João 10:3 - Biblia Tetun Dili

³ Ema nebee hein iha odamatan konhese nia, i loke odamatan ba nia. I bibi malae sira mos konhese bibi atan nia lian. Se nia bolu sira ida-idak nia naran, sira tuir nia ba liur.

João 10:3 Iomraidhean Croise

João 10:14

Hau mak bibi atan diak. Hau konhese Hau nia bibi sira, no sira mos konhese Hau.

João 10:16

Hau iha bibi seluk nebee seidauk tama hamutuk ho Hau nia bibi sira iha nee. Hau tenki baa halibur sira mos. Bainhira sira rona Hau nia lian, sira konhese kedas. Depois sira mai hamutuk hodi sai bibi lubun boot ida ho nia bibi atan ida.

João 10:4

Bainhira nia lori sira ba liur, nia lao uluk, bibi malae sira tuir nia hosi kotuk, tanba sira hatene nia lian.

João 10:9

Hau hanesan odamatan. Ema nebee tama liu hosi Hau, Nai Maromak salva nia hosi nia sala sira. Nee hanesan bibi malae nebee tama-sai hodi haan-hemu.

João 6:37

Afinal ema hotu nebee Hau nia Aman hili ona para sai Hau nia ema, sira sei mai ba Hau. I ema nebee mai iha Hau, Hau la duni nia sai.

João 6:45

Maromak nia profeta sira uluk hakerek ona dehan, ‘Nai Maromak hakarak hanorin ema hotu.’ I ema hotu nebee rona ba Aman iha lalehan, no aprende hosi Nia, sira mai iha Hau no sai Hau nia ema.

Roma 8:30

Ita nebee Maromak desidi ona hosi hahuu, Nia hili sai Nia ema. Ita nebee Nia bolu ona nee, Nia simu hodi deklara katak ita moris loos ona iha Maromak nia prezensa. I ita nebee Nia simu ona, Nia mos foti aas.

1 Korintu 16:9

Tanba odamatan nakloke mai hau atu halao Maromak nia serbisu iha nee ho diak, maski ema barak kontra hau.

Filipi 4:3

Hau nia kolega serbisu nebee hau konfia, hau husu o ajuda hela senhora nain rua nee para diak malu. Tanba uluk sira nain rua serbisu makaas ajuda hau hodi foo sai Maromak nia Novidade Diak, hamutuk ho Clemente ho kolega sira seluk. Sira hotu nia naran, Maromak hakerek tiha ona iha livru ema moris rohan-laek nian.

Kolose 4:3

Keta haluha harohan mos mai ami. Husu atu Nai Maromak loke dalan para ami bele foo sai ba ema, buat nebee uluk segredu hela kona ba Kristu. Tanba hau foo hatene segredu nee mak hau agora dadur hela iha komarka.

2 Timóteo 2:19

Maibee Nai Maromak nia povu fiar metin nafatin, hanesan uma nia riin nebee la nakdoko. Iha riin nee hakerek dehan, “Maromak hatene Nia ema sira.” Hakerek mos katak, “See mak dehan nia tuir Nai Maromak, tenki fila kotuk ba buat aat.”

1 Pedro 1:12

Espiritu Santu foo hatene ba sira katak, buat nebee sira foo sai nee, laos atu serbii sira nia aan, maibee atu serbii imi. Novidade Diak nebee profeta sira foo sai nee, ikus mai imi mos rona hosi ema seluk. Sira nee simu kbiit hosi Maromak Nia Espiritu hosi lalehan para haklaken Nia Novidade Diak nee ba imi. Afinal anju sira mos hakarak teb-tebes atu hatene buat sira nee.

1 João 4:6

Maibee ami Nai Maromak nia ema. I ema nebee konhese ona Nai Maromak, sira rona ami; ema nebee laos Nai Maromak nia ema, sira lakohi rona ami. Hosi nee ita hatene, Espiritu nebee loos no espiritu nebee bosok.

3 João 1:14

Hau hakarak atu la kleur tan ita bele hasoru malu, para ita bele koalia.

Apokalipse 20:15

Ema sira nebee naran la hakerek iha livru ema moris rohan-laek nian, mos soe tama hotu ba iha ahi lakan boot nee nia laran.

Apokalipse 3:20

Haree baa! Hau hamriik hela iha odamatan oin hodi tuku odamatan. Ema nebee rona Hau nia lian i loke odamatan mai Hau, Hau sei tama ba laran i ami sei haan hamutuk.

Apokalipse 7:17

Tanba Bibi Oan nebee mak hamriik iha klaran besik kadeira ukun nee mak sei sai sira nia Bibi Atan. Nia sei lori sira ba bee matan hodi foo hemu bee nebee foo moris rohan-laek. I Nai Maromak sei hamaran sira nia matan been.”