João 10:16 - Biblia Tetun Dili

¹⁶ Hau iha bibi seluk nebee seidauk tama hamutuk ho Hau nia bibi sira iha nee. Hau tenki baa halibur sira mos. Bainhira sira rona Hau nia lian, sira konhese kedas. Depois sira mai hamutuk hodi sai bibi lubun boot ida ho nia bibi atan ida.

João 10:16 Iomraidhean Croise

Jenesis 49:10

O nee sei kaer ukun. O nia jerasaun sira mos sei kaer ukun tutuir malu, too iha ida mak iha direitu liu hodi tuur kaer ukun nee. I nasaun sira hotu sei hakruuk i rona ba Nia.

Mateus 17:5

Pedro sei koalia hela nunee, derepenti kalohan nabilan ida tuun mai falun tiha sira. I lian ida sai hosi kalohan nee dehan, “Ida nee Hau nia Oan doben. Nia halo Hau nia laran haksolok teb-tebes. Imi tenki rona Nia!”

Lucas 15:8

Jesus halo tan komparasaun ida dehan, “Senhora ida iha osan mutin sanulu, depois osan mutin ida lakon tiha. Agora nia atu halo saida? Nia sei sunu ahi-oan, i dasa uma laran tomak hodi buka didiak osan nee too hetan.

João 10:11

Hau hanesan bibi atan diak. Tanba bibi atan diak prontu foo nia aan too mate, para nia bibi sira bele hetan moris.

João 10:2

Maibee ema nebee tama liu hosi odamatan, nee mak bibi atan nebee tau matan ba bibi sira.

João 10:27

Hau nia bibi loloos, rona no konhese Hau nia lian. Sira mos tuir Hau, i Hau mos konhese sira.

João 10:3

Ema nebee hein iha odamatan konhese nia, i loke odamatan ba nia. I bibi malae sira mos konhese bibi atan nia lian. Se nia bolu sira ida-idak nia naran, sira tuir nia ba liur.

João 10:4

Bainhira nia lori sira ba liur, nia lao uluk, bibi malae sira tuir nia hosi kotuk, tanba sira hatene nia lian.

João 10:5

Ema nebee bibi sira la hatene, sira la tuir nia, maibee bibi sira halai lakon, tanba sira la konhese ema nee nia lian.”

João 11:52

Tuir loloos, Nia la mate deit ba ema Judeu, maibee hodi halibur Nai Maromak nia oan hotu nebee namkari iha mundu nee, para sira hotu sai povu ida.

João 17:20

Jesus kontinua halo orasaun, “Hau halo orasaun laos ba sira nebee iha agora deit. Maibee Hau mos halo orasaun kona ba ema nebee sei fiar mai Hau, liu hosi ema sira nee nia mensajen.

João 6:37

Afinal ema hotu nebee Hau nia Aman hili ona para sai Hau nia ema, sira sei mai ba Hau. I ema nebee mai iha Hau, Hau la duni nia sai.

Apostolu sira nia Istoria 15:14

Irmaun Simão Pedro konta ona mai ita katak, Nai Maromak foin hatudu Nia domin ba ema nebee laos Judeu, hodi foti sira balu sai Nia ema.

Apostolu sira nia Istoria 18:10

Hau hamutuk ho o. La iha ema ida bele halo aat ba o, tan iha sidade nee, Hau nia ema barak.”

Apostolu sira nia Istoria 22:14

Nia hatete mai hau dehan, ‘Nai Maromak, nebee ita nia bei-ala sira adora, hili ona irmaun hodi komprende didiak Nia hakarak, konhese Nia Ema Moris Loos, i rona Nia lian rasik.

Roma 11:25

Maun-alin sira, hau hakarak atu imi hatene Maromak nia planu nebee uluk segredu hela, para imi la bele foti aan. Nia planu mak nee: agora dadauk ema Israel barak sei ulun toos hasoru Maromak. Sira sei ulun toos too Maromak hili ona ema seluk tama hotu ba Maromak nia povu, foin sira fiar ba Nia.

2 Tesalonika 2:13

Maun-alin sira nebee Nai Jesus hadomi. Ami sempre agradese ba Nai Maromak, tanba hori uluk kedas Nia hili nanis ona imi atu simu salvasaun. Nia salva imi liu hosi Nia Espiritu nebee halo imi moris ho laran moos, i liu hosi imi nia fiar ba lia loos.

Ebreu 13:20

Nai Maromak mak dame nain. Nia mak halo moris fali Nai Jesus hosi mate. Liu hosi Jesus nia mate nee, Maromak halo metin Nia aliansa ho ita ema, i Nia aliansa nee vale nafatin too tinan ba tinan. Liu hosi Nia mate mos Jesus agora sai ona Bibi Atan diak liu hodi tau matan ba Nia bibi sira. Nunee hau harohan atu

1 Pedro 2:10

Uluk imi laos Nai Maromak nia povu, maibee agora imi sai ona Nia povu. Uluk imi seidauk simu Maromak nia domin, maibee agora imi simu ona.

1 Pedro 2:25

Uluk imi hanesan bibi malae nebee mak lao sala dalan. Maibee agora imi fila fali ona ba imi nia Bibi Atan, i Nia mak tau matan ba imi.

1 Pedro 5:4

Se imi halo nunee, aban-bainrua bainhira bibi atan sira nia Boot fila fali mai, imi sei simu koroa naroman nabilan, i koroa nee nunka namlaik.

Apokalipse 3:20

Haree baa! Hau hamriik hela iha odamatan oin hodi tuku odamatan. Ema nebee rona Hau nia lian i loke odamatan mai Hau, Hau sei tama ba laran i ami sei haan hamutuk.