

Iha ema soe lia nunee: “Bainhira asu muta, nia rasik sei lambe fila fali.” Iha mos seluk dehan, “Fahi nebee foo hariis moos tiha ona sei duir aan fali iha tahu laran.”

1 João 5:20

Ita hatene katak Maromak nia Oan mai ona, i Nia loke ona ita nia neon para ita bele konhese Ida nebee mak loos. Ita laran ida ona ho Ida nebee mak loos, ita mos laran ida ho Nia Oan Jesus Kristu. Nia mak Maromak loloos, i Nia mak moris rohan-laek.